ਜੋਅ ਬਾਇਡਨ ਵੱਲੋਂ ਯੂਕਰੇਨ ਨੂੰ ਵਾਧੂ ਫੌਜੀ ਸਹਾਇਤਾ ਦੇਣ ਦਾ ਐਲਾਨ, ਆਖਿਆ ਮੈਂ ਯੂਕਰੇਨ ਨੂੰ….
LPTV / Chandigarh
ਵਿਦੇਸ਼ ਡੈਸਕ: ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੈਲੈਂਸਕੀ ਨਾਲ ਵ੍ਹਾਈਟ ਹਾਊਸ ਦੀ ਮੀਟਿੰਗ ਦੌਰਾਨ ਯੂਕਰੇਨ ਨੂੰ 325 ਮਿਲੀਅਨ ਡਾਲਰ ਦੀ ਵਾਧੂ ਫੌਜੀ ਸਹਾਇਤਾ ਪ੍ਰਦਾਨ ਕਰਨ ਦਾ ਐਲਾਨ ਕੀਤਾ। ਇਸ ਰਾਹਤ ਪੈਕੇਜ ’ਚ ਹਵਾਈ ਰੱਖਿਆ ਸਮਰੱਥਾ, ਕਲੱਸਟਰ ਹਥਿਆਰ, ਐਂਟੀ-ਟੈਂਕ ਹਥਿਆਰ ਅਤੇ ਹੋਰ ਉਪਕਰਣ ਸ਼ਾਮਲ ਹਨ।
ਬਾਇਡਨ ਨੇ ਕਿਹਾ, ‘‘ਅੱਜ ਮੈਂ ਯੂਕਰੇਨ ਨੂੰ ਹੋਰ ਤੋਪਖਾਨੇ, ਵਧੇਰੇ ਗੋਲਾ-ਬਾਰੂਦ, ਹੋਰ ਟੈਂਕ ਵਿਰੋਧੀ ਹਥਿਆਰਾਂ ਸਮੇਤ ਯੂ.ਐੱਸ. ਸੁਰੱਖਿਆ ਸਹਾਇਤਾ ਦੀ ਅਗਲੀ ਕਿਸ਼ਤ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ਅਤੇ ਅਗਲੇ ਹਫਤੇ, ਪਹਿਲੇ ਅਮਰੀਕੀ ਅਬਰਾਮ ਟੈਂਕ ਯੂਕਰੇਨ ਨੂੰ ਦਿੱਤੇ ਜਾਣਗੇ।’’ ਬਾਇਡਨ ਵਲੋਂ ਇਹ ਐਲਾਨ ਜ਼ੈਲੈਂਸਕੀ ਦੀ ਵਾਸ਼ਿੰਗਟਨ, ਡੀਸੀ ਦੀ ਫੇਰੀ ਦੌਰਾਨ ਕੀਤੀ ਗਿਆ, ਜਿੱਥੇ ਉਨ੍ਹਾਂ ਨੇ ਹੋਰ ਸਹਾਇਤਾ ਲਈ ਸੰਸਦ ਮੈਂਬਰਾਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਸੀ।
Joe Biden announces additional military aid to Ukraine
