ਪੈਰਿਸ 'ਚ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਹਿੰਸਾ ਤੇ ਲੁੱਟਮਾਰ
Live Punjabi TV / Paris: France
ਸਰਕਾਰੀ ਅੰਕੜਿਆਂ ਮੁਤਾਬਕ ਕਰੀਬ 5.50 ਲੱਖ ਲੋਕਾਂ ਨੇ ਹਿੱਸਾ ਲਿਆ
855 ਲੋਕ ਗ੍ਰਿਫ਼ਤਾਰ
ਫਰਾਂਸ ਦੀ ਰਾਜਧਾਨੀ ਪੈਰਿਸ ਵਿੱਚ ਮਹਿੰਗਾਈ ਅਤੇ ਸਕੂਲਾਂ ਦੀ ਮਾੜੀ ਹਾਲਤ ਖ਼ਿਲਾਫ਼ ਕੱਢੇ ਗਏ ਵਿਰੋਧ ਮਾਰਚ ਦੌਰਾਨ ਹਿੰਸਕ ਝੜਪਾਂ ਅਤੇ ਲੁੱਟਮਾਰ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਪੁਲਿਸ ਨੇ ਇਸ ਮਾਮਲੇ ਵਿੱਚ 855 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਸ਼ਨੀਵਾਰ ਨੂੰ ਕੱਢੇ ਗਏ ਮਾਰਚ ਵਿੱਚ ਪੈਰਿਸ ਵਿੱਚ ਲਗਭਗ 1.10 ਲੱਖ ਲੋਕ ਸ਼ਾਮਲ ਹੋਏ। ਪੂਰੇ ਫਰਾਂਸ ਵਿੱਚ ਸਰਕਾਰੀ ਅੰਕੜਿਆਂ ਮੁਤਾਬਕ ਕਰੀਬ 5.50 ਲੱਖ ਲੋਕਾਂ ਨੇ ਹਿੱਸਾ ਲਿਆ, ਜਦਕਿ ਪ੍ਰਦਰਸ਼ਨਕਾਰੀਆਂ ਦੇ ਪ੍ਰਬੰਧਕਾਂ ਨੇ ਇਹ ਗਿਣਤੀ 8 ਲੱਖ ਦੱਸੀ।
ਪ੍ਰਦਰਸ਼ਨਾਂ ਦੌਰਾਨ ਨਕਾਬਪੋਸ਼ ਲੋਕਾਂ ਨੇ ਸਿਟੀ ਹਾਲ, ਸਰਕਾਰੀ ਦਫ਼ਤਰਾਂ ਅਤੇ ਦੁਕਾਨਾਂ ਨੂੰ ਨਿਸ਼ਾਨਾ ਬਣਾਇਆ। ਕਈ ਥਾਵਾਂ 'ਤੇ ਭੰਨਤੋੜ ਅਤੇ ਅੱਗ ਵੀ ਲਗਾ ਦਿੱਤੀ ਗਈ। ਪੈਰਿਸ ਪੁਲਿਸ ਮੁਤਾਬਕ, ਘਟਨਾਵਾਂ ਦੌਰਾਨ ਇੱਕ ਵਿਅਕਤੀ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।
ਇਸ ਤੋਂ ਇਲਾਵਾ ਪੁਲਿਸ ਅਤੇ ਅਰਧਸੈਨਿਕ ਬਲਾਂ ਦੇ 13 ਜਵਾਨ ਅਤੇ ਦੋ ਫਾਇਰਫਾਈਟਰ ਜ਼ਖ਼ਮੀ ਹੋਏ। ਐਤਵਾਰ ਸਵੇਰੇ ਸ਼ਹਿਰ ਦੇ ਕਈ ਇਲਾਕਿਆਂ ਵਿੱਚ ਟੁੱਟੇ ਸ਼ੀਸ਼ੇ, ਨੁਕਸਾਨੀਆਂ ਦੁਕਾਨਾਂ ਅਤੇ ਸੜਕਾਂ 'ਤੇ ਖਿੱਲਰੇ ਪੱਥਰ ਦਿਖਾਈ ਦਿੱਤੇ।
Violence And Looting During Protests In Paris
