ਐੱਮਪੀਪੀ ਮਾਈਕਲ ਮਾਂਥਾ ਨੂੰ ਐੱਨਡੀਪੀ ਕਾਕਸ ਤੋਂ ਹਮੇਸ਼ਾਂ ਲਈ ਹਟਾਇਆ
LPTV / Chandigarh
ਵਿਦੇਸ਼ ਡੈਸਕ: ਓਨਟਾਰੀਓ ਦੀ ਨਿਊ ਡੈਮੋਕ੍ਰੈਟਿਕ ਪਾਰਟੀ ਵੱਲੋਂ ਸਪਸ਼ਟ ਕੀਤਾ ਗਿਆ ਹੈ ਕਿ ਉਨ੍ਹਾਂ ਵੱਲੋਂ ਪਾਰਟੀ ਦੇ ਇੱਕ ਸਾਬਕਾ ਐਮਪੀ ਮਾਈਕਲ ਮਾਂਥਾ ਨੂੰ ਕਾਕਸ ਤੋਂ ਹਮੇਸ਼ਾਂ ਲਈ ਹਟਾ ਦਿੱਤਾ ਗਿਆ ਹੈ। ਇਸ ਸਾਬਕਾ ਐਮਪੀ ਉੱਤੇ ਲੱਗੇ ਕਈ ਗੰਭੀਰ ਕਿਸਮ ਦੇ ਦੋਸ਼ਾਂ ਨੂੰ ਆਜ਼ਾਦਾਨਾ ਇਨਵੈਸਟੀਗੇਟਰ ਵੱਲੋਂ ਸਹੀ ਸਿੱਧ ਕੀਤੇ ਜਾਣ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ। ਮਾਂਥਾ, ਜਿਨ੍ਹਾ ਨੇ ਐਲਗੋਮਾ-ਮੈਨੀਟੁਲੀਨ ਵਿੱਚ ਚਾਰ ਵਾਰੀ ਚੋਣਾਂ ਵਿੱਚ ਜਿੱਤ ਹਾਸਲ ਕੀਤੀ, ਉੱਤੇ ਕੰਮ ਵਾਲੀ ਥਾਂ ਉੱਤੇ ਗਲਤ ਵਿਵਹਾਰ ਕਰਨ ਦਾ ਦੋਸ਼ ਸੀ। ਇਨ੍ਹਾਂ ਦੋਸ਼ਾਂ ਦੀ ਕਿਸਮ ਜਨਤਕ ਤੌਰ ਉੱਤੇ ਸਾਂਝੀ ਨਹੀਂ ਕੀਤੀ ਗਈ। ਮਾਂਥਾ ਉੱਤੇ ਲੱਗੇ ਦੋਸ਼ਾਂ ਦੀ ਜਾਂਚ ਲਈ ਐਨਡੀਪੀ ਨੇ ਤੀਜੀ ਧਿਰ ਤੋਂ ਮਦਦ ਲਈ। ਜਾਂਚਕਾਰ ਨੇ ਪਾਇਆ ਕਿ ਮਾਂਥਾ ਉੱਤੇ ਲੱਗੇ ਦੋਸ਼ ਸਹੀ ਤੇ ਗੰਭੀਰ ਕਿਸਮ ਦੇ ਹਨ ਤੇ ਇਹ ਪਾਰਟੀ ਦੀਆਂ ਨੀਤੀਆਂ ਦੀ ਉਲੰਘਣਾ ਵੀ ਕਰਦੇ ਹਨ।
MPP Michael Mantha permanently removed from NDP caucus
