ਭਾਰਤੀਆਂ ਦੀਆਂ ਵਧੀਆਂ ਮੁਸ਼ਕਲਾਂ - America 'ਚ H-1B ਵੀਜ਼ਾ ਅਰਜ਼ੀਆਂ 'ਚ ਭਾਰੀ ਗਿਰਾਵਟ, ਮਾਹਿਰਾਂ ਨੇ ਦਿੱਤੀ ਇਹ ਸਲਾਹ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਹੈ ਕਿ ਐੱਚ-1ਬੀ ਵੀਜ਼ਾ ਵਿਦੇਸ਼ੀ ਕਰਮਚਾਰੀਆਂ ਨੂੰ ਅਮਰੀਕਾ ਵਿਚ ਕੰਮ ਕਰਨ ਦੀ ਇਜਾਜ਼ਤ ਦਿੰਦਾ ਹੈ, ਜੋ ''ਅਮਰੀਕਾ ਫਰਸਟ'' ਨੀਤੀ ਦੇ ਖਿਲਾਫ ਹੈ। ਇਸ ਕਾਰਨ ਇਸ ਸਾਲ ਐੱਚ-1ਬੀ ਵੀਜ਼ਾ ਲਈ ਅਰਜ਼ੀਆਂ ਦੀ ਗਿਣਤੀ 'ਚ ਭਾਰੀ ਕਮੀ ਆਈ ਹੈ। ਹੁਣ ਤੱਕ 2.7 ਲੱਖ ਅਰਜ਼ੀਆਂ ਪ੍ਰਾਪਤ ਹੋ ਚੁੱਕੀਆਂ ਹਨ, ਜਦੋਂ ਕਿ ਪਿਛਲੇ ਸਾਲਾਂ ਵਿਚ ਇਹ ਗਿਣਤੀ 7 ਲੱਖ ਦੇ ਕਰੀਬ ਹੁੰਦੀ ਸੀ। ਅਰਜ਼ੀ ਦੀ ਪ੍ਰਕਿਰਿਆ 3 ਤੋਂ 24 ਮਾਰਚ ਤੱਕ ਚੱਲ ਰਹੀ ਹੈ। ਇਸ ਵਾਰ ਐਪਲੀਕੇਸ਼ਨ ਫੀਸ ਵਿਚ ਵੀ 210 ਫੀਸਦੀ ਦਾ ਵਾਧਾ ਹੋਇਆ ਹੈ। ਪਹਿਲਾਂ ਇਹ ਫੀਸ 840 ਰੁਪਏ ਸੀ ਜੋ ਹੁਣ ਵਧ ਕੇ 13,060 ਰੁਪਏ ਹੋ ਗਈ ਹੈ। ਕੰਪਨੀਆਂ ਨੂੰ ਇਹ ਖਰਚਾ ਚੁੱਕਣਾ ਪੈ ਰਿਹਾ ਹੈ, ਜਿਸ ਕਾਰਨ ਉਹ ਕਰਮਚਾਰੀਆਂ ਦੀ ਚੋਣ ਕਰਨ 'ਚ ਸਾਵਧਾਨ ਹੋ ਰਹੀਆਂ ਹਨ। ਸਿਲੀਕਾਨ ਵੈਲੀ ਵਿਚ ਇਕ ਦਰਜਨ ਤੋਂ ਵੱਧ ਭਾਰਤੀ ਸਾਫਟਵੇਅਰ ਇੰਜੀਨੀਅਰਾਂ ਦਾ ਕਹਿਣਾ ਹੈ ਕਿ ਵਧਦੀ ਫੀਸ, ਫਾਈਲਿੰਗ ਦੀਆਂ ਨਵੀਆਂ ਸ਼ਰਤਾਂ ਅਤੇ ਪਾਬੰਦੀਆਂ ਦੇ ਕਾਰਨ ਪ੍ਰਕਿਰਿਆ ਵਿੱਚ ਰੁਕਾਵਟ ਆ ਰਹੀ ਹੈ।
ਨਵੀਆਂ ਪਾਬੰਦੀਆਂ ਕਾਰਨ ਅਰਜ਼ੀਆਂ 'ਚ ਕਮੀ
ਸੈਨ ਫਰਾਂਸਿਸਕੋ ਵਿਚ ਇਕ ਸਾਫਟਵੇਅਰ ਇੰਜੀਨੀਅਰ ਅਮਿਤ ਮਹਿਤਾ ਨੇ ਕਿਹਾ ਕਿ ਨਵੀਆਂ ਪਾਬੰਦੀਆਂ ਦੇ ਕਾਰਨ ਇਕ ਪਾਸਪੋਰਟ ਲਈ ਸਿਰਫ ਇਕ ਅਰਜ਼ੀ ਹੀ ਕੀਤੀ ਜਾ ਸਕਦੀ ਹੈ, ਜਿਸ ਨਾਲ ਮੰਗ ਵਿਚ ਕਮੀ ਆਈ ਹੈ। ਕੁਝ ਯੂਨੀਵਰਸਿਟੀਆਂ ਦੇ ਦਾਖਲਾ ਸਲਾਹਕਾਰਾਂ ਦੇ ਅਨੁਸਾਰ, ਭਾਰਤੀ ਵਿਦਿਆਰਥੀਆਂ ਦੀ ਗਿਣਤੀ ਹੋਰ ਘਟਣ ਦੀ ਸੰਭਾਵਨਾ ਹੈ। ਕੋਲੰਬੀਆ ਯੂਨੀਵਰਸਿਟੀ ਦੇ ਕੌਂਸਲਰਾਂ ਨੇ ਕਿਹਾ ਕਿ ਭਾਰਤੀ ਵਿਦਿਆਰਥੀਆਂ ਲਈ ਹੁਣ ਕੁਝ ਚਿੰਤਾਵਾਂ ਹਨ, ਜਿਵੇਂ ਕਿ ਕੈਂਪਸ ਵਿਚ ਨਸਲਵਾਦ, ਸੋਸ਼ਲ ਮੀਡੀਆ 'ਤੇ ਹਮਲੇ ਅਤੇ ਕਾਲਜ ਤੋਂ ਬਾਅਦ ਨੌਕਰੀ ਦੇ ਮੌਕਿਆਂ ਦਾ ਮੁੱਦਾ। ਟੈਕਸਾਸ ਯੂਨੀਵਰਸਿਟੀ ਦੀ ਵਿਦਿਆਰਥਣ ਸ਼ੋਭਾ ਨੇ ਕਿਹਾ ਕਿ ਭਾਰਤੀ ਵਿਦਿਆਰਥੀ ਐੱਫ-1 ਸਟੱਡੀ ਵੀਜ਼ੇ 'ਤੇ ਅਮਰੀਕਾ ਆਉਣ 'ਤੇ ਚੰਗੀ ਡਿਗਰੀ, ਕਈ ਨੌਕਰੀਆਂ ਦੀਆਂ ਪੇਸ਼ਕਸ਼ਾਂ ਅਤੇ ਸ਼ਾਨਦਾਰ ਜ਼ਿੰਦਗੀ ਦਾ ਸੁਪਨਾ ਦੇਖਦੇ ਹਨ। ਹਾਲਾਂਕਿ ਅਮਰੀਕਾ 'ਚ ਦੇਸ਼ ਨਿਕਾਲੇ ਦਾ ਕੋਈ ਖਤਰਾ ਨਹੀਂ ਹੈ, ਪਰ ਫਿਰ ਵੀ ਕਈ ਕਾਰਨਾਂ ਕਰਕੇ ਡਰ ਬਣਿਆ ਰਹਿੰਦਾ ਹੈ।
ਕੈਨੇਡਾ ਵੱਲ ਰੁਖ ਕਰ ਰਹੇ ਭਾਰਤੀ
ਅਮਰੀਕਾ ਦੀਆਂ ਸਖ਼ਤ ਨੀਤੀਆਂ ਕਾਰਨ ਹੁਣ ਵੱਡੀ ਗਿਣਤੀ ਵਿੱਚ ਭਾਰਤੀ ਤਕਨੀਕੀ ਕਾਮੇ ਕੈਨੇਡਾ ਜਾ ਰਹੇ ਹਨ ਜਾਂ ਉੱਥੋਂ ਦੀਆਂ ਕੰਪਨੀਆਂ ਵਿੱਚ ਅਪਲਾਈ ਕਰ ਰਹੇ ਹਨ। ਐੱਚ-1ਬੀ ਵੀਜ਼ਾ 'ਤੇ ਅਮਰੀਕਾ ਗਏ ਤਕਨੀਕੀ ਮਾਹਿਰ ਆਸ਼ੂਤੋਸ਼ ਡੇਕਾ ਮੁਤਾਬਕ ਟਰੰਪ ਤੋਂ ਬਾਅਦ 10,000 ਤੋਂ ਜ਼ਿਆਦਾ ਭਾਰਤੀ ਤਕਨੀਸ਼ੀਅਨ ਕੈਨੇਡਾ ਸ਼ਿਫਟ ਹੋ ਚੁੱਕੇ ਹਨ। ਉਸ ਨੇ ਕਿਹਾ ਕਿ ਪਹਿਲਾਂ ਮੈਨੂੰ ਡਰ ਸੀ ਕਿ ਵੀਜ਼ਾ ਰੱਦ ਹੋ ਜਾਵੇਗਾ ਜਾਂ ਰੀਨਿਊ ਕਰਨ ਵਿਚ ਦਿੱਕਤ ਆਵੇਗੀ, ਪਰ ਹੁਣ ਕੈਨੇਡਾ ਨੇ ਵਰਕ ਪਰਮਿਟ ਦੇ ਦਿੱਤਾ ਹੈ ਅਤੇ ਮੈਂ ਟੋਰਾਂਟੋ ਸ਼ਿਫਟ ਹੋ ਗਿਆ ਹਾਂ।
ਅਮਰੀਕਾ ਤੋਂ ਬਾਹਰ ਨਾ ਜਾਣ ਦੀ ਸਲਾਹ
ਭਾਰਤੀਆਂ ਨੇ 2023 ਵਿਚ 3.86 ਲੱਖ ਐਚ-1ਬੀ ਵੀਜ਼ਿਆਂ ਵਿਚੋਂ 72.3% ਪ੍ਰਾਪਤ ਕੀਤੇ, ਜੋ ਕਿ 2022 ਵਿਚ 77% ਸੀ। ਵੱਡੀ ਗਿਣਤੀ 'ਚ ਐੱਚ-1ਬੀ ਵੀਜ਼ਾ ਧਾਰਕ ਭਾਰਤ ਦੇ ਹਨ, ਪਰ ਹੁਣ ਇਹ ਗਿਣਤੀ ਘਟਣ ਦੀ ਸੰਭਾਵਨਾ ਹੈ। ਹੁਣ ਜ਼ਿਆਦਾਤਰ ਇਮੀਗ੍ਰੇਸ਼ਨ ਅਟਾਰਨੀ ਭਾਰਤੀ ਯਾਤਰੀਆਂ ਨੂੰ ਅਮਰੀਕਾ ਤੋਂ ਬਾਹਰ ਨਾ ਜਾਣ ਦੀ ਸਲਾਹ ਦੇ ਰਹੇ ਹਨ ਕਿਉਂਕਿ ਉਨ੍ਹਾਂ ਨੂੰ ਵੀਜ਼ਾ ਸਟੈਂਪਿੰਗ ਵਿੱਚ ਦੇਰੀ, ਹਵਾਈ ਅੱਡਿਆਂ 'ਤੇ ਸਖ਼ਤ ਜਾਂਚ ਅਤੇ ਅਨਿਯਮਿਤ ਨਜ਼ਰਬੰਦੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਭਾਵੇਂ ਉਹ ਲੰਬੇ ਸਮੇਂ ਤੋਂ ਅਮਰੀਕਾ ਵਿੱਚ ਕਾਨੂੰਨੀ ਤੌਰ 'ਤੇ ਰਹਿ ਰਹੇ ਹੋਣ। ਇਸ ਲਈ ਉਹ ਅਮਰੀਕਾ ਤੋਂ ਬਾਹਰ ਜਾਣ ਤੋਂ ਪਹਿਲਾਂ ਦੋ ਵਾਰ ਸੋਚਣ।
Increasing Problems For Indians Huge Drop In H 1B Visa Applications In America Experts Give This Advice
