ਅਮਰੀਕੀ ਹਮਲਿਆਂ 'ਚ ਈਰਾਨ ਦੀ ਜਲ ਸੈਨਾ ਤਬਾਹ- 30 ਤੋਂ ਵੱਧ ਜਹਾਜ਼ ਡੁਬੋਏ; ਅਬੂ ਧਾਬੀ 'ਤੇ ਮਿਜ਼ਾਈਲ ਹਮਲਿਆਂ ਕਾਰਨ ਦਹਿਸ਼ਤ
America
ਅਮਰੀਕੀ ਹਮਲਿਆਂ 'ਚ ਈਰਾਨ ਦੀ ਜਲ ਸੈਨਾ ਤਬਾਹ: 30 ਤੋਂ ਵੱਧ ਜਹਾਜ਼ ਡੁਬੋਏ; ਅਬੂ ਧਾਬੀ 'ਤੇ ਮਿਜ਼ਾਈਲ ਹਮਲਿਆਂ ਕਾਰਨ ਦਹਿਸ਼ਤ
ਵਾਸ਼ਿੰਗਟਨ/ਅਬੂ ਧਾਬੀ: ਅਮਰੀਕਾ ਅਤੇ ਇਜ਼ਰਾਈਲ ਵੱਲੋਂ ਈਰਾਨ ਵਿਰੁੱਧ ਵਿੱਢੀ ਗਈ ਜੰਗ 'ਆਪ੍ਰੇਸ਼ਨ ਐਪਿਕ ਫਿਊਰੀ' ਨੇ ਈਰਾਨ ਦੀ ਜਲ ਸੈਨਾ ਦਾ ਲੱਕ ਤੋੜ ਕੇ ਰੱਖ ਦਿੱਤਾ ਹੈ। ਅਮਰੀਕੀ ਸੈਂਟਰਲ ਕਮਾਂਡ ਦੇ ਮੁਖੀ ਐਡਮਿਰਲ ਬ੍ਰੈਡ ਕੂਪਰ ਨੇ ਵੱਡਾ ਦਾਅਵਾ ਕਰਦਿਆਂ ਕਿਹਾ ਕਿ ਹੁਣ ਤੱਕ ਈਰਾਨ ਦੇ 30 ਤੋਂ ਵੱਧ ਜੰਗੀ ਜਹਾਜ਼ਾਂ ਨੂੰ ਨਸ਼ਟ ਕਰ ਦਿੱਤਾ ਗਿਆ ਹੈ।
ਈਰਾਨੀ ਡਰੋਨ ਕੈਰੀਅਰ 'ਤੇ ਵੱਡਾ ਹਮਲਾ
ਅਮਰੀਕੀ ਅਧਿਕਾਰੀਆਂ ਅਨੁਸਾਰ, ਤਾਜ਼ਾ ਕਾਰਵਾਈ ਵਿੱਚ ਈਰਾਨ ਦੇ ਇੱਕ ਵਿਸ਼ਾਲ ਡਰੋਨ ਕੈਰੀਅਰ ਜਹਾਜ਼ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ, ਜੋ ਇਸ ਸਮੇਂ ਅੱਗ ਦੀਆਂ ਲਪਟਾਂ ਵਿੱਚ ਘਿਰਿਆ ਹੋਇਆ ਹੈ। ਅਮਰੀਕੀ ਹਵਾਈ ਹਮਲਿਆਂ ਕਾਰਨ ਈਰਾਨ ਦੀ ਮਿਜ਼ਾਈਲ ਤਾਕਤ 90 ਫੀਸਦੀ ਤੱਕ ਕਮਜ਼ੋਰ ਹੋ ਗਈ ਹੈ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਮੁਹਿੰਮ ਨੂੰ ਈਰਾਨੀ ਖ਼ਤਰੇ ਨੂੰ ਜੜ੍ਹੋਂ ਖ਼ਤਮ ਕਰਨ ਵਾਲਾ ਕਦਮ ਦੱਸਿਆ ਹੈ।
ਖਾੜੀ ਦੇਸ਼ਾਂ 'ਚ ਵਧਿਆ ਤਣਾਅ
ਇਸ ਜੰਗ ਦੀ ਅੱਗ ਹੁਣ ਗੁਆਂਢੀ ਦੇਸ਼ਾਂ ਤੱਕ ਵੀ ਪਹੁੰਚ ਗਈ ਹੈ। ਵੀਰਵਾਰ ਨੂੰ ਯੂਏਈ ਦੀ ਰਾਜਧਾਨੀ ਅਬੂ ਧਾਬੀ ਵਿੱਚ ਕਈ ਜ਼ਬਰਦਸਤ ਧਮਾਕੇ ਹੋਏ। ਈਰਾਨ ਵੱਲੋਂ ਦਾਗੀਆਂ ਗਈਆਂ ਮਿਜ਼ਾਈਲਾਂ ਅਤੇ ਡਰੋਨਾਂ ਨੂੰ ਰੋਕਣ ਲਈ ਯੂਏਈ ਦਾ ਹਵਾਈ ਰੱਖਿਆ ਸਿਸਟਮ ਪੂਰੀ ਤਰ੍ਹਾਂ ਸਰਗਰਮ ਹੈ। ਸ਼ਹਿਰ ਵਿੱਚ ਸਾਇਰਨਾਂ ਦੀ ਆਵਾਜ਼ ਅਤੇ ਧੂੰਏਂ ਦੇ ਗੁਬਾਰ ਨੇ ਜੰਗ ਦੇ ਭਿਆਨਕ ਹਾਲਾਤ ਪੈਦਾ ਕਰ ਦਿੱਤੇ ਹਨ।
Iranian Navy Destroyed In US Attacks More Than 30 Ships Sunk Terror Due To Missile Attacks On Abu Dhabi
