ਰਣਜੀ ਟਰਾਫੀ- ਪ੍ਰਿਥਵੀ ਸ਼ਾਅ ਨੇ ਸੈਂਕੜਾ ਲਗਾ ਕੇ ਬਣਾਇਆ ਵੱਡਾ ਰਿਕਾਰਡ, ਚੇਤੇਸ਼ਵਰ ਪੁਜਾਰਾ ਤੇ ਦੇਵਦੱਤ ਪਡਿਕਲ ਨੇ ਵੀ ਸੈਂਕੜੇ ਲਗਾਏ
raghuvanshi /
ਸਪੋਰਟਸ ਡੈਸਕ। ਮੁੰਬਈ ਦੇ ਸਟਾਰ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਨੇ ਸ਼ੁੱਕਰਵਾਰ ਨੂੰ ਰਣਜੀ ਟਰਾਫੀ ਚ ਧਮਾਕੇਦਾਰ ਬੱਲੇਬਾਜ਼ੀ ਕੀਤੀ। ਪ੍ਰਿਥਵੀ ਨੇ ਏਲੀਟ ਗਰੁੱਪ-ਬੀ ਚ ਛੱਤੀਸਗੜ੍ਹ ਦੇ ਖਿਲਾਫ ਸ਼ਾਨਦਾਰ ਸੈਂਕੜਾ ਲਗਾਇਆ। ਉਸ ਨੇ ਤੂਫਾਨੀ ਅੰਦਾਜ਼ ਚ ਬੱਲੇਬਾਜ਼ੀ ਕੀਤੀ ਅਤੇ ਸਿਰਫ 102 ਗੇਂਦਾਂ ਚ ਆਪਣਾ ਸੈਂਕੜਾ ਪੂਰਾ ਕਰ ਲਿਆ। ਪ੍ਰਿਥਵੀ 185 ਗੇਂਦਾਂ ਤੇ 159 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਤੋਂ ਇਲਾਵਾ ਭਾਰਤ ਦੇ ਦਿੱਗਜ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਨੇ ਵੀ ਸੈਂਕੜਾ ਲਗਾਇਆ। ਸੌਰਾਸ਼ਟਰ ਲਈ ਖੇਡਦੇ ਹੋਏ ਰਾਜਸਥਾਨ ਦੇ ਖਿਲਾਫ ਸੈਂਕੜਾ ਜੜਿਆ।ਪ੍ਰਿਥਵੀ ਨੇ ਲੰਚ ਤੋਂ ਪਹਿਲਾਂ ਹੀ ਸੈਂਕੜਾ ਪੂਰਾ ਕਰਕੇ ਇੱਕ ਵੱਡਾ ਰਿਕਾਰਡ ਆਪਣੇ ਨਾਂ ਕਰ ਲਿਆ। ਉਹ ਮੈਚ ਦੇ ਪਹਿਲੇ ਸੈਸ਼ਨ (ਲੰਚ ਤੱਕ) ਵਿੱਚ ਦੋ ਵਾਰ ਸੈਂਕੜੇ ਲਗਾਉਣ ਵਾਲੇ ਪਹਿਲੇ ਦਰਜੇ ਦੇ ਕ੍ਰਿਕਟ ਵਿੱਚ ਭਾਰਤ ਲਈ ਪਹਿਲੇ ਬੱਲੇਬਾਜ਼ ਬਣ ਗਏ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਜਨਵਰੀ 2023 ਚ ਅਸਾਮ ਖਿਲਾਫ ਪਹਿਲੇ ਹੀ ਮੈਚ ਚ ਸੈਂਕੜਾ ਲਗਾਇਆ ਸੀ। ਪ੍ਰਿਥਵੀ ਲੰਬੇ ਸਮੇਂ ਤੋਂ ਭਾਰਤੀ ਟੈਸਟ ਟੀਮ ਤੋਂ ਬਾਹਰ ਹਨ। ਫਿਟਨੈੱਸ ਦੀ ਕਮੀ ਅਤੇ ਪ੍ਰਦਰਸ਼ਨ ਚ ਨਿਰੰਤਰਤਾ ਕਾਰਨ ਉਸ ਨੂੰ ਟੀਮ ਚ ਸ਼ਾਮਲ ਨਹੀਂ ਕੀਤਾ ਜਾ ਰਿਹਾ ਹੈ। ਪ੍ਰਿਥਵੀ ਨੇ ਭਾਰਤ ਲਈ ਆਖਰੀ ਟੈਸਟ ਮੈਚ ਦਸੰਬਰ 2020 ਵਿੱਚ ਆਸਟਰੇਲੀਆ ਖਿਲਾਫ ਖੇਡਿਆ ਸੀ।
Live punjabi tv
