Medicine- ਹਿਮਾਚਲ 'ਚ ਬਣੀਆਂ 23 ਦਵਾਈਆਂ ਦੇ Samples failed, ਕੰਪਨੀਆਂ 'ਤੇ ਸਖਤ ਕਾਰਵਾਈ ਦੀ ਤਿਆਰੀ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਹਿਮਾਚਲ ਪ੍ਰਦੇਸ਼ ਦੇ ਉਦਯੋਗਾਂ 'ਚ ਬਣੀਆਂ ਹਾਰਟ ਅਟੈਕ, ਬਲੱਡ ਸ਼ੂਗਰ ਅਤੇ ਕੈਂਸਰ ਵਰਗੀਆਂ ਗੰਭੀਰ ਬੀਮਾਰੀਆਂ ਸਮੇਤ ਕੁੱਲ 23 ਦਵਾਈਆਂ ਮਿਆਰਾਂ 'ਤੇ ਖਰਾ ਨਹੀਂ ਉਤਰਦੀਆਂ ਪਾਈਆਂ ਗਈਆਂ ਹਨ। ਜਦੋਂ ਕਿ ਦੇਸ਼ ਭਰ ਵਿਚ ਕੁੱਲ 67 ਦਵਾਈਆਂ ਦੇ ਸੈਂਪਲ ਫੇਲ੍ਹ ਹੋਏ ਹਨ।
ਦਵਾਈਆਂ ਬਣਾਉਣ ਦੇ ਲਾਇਸੈਂਸ ਰੱਦ
ਸੈਂਟਰਲ ਡਰੱਗਜ਼ ਸਟੈਂਡਰਡ ਕੰਟਰੋਲ ਆਰਗੇਨਾਈਜ਼ੇਸ਼ਨ ਅਤੇ ਸਟੇਟ ਡਰੱਗ ਕੰਟਰੋਲਰ ਵੱਲੋਂ ਦਵਾਈਆਂ ਦੇ ਸੈਂਪਲ ਲਏ ਗਏ ਸੀ। ਸੀਡੀਐੱਸਸੀਓ ਦੇ 49 ਸੈਂਪਲਾਂ ਵਿੱਚੋਂ 20 ਅਤੇ ਡਰੱਗ ਕੰਟਰੋਲਰ ਦੀਆਂ 18 ਦਵਾਈਆਂ ਵਿਚੋਂ 3 ਨਮੂਨੇ ਫੇਲ੍ਹ ਹੋਏ ਹਨ। 23 ਵਿਚੋਂ 12 ਸੋਲਨ, 10 ਸਿਰਮੌਰ ਅਤੇ ਇਕ ਦਵਾਈ ਕਾਂਗੜਾ ਜ਼ਿਲ੍ਹੇ ਦੇ ਉਦਯੋਗ ਵਿਚ ਬਣੀਆਂ ਹਨ। ਸਤੰਬਰ ਦੇ ਡਰੱਗ ਅਲਰਟ ਵਿਚ ਦਵਾਈਆਂ ਦੇ ਸੈਂਪਲ ਫੇਲ੍ਹ ਹੋਣ ਦਾ ਖੁਲਾਸਾ ਹੋਇਆ ਹੈ, ਸਟੇਟ ਡਰੱਗ ਕੰਟਰੋਲਰ ਮਨੀਸ਼ ਕਪੂਰ ਨੇ ਕਿਹਾ ਕਿ ਜਿਨ੍ਹਾਂ ਕੰਪਨੀਆਂ ਦੀਆਂ ਦਵਾਈਆਂ ਦੇ ਨਮੂਨੇ ਫੇਲ੍ਹ ਹੋਏ ਹਨ, ਉਨ੍ਹਾਂ ਨੂੰ ਨੋਟਿਸ ਜਾਰੀ ਕਰਕੇ ਦਵਾਈਆਂ ਬਣਾਉਣ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਗਏ ਹਨ। ਬਾਜ਼ਾਰ ਤੋਂ ਸਟਾਕ ਵਾਪਸ ਮੰਗਵਾਉਣ ਲਈ ਕਿਹਾ।
ਇਨ੍ਹਾਂ ਦਵਾਈਆਂ ਦੇ ਸੈਂਪਲ ਫੇਲ੍ਹ
ਕਾਲਾਅੰਬ ਸਥਿਤ ਪੁਸ਼ਕਰ ਫਾਰਮਾ ਕੰਪਨੀ ਵਿਚ ਜਣੇਪੇ ਦੇ ਇਲਾਜ ਵਿਚ ਵਰਤੀ ਜਾਂਦੀ ਆਕਸੀਟੌਸੀਨ ਤੇ ਬੱਦੀ ਦੇ ਮਲਕੂ ਮਾਜਰਾ ਦੀ ਮਾਰਟਿਨ ਐਂਡ ਬਰਾਊਨ ਕੰਪਨੀ ਵੱਲੋਂ ਤਿਆਰ ਹਾਰਟ ਅਟੈਕ ਲਈ ਕੈਲਸ਼ੀਅਮ ਗਲੂਕੋਨੇਟ ਦਵਾਈ ਮਿਆਰਾਂ ’ਤੇ ਖਰਾ ਨਹੀਂ ਉਤਰਦੀ ਪਾਈ ਗਈ ਹੈ। ਜੀ ਲੈਬਾਰਟਰੀ ਕੰਪਨੀ ਪਾਉਂਟਾ ਵਿਚ ਬਣੀ ਨਮੂਨੀਆ ਲਈ ਸੇਫਟਰੀਐਕਸੋਨ, ਇਨਫੈਕਸ਼ਨ ਲਈ ਜੈਂਟਾਮਾਈਸਿਨ, ਬਲੱਡ ਸ਼ੂਗਰ ਲਈ ਜੈਨਰੀਕਾਰਟ, ਝਾਰਮਾਜਰੀ ਦੀ ਇਨੋਵੋ ਕੈਪਟੇਪ ਕੰਪਨੀ ਦੀ ਦਰਦ ਨਿਵਾਰਕ ਦਵਾਈ ਨਿਮਸੁਲਾਇਡ, ਸੈਲੀਬ੍ਰਿਟੀ ਬਾਇਓਟੈਕ ਕੰਪਨੀ ਦੀ ਸਿਪ੍ਰੋਵਿਨ, ਏਰੀਸੋ ਫਾਰਮਾਸਿਊਟੀਕਲ ਦੀ ਮੋਟੋਸੇਪ ਦਵਾਈ, ਕਾਲਾਅੰਬ ਦੀ ਨਿਤਿਨ ਲਾਈਫ ਸਾਇੰਸ ਦੀ ਉਲਟੀ ਦੀ ਦਵਾਈ ਪ੍ਰੋਮੇਧਾਜਿਨ, ਕਾਂਗੜਾ ਦੇ ਨੂਰਪੁਰ ਸਥਿਤ ਕਵਾਲਿਟੀ ਫਾਰਮਾਸਿਊਟੀਕਲਜ਼ ਦੀ ਕੈਂਸਰ ਦਵਾਈ ਇਫੋਸਫੈਮਾਈਡ, ਕਾਲਾਅੰਬ ਦੀ ਡਿਜੀਟਲ ਵਿਜ਼ਨ ਕੰਪਨੀ ਦੀ ਸਿਗਰਟਨੋਸ਼ੀ ਦੀ ਲਤ ਨੂੰ ਠੀਕ ਕਰਨ ਲਈ ਦਵਾਈ ਬੁਪਰੋਨ ਐਸਆਰਕ, ਬੱਦੀ ਦੇ ਕਿਸ਼ਨਪੁਰਾ ਸਥਿਤ ਐਂਜ ਲਾਈਨ ਸਾਇੰਸ ਦੀ ਘ੍ਟ ਸੇਫੋਪੇਰਾਜੋਨ, ਸਾਈਸਰੋਜ ਰੈਮਡੀਜ ਕੰਪਨੀ ਦੀ ਵਿਟਾਮਿਨ ਬੀ ਦੀ ਨਿਊਰੋਪਾਈਨ, ਸੋਲਨ ਸਥਿਤ ਜੇਐਮ ਲੈਬ ਦੀ ਬਲੱਡ ਪ੍ਰੈਸ਼ਰ ਦੀ ਟੋਰਸੇਮੀ, ਬੱਦੀ ਸਥਿਤ ਕਲਾਸਟਾ ਫਾਰਮਾਸਿਊਟੀਕਲ ਕੰਪਨੀ ਦੀ ਨਿਊਰੋਕੇਮ, ਵੇਦਸਿਆ ਫਾਰਮਾਸਿਊਟੀਕਲ ਕੰਪਨੀ ਦੀ ਇੰਡਕਲੇਵ ਅਤੇ ਬੱਦੀ ਦੀ ਟ੍ਰੀਵਿਜ਼ਨ ਹੈਲਥ ਕੇਅਰ ਕੰਪਨੀ ਦੀ ਸਟੇ ਹੈਪੀ ਟ੍ਰਾਈਪਸਿਨ ਵੀ ਫੇਲ੍ਹ ਹੋ ਗਈ ਹੈ।
Samples Of 23 Medicines Manufactured In Himachal Failed
