Prices of Vegetables - ਸਬਜ਼ੀਆਂ ਦੀਆਂ ਵਧੀਆਂ ਕੀਮਤਾਂ ਨੇ ਆਮ ਆਦਮੀ ਦੇ ਕੱਢੇ ਵੱਟ, ਵਿਗੜਿਆ ਰਸੋਈ ਦਾ ਬਜਟ
Admin / Punjab
ਸਟੇਟ ਡੈਸਕ : ਸਬਜ਼ੀਆਂ ਦੀਆਂ ਅਸਮਾਨੀ ਚੜ੍ਹੀਆਂ ਕੀਮਤਾਂ ਕਾਰਨ ਘਰੇਲੂ ਔਰਤਾਂ ਦਾ ਰਸੋਈ ਦਾ ਬਜਟ ਵਿਗੜ ਗਿਆ ਹੈ। ਸਬਜ਼ੀਆਂ ਦੀ ਕਾਲਾਬਾਜ਼ਾਰੀ ਕਾਰਨ ਕਰਿਆਨੇ ਵਿਚ ਸਬਜ਼ੀਆਂ ਦੁੱਗਣੇ ਤੋਂ ਵੀ ਵੱਧ ਭਾਅ 'ਤੇ ਵਿਕ ਰਹੀਆਂ ਹਨ ਅਤੇ ਗਾਹਕ ਮਹਿੰਗੇ ਭਾਅ ਸਬਜ਼ੀਆਂ ਖਰੀਦਣ ਲਈ ਮਜਬੂਰ ਹਨ, ਜਿਸ ਕਾਰਨ ਰਸੋਈ ਦੇ ਖਰਚੇ ਵਧ ਗਏ ਹਨ। ਭਾਵੇਂ ਪਿਛਲੇ ਕੁਝ ਦਿਨਾਂ ਤੋਂ ਪੈ ਰਹੀ ਭਿਆਨਕ ਗਰਮੀ ਦੌਰਾਨ ਸਬਜ਼ੀਆਂ ਦੀ ਪੈਦਾਵਾਰ ਘੱਟ ਹੋਈ ਸੀ, ਜਿਸ ਕਾਰਨ ਭਾਅ ਵੀ ਕਾਫੀ ਉੱਚੇ ਸਨ ਪਰ ਹੁਣ ਬਾਰਸ਼ ਸ਼ੁਰੂ ਹੋਣ ਨਾਲ ਸਬਜ਼ੀਆਂ ਦੀ ਭਰਪੂਰ ਪੈਦਾਵਾਰ ਹੋਣ ਦੇ ਬਾਵਜੂਦ ਥੋਕ ਵਿਚ ਸਬਜ਼ੀਆਂ ਦੇ ਭਾਅ ਘੱਟ ਹੋਣ ਦੇ ਬਾਵਜੂਦ ਡੀ. ਪਰਚੂਨ ਵਿਚ ਸਬਜ਼ੀਆਂ ਵੇਚਣ ਵਾਲੇ ਗਾਹਕਾਂ ਤੋਂ ਇਨ੍ਹਾਂ ਨੂੰ 2-3 ਗੁਣਾ ਵੱਧ ਰੇਟਾਂ 'ਤੇ ਵੇਚ ਰਹੇ ਹਨ।
ਸਬਜ਼ੀ ਮੰਡੀ ਵਿਚ ਆਉਣ ਵਾਲੇ ਕਿਸਾਨਾਂ ਦਾ ਕਹਿਣਾ ਹੈ ਕਿ ਗਰਮੀਆਂ ਵਿਚ ਸਬਜ਼ੀਆਂ ਦਾ ਭਾਅ ਸਿਰਫ 5 ਤੋਂ 10 ਰੁਪਏ ਸੀ, ਜੋ ਕਿ ਜ਼ਿਆਦਾ ਸਬਜ਼ੀਆਂ ਆਉਣ ਤੋਂ ਬਾਅਦ ਫਿਰ ਘੱਟ ਗਿਆ ਹੈ ਪਰ ਫਿਰ ਵੀ ਗਾਹਕਾਂ ਨੂੰ ਖਰੀਦ ਰੇਟ ਤੋਂ ਕਿਤੇ ਜ਼ਿਆਦਾ ਰੇਟ 'ਤੇ ਸਬਜ਼ੀਆਂ ਮਿਲ ਰਹੀਆਂ ਹਨ। ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਰੇਟ ਜ਼ਿਆਦਾ ਹੋਣ ਕਾਰਨ ਦੂਜੇ ਰਾਜਾਂ ਤੋਂ ਆਉਣ ਵਾਲੀਆਂ ਸਬਜ਼ੀਆਂ ਮਹਿੰਗੇ ਭਾਅ 'ਤੇ ਮਿਲਦੀਆਂ ਹਨ।
ਸਬਜ਼ੀ ਮੰਡੀ ਵਿਚ ਥੋਕ ਤੇ ਪ੍ਰਚੂਨ ਸਬਜ਼ੀਆਂ ਦੇ ਰੇਟ ਰੁਪਏ 'ਚ :
ਘੀਆ : 15-20 30-40
ਸ਼ਿਮਲਾ ਮਿਰਚ: 50-55 70 -80
ਖੀਰਾ : 30-40 50-60
ਭਿੰਡੀ : 20-30 35-40
ਕਰੇਲਾ : 15-20 35-40
ਟਮਾਟਰ : 40-50 80-100
ਬੈਂਗਣ : 20-25 40-50
ਤੋਰੀ : 20-25 40-50
ਪੇਠਾ : 15 30-35
High Prices Of Vegetables Have Left The Common Man Out Of Whack
