ਵੱਡੀ ਖ਼ਬਰ - ਪ੍ਰਧਾਨ ਮੰਤਰੀ ਦਫ਼ਤਰ ਦਾ ਬਦਲਿਆ ਗਿਆ ਨਾਮ, ਹੁਣ ‘ਸੇਵਾ ਤੀਰਥ’ ਵਜੋਂ ਜਾਣਿਆ ਜਾਵੇਗਾ PMO
New Delhi
ਵੱਡੀ ਖ਼ਬਰ : ਪ੍ਰਧਾਨ ਮੰਤਰੀ ਦਫ਼ਤਰ ਦਾ ਬਦਲਿਆ ਗਿਆ ਨਾਮ, ਹੁਣ ‘ਸੇਵਾ ਤੀਰਥ’ ਵਜੋਂ ਜਾਣਿਆ ਜਾਵੇਗਾ PMO
ਚੰਡੀਗੜ੍ਹ/ਨਵੀਂ ਦਿੱਲੀ, 2 ਦਸੰਬਰ 2025: ਕੇਂਦਰ ਸਰਕਾਰ ਨੇ ਪ੍ਰਧਾਨ ਮੰਤਰੀ ਦਫ਼ਤਰ (PMO) ਦਾ ਨਾਮ ਬਦਲ ਕੇ ‘ਸੇਵਾ ਤੀਰਥ’ ਰੱਖਣ ਦਾ ਵੱਡਾ ਐਲਾਨ ਕੀਤਾ ਹੈ। ਸੈਂਟਰਲ ਵਿਸਟਾ ਪ੍ਰੋਜੈਕਟ ਤਹਿਤ ਬਣ ਰਿਹਾ ਨਵਾਂ ਪ੍ਰਧਾਨ ਮੰਤਰੀ ਦਫ਼ਤਰ ਇਸ ਨਵੇਂ ਨਾਂ ਨਾਲ ਪਹਿਚਾਣਿਆ ਜਾਵੇਗਾ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਨਾਮ ਉਹ ਸੋਚ ਵਿਆਖਿਆ ਕਰਦਾ ਹੈ ਜਿਸ ਵਿੱਚ ਸ਼ਾਸਨ ਦਾ ਕੇਂਦਰ ‘ਸੇਵਾ ਅਤੇ ਜ਼ਿੰਮੇਵਾਰੀ’ ਬਣੇ, ਨਾ ਕਿ ਸੱਤਾ ਦਾ ਪ੍ਰਦਰਸ਼ਨ।
ਸਰਕਾਰੀ ਅਧਿਕਾਰੀਆਂ ਮੁਤਾਬਕ, ‘ਸੇਵਾ ਤੀਰਥ’ ਉਹ ਥਾਂ ਹੋਏਗੀ ਜਿੱਥੇ ਦੇਸ਼ ਦੇ ਸਭ ਤੋਂ ਵੱਡੇ ਅਤੇ ਨਿਰਣਾਇਕ ਫੈਸਲੇ ਲਏ ਜਾਣਗੇ। ਨਵੇਂ ਨਾਂ ਦਾ ਮਕਸਦ ਸ਼ਾਸਨ ਵਿੱਚ ਲੋਕ-ਕੇਂਦਰਿਤ ਸੋਚ ਨੂੰ ਹੋਰ ਮਜ਼ਬੂਤ ਕਰਨਾ ਹੈ। ਇਹ ਕਦਮ ਉਹਨਾਂ ਬਦਲਾਅ ਦਾ ਹਿੱਸਾ ਹੈ ਜੋ ਕੇਂਦਰ ਸਰਕਾਰ ਪਿਛਲੇ ਕੁਝ ਸਾਲਾਂ ਤੋਂ ਸਰਕਾਰੀ ਇਮਾਰਤਾਂ ਅਤੇ ਰਸਤੇ-ਚੌਰਾਹਿਆਂ ਦੇ ਨਾਵਾਂ ਵਿੱਚ ਕਰ ਰਹੀ ਹੈ।
ਦੇਸ਼ ਭਰ ਵਿੱਚ ‘ਰਾਜ ਭਵਨ’ ਹੁਣ ਬਣਣਗੇ ‘ਲੋਕ ਭਵਨ’
ਇਸੇ ਤਰ੍ਹਾਂ, ਦੇਸ਼ ਦੇ 8 ਰਾਜਾਂ ਅਤੇ ਇੱਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਨੇ ਆਪਣੇ ਰਾਜ ਭਵਨਾਂ ਦਾ ਨਾਮ ਬਦਲ ਕੇ ‘ਲੋਕ ਭਵਨ’ ਰੱਖ ਦਿੱਤਾ ਹੈ। ਗ੍ਰਹਿ ਮੰਤਰਾਲੇ ਵੱਲੋਂ ਜਾਰੀ ਨਿਰਦੇਸ਼ ਅਨੁਸਾਰ, ‘ਰਾਜ ਭਵਨ’ ਸ਼ਬਦ ਪੁਰਾਣੀ ਔਪਨਿਵੇਸ਼ਿਕ ਸੋਚ ਨੂੰ ਦਰਸਾਉਂਦਾ ਹੈ, ਜਿਸਨੂੰ ਬਦਲਣਾ ਸਮਾਂ ਦੀ ਲੋੜ ਹੈ।
ਸਰਕਾਰ ਦਾ ਵੱਡਾ ਵਿਜ਼ਨ: ‘ਸੇਵਾ, ਕਰਤਵਿਆ ਤੇ ਪਾਰਦਰਸ਼ਤਾ’
ਸਰਕਾਰੀ ਸਰੋਤਾਂ ਮੁਤਾਬਕ, ਇਹ ਬਦਲਾਅ ਸਿਰਫ਼ ਨਾਂ ਤਬਦੀਲ ਕਰਨ ਦਾ ਮਾਮਲਾ ਨਹੀਂ ਹੈ। ਇਹ ਪ੍ਰਸ਼ਾਸਨ ਨੂੰ ਨਵੀਂ ਪਹਿਚਾਣ ਦੇਣ ਦੀ ਕੋਸ਼ਿਸ਼ ਹੈ, ਜਿਸ ਵਿੱਚ:
ਸ਼ਕਤੀ ਤੋਂ ਵੱਧ ਜਵਾਬਦੇਹੀ,
ਦਫ਼ਤਰੀ ਦਬਦਬੇ ਤੋਂ ਵੱਧ ਸੇਵਾ,
ਅਤੇ ਅਧਿਕਾਰਤ ਰਵੱਈਏ ਤੋਂ ਵੱਧ ਪਾਰਦਰਸ਼ਤਾ ਨੂੰ ਮਹੱਤਤਾ ਦਿੱਤੀ ਜਾਵੇਗੀ।
ਸਰਕਾਰ ਦਾ ਮੰਨਣਾ ਹੈ ਕਿ ਇਹ ਕਦਮ ਭਾਰਤੀ ਪ੍ਰਸ਼ਾਸਨਿਕ ਢਾਂਚੇ ਨੂੰ ਨਵੀਂ ਸੋਚ ਦੇ ਨਾਲ ਜੋੜਣਗੇ, ਜਿਸ ਦਾ ਕੇਂਦਰ ਜਨ ਹਿੱਤ ਅਤੇ ਲੋਕ ਸੇਵਾ ਹੋਵੇਗੀ।
Big news the name of the prime minister s office has been changed now it will be known as seva tirath pmo
