Leopard Terror - ਸੁਪੌਲ 'ਚ ਤੇਂਦੂਏ ਦੀ ਦਹਿਸ਼ਤ, ਘਰ 'ਚ ਵੜ ਕੇ 4 ਵਿਅਕਤੀਆਂ ਨੂੰ ਕੀਤਾ ਜ਼ਖਮੀ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਬਿਹਾਰ ਦੇ ਸੁਪੌਲ ਵਿਚ ਤੇਂਦੂਏ ਨੇ ਦਹਿਸ਼ਤ ਮਚਾ ਰੱਖੀ ਹੈ। ਦਰਅਸਲ ਮੰਗਲਵਾਰ ਨੂੰ ਤੇਂਦੂਏ ਦੇ ਹਮਲੇ ਕਾਰਨ ਚਾਰ ਲੋਕ ਜ਼ਖਮੀ ਹੋ ਗਏ ਸਨ। ਇਸ ਘਟਨਾ ਤੋਂ ਬਾਅਦ ਇਲਾਕੇ ਦੇ ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਮਾਮਲਾ ਸੁਪੌਲ ਦੇ ਬਸੰਤਪੁਰ ਬਲਾਕ ਦੇ ਰਾਣੀਗੰਜ ਇਲਾਕੇ ਦਾ ਹੈ। ਘਟਨਾ ਸਬੰਧੀ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਸਥਾਨਕ ਅਸ਼ੋਕ ਮੰਡਲ ਦੇ ਘਰ ਵਿਚ ਕੁਝ ਕੰਮ ਸਬੰਧੀ ਨੰਦਨ ਕੁਮਾਰ ਗਿਆ, ਜਿੱਥੇ ਉਸ ਨੇ ਚੌਕੀ ਦੇ ਹੇਠਾਂ ਗਰਜਣ ਦੀ ਆਵਾਜ਼ ਸੁਣੀ। ਉਸ ਨੇ ਚੌਕੀ ਦੇ ਅੰਦਰ ਝਾਤੀ ਮਾਰੀ ਤਾਂ ਉੱਥੇ ਇੱਕ ਤੇਂਦੂਆ ਲੁਕਿਆ ਹੋਇਆ ਦੇਖਿਆ। ਤੇਂਦੂਏ ਨੂੰ ਦੇਖ ਕੇ ਨੰਦਨ ਕੁਮਾਰ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ, ਇਸੇ ਦੌਰਾਨ ਤੇਂਦੂਏ ਨੇ ਉਸ 'ਤੇ ਹਮਲਾ ਕਰ ਦਿੱਤਾ। ਜਿਸ ਕਾਰਨ ਉਹ ਜ਼ਖਮੀ ਹੋ ਗਿਆ। ਇਸ ਤੋਂ ਬਾਅਦ ਤੇਂਦੂਆ ਭੱਜ ਕੇ ਗੁੱਲਾਯ ਮੰਡਲ ਦੇ ਪੂਜਾ ਘਰ ਵਿੱਚ ਦਾਖਲ ਹੋ ਗਿਆ। ਜਦੋਂ ਤੇਂਦੂਆ ਪੂਜਾ ਘਰ ਦੀ ਕੰਧ ਅਤੇ ਛੱਤ ਦਾ ਟੀਨ ਤੋੜ ਕੇ ਬਾਹਰ ਨਿਕਲਣ ਲੱਗਾ ਤਾਂ ਇਸ ਨੇ ਭਗਵਾਨਪੁਰ ਪੰਚਾਇਤ ਦੇ ਪੀਆਰਐਸ ਸ਼ਿਵਰੰਜਨ ਕੁਮਾਰ ’ਤੇ ਹਮਲਾ ਕਰ ਕੇ ਜ਼ਖ਼ਮੀ ਕਰ ਦਿੱਤਾ। ਇਸ ਤੋਂ ਇਲਾਵਾ ਤੇਂਦੂਆ ਨੇ ਦੋ ਹੋਰ ਵਿਅਕਤੀਆਂ 'ਤੇ ਹਮਲਾ ਕਰਕੇ ਉਨ੍ਹਾਂ ਨੂੰ ਮਾਮੂਲੀ ਜ਼ਖ਼ਮੀ ਕਰ ਦਿੱਤਾ। ਸਾਰੇ ਜ਼ਖਮੀਆਂ ਦਾ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ।
ਇਸ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਜੰਗਲਾਤ ਵਿਭਾਗ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ।
Leopard Terror In Supaul Entered House And Injured 4 People
