ਅਮਰੀਕਾ ਦਾ ਹਵਾਈ ਸੂਬਾ ਕੀਕੋ ਤੂਫ਼ਾਨ ਦੇ ਖ਼ਤਰੇ ‘ਚ
United States
ਅਮਰੀਕਾ ਦੇ ਹਵਾਈ ਸੂਬੇ 'ਚ "ਕੀਕੋ" ਤੂਫ਼ਾਨ ਆਪਣੇ ਕਦਮ ਵਧਾ ਰਿਹਾ ਹੈ। ਤੂਫ਼ਾਨ ਦੇ ਖ਼ਤਰੇ ਨੂੰ ਦੇਖਦੇ ਹੋਏ ਸਰਕਾਰ ਨੇ ਸੂਬੇ 'ਚ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਤੂਫ਼ਾਨ ਕੈਟਾਗਰੀ-4 ਤੱਕ ਪਹੁੰਚ ਗਿਆ ਹੈ ਤੇ ਹਵਾਵਾਂ ਦੀ ਰਫ਼ਤਾਰ ਲਗਭਗ 215 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਦਰਜ ਕੀਤੀ ਗਈ ਹੈ। ਮੌਸਮ ਵਿਗਿਆਨੀਆਂ ਨੇ ਦੱਸਿਆ ਕਿ "ਕੀਕੋ" ਤੂਫ਼ਾਨ ਅਗਲੇ ਹਫ਼ਤੇ ਹਵਾਈ ਦੇ ਸਮੁੰਦਰੀ ਤਟਾਂ 'ਤੇ ਪਹੁੰਚ ਸਕਦਾ ਹੈ ਪਰ ਸਮੁੰਦਰ ਦੇ ਠੰਢੇ ਪਾਣੀ ਕਾਰਨ ਇਸ ਦੀ ਤਾਕਤ ਘੱਟ ਸਕਦੀ ਹੈ। ਇਸ ਤੋਂ ਬਾਅਦ ਸੰਭਵ ਹੈ ਕਿ ਇਹ ਟ੍ਰਾਪੀਕਲ ਤੂਫ਼ਾਨ ਜਾਂ ਛੋਟੀ ਕੈਟਾਗਰੀ ਦੇ ਤੂਫ਼ਾਨ 'ਚ ਤਬਦੀਲ ਹੋ ਜਾਵੇ।ਤੂਫ਼ਾਨ ਦੀ ਤਾਕਤ ਕੁਝ ਘੱਟ ਹੋ ਸਕਦੀ ਹੈ, ਪਰ ਸਮੁੰਦਰੀ ਤਟਾਂ ‘ਤੇ ਵੱਡੀਆਂ ਲਹਿਰਾਂ, ਖ਼ਤਰਨਾਕ ਕਰੰਟਸ ਦੇ ਬਣਨ ਦਾ ਖ਼ਤਰਾ ਜ਼ਰੂਰ ਰਹੇਗਾ। ਇਸ ਕਾਰਨ ਤੱਟੀ ਇਲਾਕਿਆਂ 'ਚ ਤੇਜ਼ੀ ਨਾਲ ਸੁਰੱਖਿਆ ਉਪਰਾਲੇ ਤੀਬਰ ਕੀਤੇ ਜਾ ਰਹੇ ਹਨ। EMA ਨੇ X 'ਤੇ ਇੱਕ ਪੋਸਟ ਪਾ ਕੇ ਦੱਸਿਆ ਕਿ ਜੇਕਰ ਇਹ ਤੂਫਾਨ ਆਪਣੀ ਗਤੀ ਇੰਝ ਹੀ ਕਾਇਮ ਰੱਖਦਾ ਹੈ ਤਾਂ ਹਵਾਈ ਤਿੰਨ ਦਹਾਕਿਆਂ ਵਿੱਚ ਪਹਿਲੀ ਵਾਰ ਇੱਕ ਵੱਡੇ ਤੂਫਾਨ ਦਾ ਸਾਹਮਣਾ ਕਰ ਸਕਦਾ ਹੈ। ਸਤੰਬਰ 1992 ਵਿੱਚ 'ਇਨੀਕੀ' ਤੂਫ਼ਾਨ ਨੇ ਸੂਬੇ 'ਚ ਬਹੁਤ ਤਬਾਹੀ ਮਚਾਈ ਸੀ, ਜੋ ਕਿ ਹਵਾਈ ਦੇ ਇਤਿਹਾਸ ਦਾ ਸਭ ਤੋਂ ਸ਼ਕਤੀਸ਼ਾਲੀ ਅਤੇ ਵਿਨਾਸ਼ਕਾਰੀ ਤੂਫਾਨ ਸੀ।
Hawai i emergency
