15 ਅਗਸਤ ਤੋਂ ਪਹਿਲਾਂ ਨੂੰ ਮਿਲੀ ਵੱਡੀ ਕਾਮਯਾਬੀ, ਪੜ੍ਹੋ ਕਿੰਨੀ ਹੈਰੋਇਨ ਹੋਈ ਬਰਾਮਦ
LPTV / Chandigarh
ਆਜ਼ਾਦੀ ਦਿਹਾੜੇ ਨੂੰ ਲੈ ਕੇ ਜਿਥੇ ਪੰਜਾਬ ਪੁਲਿਸ ਅਤੇ ਬੀਐਸਐਫ ਵੱਲੋਂ ਸਰਹੱਦ 'ਤੇ ਸੁਰੱਖਿਆ ਪ੍ਰਬੰਧ ਸਖਤ ਕੀਤੇ ਹੋਏ ਹਨ ਉਥੇ ਸ਼ਨਿੱਚਰਵਾਰ ਨੂੰ ਪਾਕਿ ਤਸਕਰਾਂ ਵੱਲੋਂ ਬੈਟਰੀ ਵਿੱਚ ਪਾ ਕੇ ਭੇਜੀ ਚਾਰ ਪੈਕੇਟ ਹੈਰੋਇਨ ਬੀਐਸਐਫ ਦੇ ਜਵਾਨਾਂ ਵੱਲੋਂ ਬਰਾਮਦ ਕਰ ਕੇ ਵੱਡੀ ਕਾਮਯਾਬੀ ਹਾਸਲ ਕੀਤੀ ਹੈ। ਬੀ ਐੱਸ ਐੱਫ ਦੇ ਸੈਕਟਰ ਗੁਰਦਾਸਪੁਰ ਅਧੀਨ ਆਉਂਦੀ ਬੀ ਐਸ ਐਫ ਦੀ 89ਬਟਾਲੀਅਨ ਦੀ ਬੀ ਓ ਪੀ ਕਮਾਲਪੁਰ ਜੱਟਾਂ ਦੇ ਜਵਾਨਾਂ ਵੱਲੋਂ ਬੀ ਪੀ 28/15 ਨੇੜਿਓਂ ਬੀਐਸਐਫ ਅਤੇ ਐੱਸ ਟੀ ਐੱਫ ਦੇ ਸਾਂਝੇ ਅਭਿਆਨ ਤਹਿਤ ਬੈਟਰੀ ਵਿੱਚ ਪਾ ਕੇ ਭੇਜੀ ਚਾਰ ਪੈਕੇਟ ਹੈਰੋਇਨ ਬਰਾਮਦ ਕੀਤੀ ਗਈ ਹੈ ।
ਜਾਣਕਾਰੀ ਮੁਤਾਬਕ ਬੀਐਸਐਫ ਦੇ ਡੀਆਈਜੀ ਪ੍ਰਭਾਕਰ ਜੋਸ਼ੀ ਸੈਕਟਰ ਗੁਰਦਾਸਪੁਰ , ਬਟਾਲੀਅਨ ਕਮਾਂਡਰ ਪ੍ਰਦੀਪ ਕੁਮਾਰ ਸਮੇਤ ਐੱਸ ਟੀ ਐੱਫ ਦੇ ਅਧਿਕਾਰੀਆਂ ਵੱਲੋਂ ਇਸ ਖੇਤਰ ਵਿਚ ਸਰਚ ਅਭਿਆਨ ਕੀਤਾ ਜਾ ਰਿਹਾ ਹੈ। ਦਸ ਦੇਈਏ ਕਿ ਇਸ ਕਮਾਲਪੁਰ ਜੱਟਾਂ ਵਿਖੇ ਪਿਛਲੇ ਸਮੇਂ ਇਸ ਖੇਤਰ ਵਿਚ ਤਾਇਨਾਤ ਬੀਐੱਸਐੱਫ ਦੀ 12ਬਟਾਲੀਅਨ ਦੇ ਜਵਾਨਾਂ ਵੱਲੋਂ ਵੀ ਬੈਟਰੀ ਵਿੱਚ ਤਸਕਰਾਂ ਵੱਲੋਂ ਪਾ ਕੇ ਭੇਜੀ ਹੈਰੋਇਨ ਬਰਾਮਦ ਕੀਤੀ ਗਈ ਸੀ ।
Read the big success before August 15 how much heroin was recovered
