Bihar- ਟੁੱਟੀ ਪੱਟੜੀ ਤੋਂ ਲੰਘੀ ਯਾਤਰੀਆਂ ਨਾਲ ਭਰੀ ਵੈਸ਼ਾਲੀ ਐਕਸਪ੍ਰੈਸ, ਵੱਡਾ ਹਾਦਸਾ ਟਲਿਆ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਬਿਹਾਰ 'ਚ ਉਸ ਸਮੇਂ ਵੱਡੀ ਘਟਨਾ ਟਲ ਗਈ, ਜਦੋਂ ਯਾਤਰੀਆਂ ਨਾਲ ਭਰੀ ਵੈਸ਼ਾਲੀ ਐਕਸਪ੍ਰੈੱਸ ਟੁੱਟੇ ਟ੍ਰੈਕ ਤੋਂ ਲੰਘ ਗਈ। ਟਰੇਨ ਦੇ ਲੰਘਣ ਤੋਂ ਬਾਅਦ ਅਧਿਕਾਰੀਆਂ ਨੂੰ ਟੁੱਟੇ ਟ੍ਰੈਕ ਦਾ ਪਤਾ ਲੱਗਾ। ਇੱਥੇ ਚੰਗੀ ਖ਼ਬਰ ਇਹ ਹੈ ਕਿ ਕੋਈ ਹਾਦਸਾ ਨਹੀਂ ਵਾਪਰਿਆ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੇਗੂਸਰਾਏ-ਖਗੜੀਆ ਰੇਲਵੇ ਲਾਈਨ 'ਤੇ ਦਾਨੌਲੀ ਫੁਲਵਾੜੀਆ ਅਤੇ ਲੱਖੋ ਸਟੇਸ਼ਨ ਦੇ ਵਿਚਕਾਰ ਟ੍ਰੈਕ ਟੁੱਟ ਗਿਆ ਅਤੇ ਵੈਸ਼ਾਲੀ ਐਕਸਪ੍ਰੈਸ ਟੁੱਟੇ ਹੋਏ ਟ੍ਰੈਕ ਤੋਂ ਲੰਘ ਗਈ। ਹਾਲਾਂਕਿ, ਇਕ ਵੱਡਾ ਹਾਦਸਾ ਟਲ ਗਿਆ ਅਤੇ ਕੋਈ ਯਾਤਰੀ ਜ਼ਖਮੀ ਨਹੀਂ ਹੋਇਆ। ਟ੍ਰੈਕ ਟੁੱਟਣ ਦੀ ਸੂਚਨਾ ਮਿਲਦੇ ਹੀ ਰੇਲਵੇ ਅਧਿਕਾਰੀ ਮੌਕੇ 'ਤੇ ਪੁੱਜੇ ਅਤੇ ਹੋਰ ਰੇਲ ਗੱਡੀਆਂ ਲਈ ਰਸਤਾ ਬੰਦ ਕਰ ਦਿੱਤਾ। ਜਾਣਕਾਰੀ ਅਨੁਸਾਰ ਰੇਲਵੇ ਫਾਟਕ ਨੰਬਰ 41 ਨੇੜੇ ਸਥਿਤ ਕਿੱਲੋਮੀਟਰ ਨੰਬਰ 154/5-7 'ਤੇ ਰੇਲਵੇ ਟਰੈਕ 'ਚ ਤਰੇੜ ਆ ਗਈ।
Bihar Vaishali Express Full Of Passengers Crossed The Broken Track
