Powerlifting - ਵਰਲਡ ਆਇਰਮੈਨ ਚੈਂਪੀਅਨਸ਼ਿਪ 'ਚ ਹੁਸਨਪ੍ਰੀਤ ਸਿੰਘ ਨੇ ਜਿੱਤਿਆ ਸੋਨਾ, ਹੁਣ ਤੱਕ ਜਿੱਤ ਚੁੱਕਾ ਹੈ 15 ਗੋਲਡ ਮੈਡਲ
Admin / International
ਗੁਰਪ੍ਰੀਤ ਸਿੰਘ ਧੰਜੂ, ਸਿਆਟਲ ਵਾਸ਼ਿੰਗਟਨ : ਅਮਰੀਕਾ ਵਿਚ ਜ਼ਿਲ੍ਹਾ ਫਰੀਦੋਕਟ ਦੇ ਪਿੰਡ ਪੰਜਗਰਾਈ ਕਲਾਂ ਦੇ 17 ਸਾਲਾ ਹੁਸਨਪ੍ਰੀਤ ਸਿੰਘ ਨੇ ਨਾਮ ਰੋਸ਼ਨ ਕੀਤਾ ਹੈ।ਅਮਰੀਕਾ ਦੇ ਯੋਰਕ ਪੈਨਸਿਲਵੇਨੀਆ ਵਿਚ (ਗੇਮ ਪਾਵਰਲਿਫਟਿੰਗ) ਵਰਲਡ ਆਇਰਮੈਨ ਚੈਂਪੀਅਨਸ਼ਿਪ 19 ਤੋਂ 20 ਜੁਲਾਈ ਤੱਕ ਕਰਵਾਈ ਗਈ, ਜਿਸ ਵਿਚ ਹੁਸਨਪ੍ਰੀਤ ਨੇ 74 ਕਿਲੋ ਵਰਗ ਵਿਚ ਹਿੱਸਾ ਲੈਂਦੇ ਹੋਏ 215 ਕਿਲੋ ਦੀ ਡੈਡਲਿਫਟ ਲਾਈ ਤੇ ਨੈਸ਼ਨਲ ਰਿਕਾਰਡ ਬਣਾਇਆ ਤੇ ਗੋਲਡ ਮੈਡਲ ਆਪਣੇ ਨਾਮ ਕੀਤਾ। ਹੁਸਨਪ੍ਰੀਤ ਚਾਰ ਵਾਰ ਨੈਸ਼ਨਲ ਚੈਂਪੀਅਨਸ਼ਿਪ ਤੇ ਇਕ ਵਾਰ ਬੈਸਟ ਲਿਫਟਰ ਆਫ ਇੰਡੀਆ ਐਵਾਰਡ ਜਿੱਤ ਚੁੱਕਾ ਹੈ। ਹੁਸਨਪ੍ਰੀਤ ਨੇ ਕੁਲ 15 ਗੋਲਡ, ਤਿੰਨ ਚਾਂਦੀ ਤੇ ਤਿੰਨ ਕਾਂਸੇ ਦੇ ਮੈਡਲ ਆਪਣੇ ਨਾਮ ਕੀਤੇ ਹਨ। ਦੋ ਵਾਰ ਦੁਬਾਈ ਇੰਟਰਨੈਸ਼ਨਲ ਚੈਂਪੀਅਨਸ਼ਿਪ ਵਿਚ ਹਿੱਸਾ ਲਿਆ ਤੇ ਜਿੱਤ ਦਰਜ ਕੀਤੀ। ਜਿਸ ਤੋਂ ਬਾਅਦ ਅਮਰੀਕਾ ਲਈ ਚੋਣ ਹੋਈ। ਦੱਸਣਯੋਗ ਹੈ ਕਿ ਹੁਸਨਪ੍ਰੀਤ ਸਿੰਘ ਸਰਦਾਰ ਗੁਰਮੇਲ ਸਿੰਘ ਗਿੱਲ (ਪ੍ਰਧਾਨ ਗੁਰਦੁਆਰਾ ਸਿੱਖ ਸੈਂਟਲ ਓਫ ਸਿਆਟਲ ਬੋਥਲ ਵਾਸ਼ਿੰਗਟਨ ) ਦਾ ਭਤੀਜਾ ਹੈ।
Husanpreet Singh Won Gold In The World Ironman Championship
