ISRO- ਕੇਂਦਰ ਸਰਕਾਰ ਨੇ ਚੰਦਰਯਾਨ-5 ਮਿਸ਼ਨ ਨੂੰ ਦਿੱਤੀ ਮਨਜ਼ੂਰੀ, ਚੰਦਰਮਾ 'ਤੇ ਭੇਜਿਆ ਜਾਵੇਗਾ 250 ਕਿਲੋ ਦਾ ਰੋਵਰ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਇਸਰੋ ਦੇ ਮੁਖੀ ਵੀ ਨਾਰਾਇਣਨ ਨੇ ਕਿਹਾ ਹੈ ਕਿ ਕੇਂਦਰ ਸਰਕਾਰ ਨੇ ਚੰਦਰਯਾਨ-5 ਮਿਸ਼ਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਚੰਦਰਯਾਨ-5 ਮਿਸ਼ਨ ਰਾਹੀਂ ਇਸਰੋ ਚੰਦਰਮਾ ਦਾ ਅਧਿਐਨ ਕਰੇਗਾ। ਇਸਰੋ ਦੇ ਇੱਕ ਸਮਾਗਮ ਦੌਰਾਨ ਆਪਣੇ ਸੰਬੋਧਨ ਵਿਚ ਵੀ ਨਾਰਾਇਣਨ ਨੇ ਕਿਹਾ ਕਿ ਚੰਦਰਯਾਨ-3 ਮਿਸ਼ਨ ਵਿੱਚ 25 ਕਿਲੋਗ੍ਰਾਮ ਦਾ ਰੋਵਰ ਪ੍ਰਗਿਆਨ ਨੂੰ ਚੰਦਰਮਾ ’ਤੇ ਭੇਜਿਆ ਗਿਆ ਸੀ, ਉਥੇ ਹੀ ਚੰਦਰਯਾਨ-5 ਮਿਸ਼ਨ ਵਿਚ 250 ਕਿਲੋ ਭਾਰ ਵਾਲਾ ਰੋਵਰ ਨੂੰ ਚੰਦਰਮਾ ਦੀ ਸਤ੍ਹਾ ’ਤੇ ਉਤਾਰਿਆ ਜਾਵੇਗਾ।
ਚੰਦਰਯਾਨ ਮਿਸ਼ਨ ਵਿਚ ਚੰਦਰਮਾ ਦੀ ਸਤ੍ਹਾ ਦਾ ਅਧਿਐਨ ਕੀਤਾ ਜਾ ਰਿਹਾ ਹੈ। ਚੰਦਰਯਾਨ-1 ਨੇ 2008 ਵਿਚ ਸਫਲਤਾਪੂਰਵਕ ਚੰਦਰਮਾ ਦੀ ਸਤ੍ਹਾ 'ਤੇ ਰਸਾਇਣ ਅਤੇ ਖਣਿਜਾਂ ਦੀ ਖੋਜ ਕੀਤੀ ਅਤੇ ਚੰਦਰਮਾ ਦੀ ਭੂ-ਸਥਾਨਕ ਮੈਪਿੰਗ ਵੀ ਕੀਤੀ ਸੀ। ਚੰਦਰਯਾਨ-2 ਮਿਸ਼ਨ ਨੇ ਆਪਣੇ ਉਦੇਸ਼ ਦਾ 98 ਫੀਸਦੀ ਕੰਮ ਨੂੰ ਅੰਜਾਮ ਦਿੱਤਾ ਸੀ। ਚੰਦਰਯਾਨ ਮਿਸ਼ਨ-3 ਰਾਹੀਂ ਚੰਦਰਮਾ ਦੀ ਸਤ੍ਹਾ 'ਤੇ ਸਫਲ ਲੈਂਡਿੰਗ ਅਤੇ ਰੋਵਰ ਤੋਂ ਚੰਦਰਮਾ ਦੀ ਸਤ੍ਹਾ ਬਾਰੇ ਜਾਣਕਾਰੀ ਇਕੱਠੀ ਕੀਤੀ ਜਾ ਰਹੀ ਹੈ। ਚੰਦਰਯਾਨ-2 ਮਿਸ਼ਨ ਤਹਿਤ ਭੇਜਿਆ ਗਿਆ ਰੈਜ਼ੋਲਿਊਸ਼ਨ ਕੈਮਰਾ ਅਜੇ ਵੀ ਚੰਦਰਮਾ ਦੀਆਂ ਸੈਂਕੜੇ ਤਸਵੀਰਾਂ ਭੇਜ ਰਿਹਾ ਹੈ।
ISRO Central Government Approves Chandrayaan 5 Mission 250 Kg Rover To Be Sent To The Moon
