ਸੋਲਨ ’ਚ ਬੱਦਲ ਫਟਣ ਨਾਲ 7 ਮੌ.ਤਾਂ, ਸ਼ਿਮਲਾ ’ਚ ਮੰਦਰ ਨੇੜੇ ਖਿਸਕੀ ਜ਼ਮੀਨ
LPTV / Chandigarh
ਨੈਸ਼ਨਲ ਡੈਸਕ: ਹਿਮਾਚਲ ਪ੍ਰਦੇਸ਼ ਵਿੱਚ ਭਾਰੀ ਮੀਂਹ ਨੇ ਇੱਕ ਵਾਰ ਫਿਰ ਤਬਾਹੀ ਮਚਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਸੂਬੇ 'ਚ ਭਾਰੀ ਮੀਂਹ ਕਾਰਨ ਰੈੱਡ ਅਲਰਟ ਜਾਰੀ ਕੀਤਾ ਗਿਆ ਹੈ। ਇਸ ਦੌਰਾਨ ਸੋਲਨ ਤੋਂ ਖ਼ਬਰ ਆਈ ਹੈ ਕਿ ਇੱਥੇ ਬੱਦਲ ਫਟਣ ਕਾਰਨ ਦੋ ਘਰ ਵਹਿ ਗਏ ਹਨ। ਜਿਸ ਵਿੱਚ ਇੱਕੋ ਪਰਿਵਾਰ ਦੇ 7 ਲੋਕਾਂ ਦੀ ਜਾਨ ਚਲੀ ਗਈ ਹੈ ਅਤੇ ਤਿੰਨ ਲੋਕ ਅਜੇ ਵੀ ਲਾਪਤਾ ਹਨ। ਜਾਣਕਾਰੀ ਮੁਤਾਬਕ ਇਹ ਘਟਨਾ ਸੋਲਨ ਜ਼ਿਲੇ ਦੇ ਕੰਡਾਘਾਟ ਸਬ-ਡਵੀਜ਼ਨ ਦੀ ਮਾਮਲਿਗ ਸਬ-ਤਹਿਸੀਲ ਦੇ ਜਾਦੋਨ ਪਿੰਡ ਦੀ ਹੈ। ਗੌਰਤਲਬ ਹੈ ਕਿ ਕਰੀਬ 1.30 ਵਜੇ ਬੱਦਲ ਫਟਿਆ, ਜਿਸ ਵਿੱਚ ਦੋ ਘਰ ਅਤੇ ਇੱਕ ਗਊਸ਼ਾਲਾ ਵਹਿ ਗਿਆ। ਘਟਨਾ 'ਚ ਮਾਰੇ ਗਏ 7 ਲੋਕਾਂ 'ਚੋਂ ਹੁਣ ਤੱਕ ਚਾਰ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਜਦਕਿ ਬਾਕੀ ਲੋਕਾਂ ਦੀਆਂ ਲਾਸ਼ਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਤਿੰਨ ਲੋਕ ਅਜੇ ਵੀ ਲਾਪਤਾ ਦੱਸੇ ਜਾ ਰਹੇ ਹਨ।
7 dead due to cloudburst in Solan Landslide near temple in Shimla
