NCRB ਨੇ ਜਾਰੀ ਕੀਤਾ ਡਾਟਾ, ਪੰਜਾਬ 'ਚ ਇਕ ਸਾਲ ਅੰਦਰ 2600 ਲੋਕਾਂ ਨੇ ਕੀਤੀ ਖ਼ੁਦਕੁਸ਼ੀ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ, ਚੰਡੀਗੜ੍ਹ : ਪੰਜਾਬ 'ਚ ਕਿਸੇ ਨਾ ਕਿਸੇ ਕਾਰਨ ਕਰਕੇ ਲੋਕਾਂ ਵੱਲੋਂ ਕੀਤੀਆਂ ਜਾਣ ਵਾਲੀਆਂ ਖ਼ੁਦਕੁਸ਼ੀਆਂ ਦੇ ਕੇਸ ਲਗਾਤਾਰ ਵੱਧ ਰਹੇ ਹਨ। ਪੂਰੇ ਦੇਸ਼ 'ਚੋਂ ਬੀਮਾਰੀ ਤੋਂ ਦੁਖੀ ਹੋ ਕੇ ਜਾਨ ਦੇਣ ਵਾਲੇ ਲੋਕਾਂ 'ਚ ਪੰਜਾਬ ਦਾ ਅੰਕੜਾ ਸਭ ਤੋਂ ਜ਼ਿਆਦਾ ਹੈ। ਨੈਸ਼ਨਲ ਕ੍ਰਾਈਮ ਰਿਕਾਰਡਸ ਬਿਓਰੋ (ਐੱਨਸੀਆਰਬੀ) ਦੀ ਰਿਪੋਰਟ ਦੇ ਮੁਤਾਬਕ ਪੰਜਾਬ 'ਚ ਔਸਤਨ ਰੋਜ਼ਾਨਾ 7 ਲੋਕ ਖ਼ੁਦਕੁਸ਼ੀ ਕਰ ਰਹੇ ਹਨ।
ਐੱਨ. ਸੀ. ਆਰ. ਬੀ. ਦੀ ਰਿਪੋਰਟ ਮੁਤਾਬਕ ਸਾਲ 2021 'ਚ 2600 ਲੋਕਾਂ 'ਚੋਂ 1164 ਲੋਕਾਂ ਨੇ ਵੱਖ-ਵੱਖ ਤਰ੍ਹਾਂ ਦੀਆਂ ਬੀਮਾਰੀਆਂ ਤੋਂ ਤੰਗ ਹੋ ਕੇ ਜਾਨ ਦੇ ਦਿੱਤੀ। ਇਸ ਤੋਂ ਬਾਅਦ ਪਰਿਵਾਰਕ ਝਗੜੇ, ਨੌਕਰੀ ਨਾ ਮਿਲਣਾ, ਡਰੱਗਜ਼ ਜਾਂ ਸ਼ਰਾਬ ਦੀ ਆਦਤ ਤੋਂ ਪਰੇਸ਼ਾਨ, ਵਿਆਹ ਅਤੇ ਲਵ ਅਫੇਅਰਜ਼ ਆਦਿ ਦੇ ਚੱਲਦਿਆਂ ਵੀ ਲੋਕਾਂ ਨੇ ਜਾਨ ਦਿੱਤੀ।
ਪੰਜਾਬ 'ਚ ਇਕ ਸਾਲ ਬਾਅਦ ਹੀ ਸੜਕ ਹਾਦਸਿਆਂ ਅਤੇ ਉਨ੍ਹਾਂ 'ਚ ਹੋਣ ਵਾਲੀਆਂ ਮੌਤਾਂ ਦਾ ਅੰਕੜਾ ਫਿਰ ਵਧਿਆ ਹੈ। ਸਾਲ 2021 'ਚ ਸੂਬੇ 'ਚ 6097 ਸੜਕ ਹਾਦਸੇ ਹੋਏ। ਇਨ੍ਹਾਂ 'ਚ 4516 ਲੋਕਾਂ ਦੀ ਜਾਨ ਗਈ ਹੈ।
NCRB released the data 2600 people committed suicide in Punjab within one year
