ਮੋਗਾ ਰੈਲੀ ਅਲਰਟ: ਅਮਿਤ ਸ਼ਾਹ ਦੀ ਆਮਦ 'ਤੇ ਟ੍ਰੈਫਿਕ ਪਲਾਨ ਜਾਰੀ; ਸਫ਼ਰ 'ਤੇ ਨਿਕਲਣ ਤੋਂ ਪਹਿਲਾਂ ਦੇਖੋ ਬਦਲਵੇਂ ਰੂਟ
Moga
ਮੋਗਾ ਰੈਲੀ ਅਲਰਟ: ਅਮਿਤ ਸ਼ਾਹ ਦੀ ਆਮਦ 'ਤੇ ਟ੍ਰੈਫਿਕ ਪਲਾਨ ਜਾਰੀ; ਸਫ਼ਰ 'ਤੇ ਨਿਕਲਣ ਤੋਂ ਪਹਿਲਾਂ ਦੇਖੋ ਬਦਲਵੇਂ ਰੂਟ
ਮੋਗਾ: ਮੋਗਾ ਦੇ ਪਿੰਡ ਕਿੱਲੀ ਚਾਹਲਾਂ ਵਿਖੇ ਅੱਜ ਹੋਣ ਵਾਲੀ ਭਾਰੀ ਸਿਆਸੀ ਰੈਲੀ ਦੇ ਮੱਦੇਨਜ਼ਰ ਜ਼ਿਲ੍ਹਾ ਪੁਲਿਸ ਨੇ ਟ੍ਰੈਫਿਕ ਵਿਵਸਥਾ ਨੂੰ ਸੁਚਾਰੂ ਬਣਾਉਣ ਲਈ ਨਵਾਂ ਰੂਟ ਮੈਪ ਜਾਰੀ ਕੀਤਾ ਹੈ। ਟ੍ਰੈਫਿਕ ਐਜੂਕੇਸ਼ਨ ਸੈੱਲ ਅਨੁਸਾਰ ਆਮ ਲੋਕਾਂ ਦੀ ਸਹੂਲਤ ਲਈ ਕਈ ਮੁੱਖ ਮਾਰਗਾਂ ਨੂੰ ਡਾਇਵਰਟ ਕੀਤਾ ਗਿਆ ਹੈ।
ਇਨ੍ਹਾਂ ਰੂਟਾਂ ਦੀ ਕਰੋ ਵਰਤੋਂ:
ਫਰੀਦਕੋਟ, ਫਿਰੋਜ਼ਪੁਰ ਤੇ ਫਾਜ਼ਿਲਕਾ ਤੋਂ ਲੁਧਿਆਣਾ/ਚੰਡੀਗੜ੍ਹ: ਇਹ ਵਾਹਨ ਹੁਣ ਤਲਵੰਡੀ ਭਾਈ – ਜ਼ੀਰਾ – ਕੋਟ ਈਸੇ ਖਾਂ – ਧਰਮਕੋਟ – ਸਿੱਧਵਾਂ ਬੇਟ ਰਾਹੀਂ ਜਾ ਸਕਣਗੇ।
ਬਰਨਾਲਾ, ਸੰਗਰੂਰ ਤੇ ਪਟਿਆਲਾ ਤੋਂ ਅੰਮ੍ਰਿਤਸਰ: ਵਾਹਨ ਚਾਲਕ ਹਿੰਮਤਪੁਰਾ ਤਿਕੋਣੀ – ਨਿਹਾਲ ਸਿੰਘ ਵਾਲਾ – ਬਾਘਾਪੁਰਾਣਾ – ਮੁਦਕੀ ਮਾਰਗ ਦੀ ਵਰਤੋਂ ਕਰਨ।
ਅਬੋਹਰ ਤੇ ਸ੍ਰੀ ਮੁਕਤਸਰ ਸਾਹਿਬ ਤੋਂ ਲੁਧਿਆਣਾ: ਯਾਤਰੀ ਕੋਟਕਪੂਰਾ – ਮੁਦਕੀ – ਜ਼ੀਰਾ – ਕੋਟ ਈਸੇ ਖਾਂ ਦੇ ਰਸਤੇ ਲੁਧਿਆਣਾ ਪਹੁੰਚ ਸਕਦੇ ਹਨ।
ਚੰਡੀਗੜ੍ਹ ਤੇ ਲੁਧਿਆਣਾ ਤੋਂ ਫਿਰੋਜ਼ਪੁਰ/ਫਾਜ਼ਿਲਕਾ: ਵਾਹਨ ਨਾਨਕਸਰ – ਗਾਲਿਬ ਕਲਾਂ – ਕੋਕਰੀ ਕਲਾਂ ਮਾਰਗ ਰਾਹੀਂ ਆਪਣੀ ਮੰਜ਼ਿਲ 'ਤੇ ਜਾ ਸਕਦੇ ਹਨ।
ਅੰਮ੍ਰਿਤਸਰ ਤੇ ਤਰਨਤਾਰਨ ਤੋਂ ਰੈਲੀ ਵਾਲੀ ਥਾਂ: ਰੈਲੀ ਵਿੱਚ ਜਾਣ ਵਾਲੇ ਵਾਹਨ ਮੱਖੂ – ਜ਼ੀਰਾ – ਤਲਵੰਡੀ ਭਾਈ – ਮੋਗਾ – ਬੁੱਘੀਪੁਰਾ ਚੌਂਕ ਰਾਹੀਂ ਕਿੱਲੀ ਚਾਹਲਾਂ ਪਹੁੰਚਣਗੇ।
ਪੁਲਿਸ ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਵੀ ਤਰ੍ਹਾਂ ਦੀ ਖੱਜਲ-ਖੁਆਰੀ ਤੋਂ ਬਚਣ ਲਈ ਪੁਲਿਸ ਦੁਆਰਾ ਦਿੱਤੀਆਂ ਹਦਾਇਤਾਂ ਦੀ ਪਾਲਣਾ ਕੀਤੀ ਜਾਵੇ ਤਾਂ ਜੋ ਟ੍ਰੈਫਿਕ ਜਾਮ ਤੋਂ ਬਚਿਆ ਜਾ ਸਕੇ।
Powered by Froala Editor
Moga Rally Alert Traffic Plan Released For Amit Shah s Arrival Check Alternative Routes Before Setting Off On The Journey
