GOOD NEWS-ਨੌਕਰੀ ਕਰਨ ਵਾਲਿਆਂ ਲਈ ਚੰਗੀ ਖ਼ਬਰ, PF ਦੀ ਵਿਆਜ ਦਰ ਚ ਵਾਧਾ
raghuvanshi /
ਨੈਸ਼ਨਲ ਡੈਸਕ: ਜੇਕਰ ਤੁਸੀਂ ਵੀ ਪ੍ਰਾਈਵੇਟ ਜਾਂ ਸਰਕਾਰੀ ਕਰਮਚਾਰੀ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਪੜ੍ਹਨਾ ਲਾਜ਼ਮੀ ਹੈ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਨੇ ਵਿੱਤੀ ਸਾਲ 2024 ਲਈ ਤਨਖਾਹਦਾਰ ਵਿਅਕਤੀਆਂ ਦੁਆਰਾ ਜਮ੍ਹਾ ਤੇ ਵਿਆਜ ਦਰ ਨੂੰ 8.25 ਪ੍ਰਤੀਸ਼ਤ ਤੱਕ ਵਧਾ ਦਿੱਤਾ ਹੈ, ਜੋ ਕਿ 3 ਸਾਲਾਂ ਵਿੱਚ ਸਭ ਤੋਂ ਉੱਚੀ ਵਿਆਜ ਦਰ ਹੈ। ਵਿੱਤੀ ਸਾਲ 2013 ਚ EPFO ਦੀ ਵਿਆਜ ਦਰ 8.15 ਫ਼ੀਸਦੀ ਸੀ, ਜਦੋਂ ਕਿ ਵਿੱਤੀ ਸਾਲ 2012 ਚ ਇਹ 8.10 ਫੀਸਦੀ ਸੀ। ਹੁਣ ਮੁਲਾਜ਼ਮਾਂ ਨੂੰ ਪਹਿਲਾਂ ਨਾਲੋਂ 0.10 ਫ਼ੀਸਦੀ ਵੱਧ ਵਿਆਜ ਮਿਲੇਗਾ। ਯਾਨੀ ਹੁਣ ਕਰਮਚਾਰੀਆਂ ਨੂੰ ਪੀਐਫ ਖਾਤੇ ਤੇ 8.25% ਦੀ ਵਿਆਜ ਦਰ ਮਿਲੇਗੀ। ਪਿਛਲੇ ਸਾਲ 28 ਮਾਰਚ ਨੂੰ, EPFO ਨੇ 2022-23 ਲਈ ਕਰਮਚਾਰੀ ਭਵਿੱਖ ਫੰਡ (EPF) ਖਾਤਿਆਂ ਲਈ 8.15 ਪ੍ਰਤੀਸ਼ਤ ਦੀ ਵਿਆਜ ਦਰ ਦਾ ਐਲਾਨ ਕੀਤਾ ਸੀ। ਜਦੋਂ ਕਿ EPFO ਨੇ FY22 ਲਈ 8.10% ਵਿਆਜ ਦਿੱਤਾ ਸੀ।ਸੂਤਰਾਂ ਮੁਤਾਬਕ, "CBT ਨੇ 2023-24 ਲਈ EPF ਤੇ 8.25 ਫੀਸਦੀ ਦੀ ਵਿਆਜ ਦਰ ਦੇਣ ਦਾ ਫੈਸਲਾ ਕੀਤਾ ਹੈ।" CBT ਦੇ ਫੈਸਲੇ ਤੋਂ ਬਾਅਦ, 2023-24 ਲਈ EPF ਤੇ ਵਿਆਜ ਦਰ ਨੂੰ ਸਹਿਮਤੀ ਲਈ ਵਿੱਤ ਮੰਤਰਾਲੇ ਨੂੰ ਭੇਜਿਆ ਜਾਵੇਗਾ। ਸਰਕਾਰ ਦੁਆਰਾ ਮਨਜ਼ੂਰੀ ਮਿਲਣ ਤੋਂ ਬਾਅਦ, ਵਿਆਜ ਦਰ ਛੇ ਕਰੋੜ ਤੋਂ ਵੱਧ EPFO ਮੈਂਬਰਾਂ ਦੇ ਖਾਤਿਆਂ ਵਿਚ ਜਮ੍ਹਾ ਹੋ ਜਾਵੇਗੀ।
Live punjabi tv
