IT 'ਚ ਇਸ ਸਾਲ 1,24,000 ਲੋਕਾਂ ਦੀ ਗਈ job, ਛਾਂਟੀ ਦਾ ਦੌਰ ਅਜੇ ਵੀ ਜਾਰੀ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਵਿਸ਼ਵਵਿਆਪੀ ਤੌਰ 'ਤੇ ਅਰਥਵਿਵਸਥਾ ਵਿਚ ਅਨਿਸ਼ਚਿਤਤਾ ਅਤੇ ਦੇਸ਼ਾਂ ਵਿਚਕਾਰ ਤਣਾਅ ਸੂਚਨਾ ਤਕਨਾਲੋਜੀ ਯਾਨੀ ਆਈਟੀ ਸੈਕਟਰ 'ਤੇ ਬੁਰਾ ਪ੍ਰਭਾਵ ਪਾ ਰਿਹਾ ਹੈ। ਨਤੀਜਾ ਇਹ ਹੋਇਆ ਕਿ ਇਸ ਸਾਲ ਵਿਸ਼ਵ ਪੱਧਰ 'ਤੇ 384 ਕੰਪਨੀਆਂ ਨੇ ਕੁੱਲ 1.24 ਲੱਖ ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਚਿੰਤਾ ਵਾਲੀ ਗੱਲ ਇਹ ਹੈ ਕਿ ਕੰਪਨੀਆਂ ਹੁਣ ਦੂਜੇ ਅੱਧ ਵਿਚ ਛਾਂਟੀ ਦੇ ਦੂਜੇ ਪੜਾਅ ਦੀ ਤਿਆਰੀ ਕਰ ਰਹੀਆਂ ਹਨ।
ਜ਼ਿਆਦਾ ਤਨਖਾਹ ਵਾਲੇ ਲੋਕਾਂ ਦੀ ਹੋ ਰਹੀ ਛਾਂਟ
ਅੰਕੜਿਆਂ ਦੇ ਅਨੁਸਾਰ, ਵਿਸ਼ਵ ਪੱਧਰ 'ਤੇ ਵੱਡੀਆਂ ਤਕਨੀਕੀ ਕੰਪਨੀਆਂ ਉੱਚ ਤਨਖਾਹ ਵਾਲੇ ਲੋਕਾਂ ਨੂੰ ਛਾਂਟ ਰਹੀਆਂ ਹਨ। ਉਨ੍ਹਾਂ ਦੀ ਥਾਂ ’ਤੇ ਘੱਟ ਤਨਖਾਹਾਂ ’ਤੇ ਨਵੇਂ ਨੌਜਵਾਨਾਂ ਦੀ ਭਰਤੀ ਕੀਤੀ ਜਾ ਰਹੀ ਹੈ। IBM ਨੇ ਮੁੱਖ ਤੌਰ 'ਤੇ ਸੀਨੀਅਰ ਪ੍ਰੋਗਰਾਮਰ, ਸੇਲਜ਼ ਅਤੇ ਸਪੋਰਟ ਸਟਾਫ ਦੀ ਛਾਂਟੀ ਦਾ ਦੂਜਾ ਦੌਰ ਸ਼ੁਰੂ ਕੀਤਾ ਹੈ। ਹਾਲਾਂਕਿ ਕੰਪਨੀ ਕਰਮਚਾਰੀਆਂ ਦੀ ਛਾਂਟੀ ਕਰ ਰਹੀ ਹੈ, ਪਰ ਸਾਲ ਦੇ ਅੰਤ ਵਿੱਚ ਕਰਮਚਾਰੀਆਂ ਦੀ ਗਿਣਤੀ ਲਗਭਗ ਓਨੀ ਹੀ ਹੋਵੇਗੀ ਜਿੰਨੀ ਸ਼ੁਰੂਆਤ ਵਿੱਚ ਸੀ। ਹੈਲਥਟੈਕ ਸਟਾਰਟਅੱਪ ਡੋਜੀ ਨੇ ਘਾਟੇ ਨੂੰ ਘੱਟ ਕਰਨ ਲਈ ਭਾਰਤ ਵਿਚ 40 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ।
WeTransfer ਨੇ ਆਪਣੇ ਕਰਮਚਾਰੀਆਂ ਦੀ 75% ਦੀ ਕਟੌਤੀ ਕੀਤੀ ਹੈ। ਪ੍ਰਾਈਸ ਵਾਟਰ ਹਾਊਸ ਕੂਪਰਸ ਜਾਂ ਪੀਡਬਲਯੂਸੀ ਨੇ ਲਗਭਗ 1,800 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। 2009 ਤੋਂ ਬਾਅਦ ਇਹ ਸਭ ਤੋਂ ਵੱਡੀ ਕਟੌਤੀ ਹੈ।
1 24 000 People Lost Their Jobs In IT This Year
