Jaypee Infratech ਦੇ MD ਮਨੋਜ ਗੌੜ ਗ੍ਰਿਫ਼ਤਾਰ, ਹਜ਼ਾਰਾਂ ਘਰ ਖਰੀਦਦਾਰਾਂ ਨਾਲ ਧੋਖਾਧੜੀ ਦੇ ਗੰਭੀਰ ਦੋਸ਼
New Delhi
Jaypee Infratech ਦੇ MD ਮਨੋਜ ਗੌੜ ਗ੍ਰਿਫ਼ਤਾਰ, ਹਜ਼ਾਰਾਂ ਘਰ ਖਰੀਦਦਾਰਾਂ ਨਾਲ ਧੋਖਾਧੜੀ ਦੇ ਗੰਭੀਰ ਦੋਸ਼
ਨਵੀਂ ਦਿੱਲੀ, 13 ਨਵੰਬਰ 2025: ਰੀਅਲ ਐਸਟੇਟ ਖੇਤਰ ਨਾਲ ਜੁੜੇ ਇੱਕ ਵੱਡੇ ਮਾਮਲੇ ਵਿੱਚ, ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਅੱਜ Jaypee Infratech Ltd. ਦੇ ਮੈਨੇਜਿੰਗ ਡਾਇਰੈਕਟਰ ਮਨੋਜ ਗੌੜ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਕਾਰਵਾਈ ਮਨੀ ਲਾਂਡਰਿੰਗ ਰੋਕਥਾਮ ਐਕਟ (PMLA) ਤਹਿਤ ਕੀਤੀ ਗਈ ਹੈ। ਏਜੰਸੀ ਦਾ ਦੋਸ਼ ਹੈ ਕਿ ਗੌੜ ਦੀ ਅਗਵਾਈ ਹੇਠ ਕੰਪਨੀ ਵੱਲੋਂ ਹਜ਼ਾਰਾਂ ਘਰ ਖਰੀਦਦਾਰਾਂ ਦੇ ਪੈਸੇ ਦੀ ਗਲਤ ਵਰਤੋਂ ਕੀਤੀ ਗਈ ਅਤੇ ਕਈ ਕਰੋੜ ਰੁਪਏ ਨੂੰ ਹੋਰ ਕੰਪਨੀਆਂ ਵੱਲ ਮੋੜਿਆ ਗਿਆ।
₹12,000 ਕਰੋੜ ਦੀ ਵਿੱਤੀ ਗੜਬੜ ਦਾ ਅਰੋਪ
ED ਮੁਤਾਬਕ, ਘਰ ਖਰੀਦਦਾਰਾਂ ਤੋਂ ਇਕੱਠਾ ਕੀਤਾ ਗਿਆ ਵੱਡਾ ਫੰਡ, Jaypee Associates Limited (JAL) ਅਤੇ ਹੋਰ ਸੰਬੰਧਿਤ ਕੰਪਨੀਆਂ ਵੱਲ ਟਰਾਂਸਫਰ ਕਰਕੇ ਗਲਤ ਤਰੀਕੇ ਨਾਲ ਵਰਤਿਆ ਗਿਆ।
ਦੋਸ਼ ਹੈ ਕਿ ਮਨੋਜ ਗੌੜ ਅਤੇ ਉਨ੍ਹਾਂ ਦੀ ਟੀਮ ਲਗਭਗ ₹12,000 ਕਰੋੜ ਰੁਪਏ ਦੀ ਹੇਰਾਫੇਰੀ ਵਿੱਚ ਸ਼ਾਮਲ ਰਹੇ, ਜਿਸ ਕਾਰਨ ਹਜ਼ਾਰਾਂ ਨਿਵੇਸ਼ਕਾਂ ਦਾ ਪੈਸਾ ਸਾਲਾਂ ਤੋਂ ਫ਼ਸਿਆ ਹੋਇਆ ਹੈ।
2017 'ਚ ਫੂਟੀ ਸੀ ਖਰੀਦਦਾਰਾਂ ਦੀ ਨਾਰਾਜ਼ਗੀ
ਜਦੋਂ ਕਈ ਪਰਾਜੈਕਟਾਂ ਦੀ ਡਿਲੀਵਰੀ ਰੁਕ ਗਈ ਅਤੇ ਨਿਵੇਸ਼ਕਾਂ ਦੇ ਪੈਸੇ ਗਾਇਬ ਹੋਣ ਲੱਗੇ, ਤਾਂ 2017 ਵਿੱਚ ਕਈ FIR ਦਰਜ ਹੋਈਆਂ।
ਬਹੁਤ ਸਾਰੇ homebuyers ਨੇ ਖੁੱਲ੍ਹੇ ਤੌਰ 'ਤੇ ਬਿਲਡਰ ਵਿਰੁੱਧ ਵਿਰੋਧ ਕੀਤਾ ਸੀ ਅਤੇ ਕੰਪਨੀ 'ਤੇ ਸਿੱਧੇ ਤੌਰ 'ਤੇ ‘ਧੋਖਾਧੜੀ’ ਦਾ ਦੋਸ਼ ਲਾਇਆ ਸੀ।
ਇਸ ਸਾਲ ਮਈ ਵਿੱਚ, ED ਨੇ PMLA ਤਹਿਤ Delhi, Mumbai ਸਮੇਤ 15 ਸਥਾਨਾਂ 'ਤੇ ਵੱਡੀ ਛਾਪੇਮਾਰੀ ਕੀਤੀ ਸੀ। ਇਸ ਦੌਰਾਨ 1.70 ਕਰੋੜ ਰੁਪਏ ਨਕਦ ਅਤੇ ਕਈ ਮਹੱਤਵਪੂਰਨ ਦਸਤਾਵੇਜ਼ ਬਰਾਮਦ ਹੋਏ ਸਨ, ਜਿਨ੍ਹਾਂ ਦੇ ਆਧਾਰ 'ਤੇ ਹੁਣ ਮਾਮਲੇ ਦੀ ਅਗਲੇ ਪੜਾਅ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਜਾਂਚ ਹੋਰ ਤੀਜ਼ ਹੋ ਸਕਦੀ ਹੈ
ਮਨੋਜ ਗੌੜ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ, ED ਹੁਣ ਕੰਪਨੀ ਦੇ
ਬੈਂਕ ਖਾਤਿਆਂ,
ਪ੍ਰਾਪਰਟੀ ਰਿਕਾਰਡ,
ਡਿਜ਼ੀਟਲ ਡਿਵਾਈਸ,
ਅਤੇ ਵਿੱਤੀ ਲੈਣ-ਦੇਣ
ਦੀ ਹੋਰ ਗਹਿਰਾਈ ਨਾਲ ਜਾਂਚ ਕਰ ਰਹੀ ਹੈ। ਸੰਭਾਵਨਾ ਹੈ ਕਿ ਮਾਮਲੇ ਵਿੱਚ ਹੋਰ ਗ੍ਰਿਫ਼ਤਾਰੀਆਂ ਅਤੇ ਜਾਇਦਾਦਾਂ ਦੀ ਕੁੜਕੀ ਅਗਲੇ ਦਿਨਾਂ ਵਿੱਚ ਹੋ ਸਕਦੀ ਹੈ।
Jaypee Infratech MD Manoj Gaur Arrested Faces Serious Charges Of Cheating Thousands Of Home Buyers
