Bigg Boss 17 winner- ਮੁਨੱਵਰ ਫਾਰੂਕੀ ਬਣੇ ਜੇਤੂ, ਸਲਮਾਨ ਖਾਨ ਨੇ ਨਾਮ ਦਾ ਕੀਤਾ ਐਲਾਨ
raghuvanshi /
"
ਮਨੋਰੰਜਨ ਡੈਸਕ : ਆਖਿਰਕਾਰ ਬਿੱਗ ਬੌਸ 17 ਦੇ ਜੇਤੂ ਦਾ ਐਲਾਨ ਹੋ ਗਿਆ ਹੈ। ਮੁਨੱਵਰ ਫਾਰੂਕੀ ਨੂੰ ਪ੍ਰਸਿੱਧ ਰਿਐਲਿਟੀ ਸ਼ੋਅ ਦੇ 17ਵੇਂ ਸੀਜ਼ਨ ਦੇ ਜੇਤੂ ਦਾ ਤਾਜ ਪਹਿਨਾਇਆ ਗਿਆ ਹੈ। ਸਲਮਾਨ ਖਾਨ ਨੇ ਆਪਣੇ ਨਾਂ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਬਿੱਗ ਬੌਸ 17 ਦਾ ਸਫਰ ਹੁਣ ਖਤਮ ਹੋ ਗਿਆ ਹੈ। ਅਭਿਸ਼ੇਕ ਕੁਮਾਰ ਸ਼ੋਅ ਦੇ ਰਨਰ ਅੱਪ ਬਣੇ ਹਨ।
ਪੰਜ ਜਣਿਆਂ ਵਿਚਕਾਰ ਮੁਕਾਬਲਾ ਸੀ
ਬਿੱਗ ਬੌਸ ਪੰਜ ਫਾਈਨਲਿਸਟ - ਮੁਨੱਵਰ ਫਾਰੂਕੀ, ਅੰਕਿਤਾ ਲੋਖੰਡੇ, ਅਭਿਸ਼ੇਕ ਕੁਮਾਰ, ਮਨਾਰਾ ਚੋਪੜਾ ਅਤੇ ਅਰੁਣ ਮਾਸ਼ੇਟੀ ਵਿਚਕਾਰ ਮੁਕਾਬਲਾ ਸੀ। ਅਰੁਣ ਮਾਸ਼ੇਟੀ ਨੂੰ ਸ਼ੋਅ ਤੋਂ ਬਾਹਰ ਕੀਤਾ ਗਿਆ ਸੀ। ਉਸ ਤੋਂ ਬਾਅਦ ਅੰਕਿਤਾ ਲੋਖੰਡੇ ਨੂੰ ਛੁੱਟੀ ਦੇ ਦਿੱਤੀ ਗਈ। ਫਿਰ ਪ੍ਰਿਅੰਕਾ ਚੋਪੜਾ ਦੀ ਭੈਣ ਮੰਨਾਰਾ ਵੀ ਸ਼ੋਅ ਤੋਂ ਹਟ ਗਈ। ਇਸ ਤੋਂ ਬਾਅਦ ਅਭਿਸ਼ੇਕ ਕੁਮਾਰ ਅਤੇ ਮੁਨੱਵਰ ਵਿਚਕਾਰ ਸਖ਼ਤ ਮੁਕਾਬਲਾ ਹੋਇਆ, ਜਿਸ ਵਿੱਚ ਮੁਨੱਵਰ ਨੇ ਜਿੱਤ ਦਰਜ ਕੀਤੀ।
ਟਰਾਫੀ ਤੋਂ ਇਲਾਵਾ ਇਹ ਚੀਜ਼ਾਂ ਮਿਲੀਆਂ
ਸ਼ੋਅ ਦੇ ਜੇਤੂ ਦਾ ਐਲਾਨ ਸਲਮਾਨ ਖਾਨ ਨੇ ਕੀਤਾ। ਉਨ੍ਹਾਂ ਨੇ ਜੇਤੂ ਟਰਾਫੀ ਮੁਨੱਵਰ ਨੂੰ ਦਿੱਤੀ। ਟਰਾਫੀ ਤੋਂ ਇਲਾਵਾ ਮੁਨੱਵਰ ਨੂੰ 50 ਲੱਖ ਰੁਪਏ ਅਤੇ ਇਕ ਕਾਰ ਮਿਲੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਬਿੱਗ ਬੌਸ ਸ਼ੋਅ ਤੋਂ ਪਹਿਲਾਂ ਮੁਨੱਵਰ ਨੇ ਲਾਕਅੱਪ ਸ਼ੋਅ ਦੀ ਟਰਾਫੀ ਵੀ ਜਿੱਤੀ ਸੀ। ਹੁਣ ਇਹ ਉਸ ਦੀ ਦੂਜੀ ਵੱਡੀ ਜਿੱਤ ਹੈ।
ਕੌਣ ਹੈ ਮੁਨੱਵਰ?
ਸਟੈਂਡਅੱਪ ਕਾਮੇਡੀਅਨ ਮੁਨੱਵਰ ਫਾਰੂਕੀ ਨੂੰ ਅੱਜ ਕਿਸੇ ਪਛਾਣ ਦੀ ਲੋੜ ਨਹੀਂ ਹੈ। ਕੰਗਨਾ ਦੁਆਰਾ ਹੋਸਟ ਕੀਤੇ ਗਏ ਵਿਵਾਦਿਤ ਰਿਐਲਿਟੀ ਸ਼ੋਅ ਲਾਕਅੱਪ ਦੇ ਵਿਜੇਤਾ ਦੇ ਰੂਪ ਚ ਲਾਈਮਲਾਈਟ ਚ ਆਏ ਮੁਨੱਵਰ ਹਰ ਰੋਜ਼ ਕਿਸੇ ਨਾ ਕਿਸੇ ਵਿਵਾਦ ਦੇ ਕਾਰਨ ਸੁਰਖੀਆਂ ਚ ਰਹਿੰਦੇ ਹਨ। ਮੁਨੱਵਰ ਨੇ ਸਟੈਂਡ ਅੱਪ ਕਾਮੇਡੀਅਨ ਵਜੋਂ ਆਪਣੇ ਕਰੀਅਰ ਨੂੰ ਵੀ ਖੰਭ ਦਿੱਤੇ ਹਨ। ਉਨ੍ਹਾਂ ਦੀ ਫੈਨ ਫਾਲੋਇੰਗ ਕਾਫੀ ਜ਼ਬਰਦਸਤ ਹੈ।
Live punjabi tv
