ਵਿਦੇਸ਼ 'ਚ ਨੌਜਵਾਨ ਨੇ ਪੰਜਾਬ ਦਾ ਨਾਂ ਕੀਤਾ ਰੋਸ਼ਨ, ਸਾਗਰ ਬੱਤਾ ਨਿਊਜ਼ੀਲੈਂਡ ’ਚ ਬਣਿਆ ਵਕੀਲ
Admin / Punjab
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਪੰਜਾਬ ਦੇ ਇਕ ਨੌਜਵਾਨ ਨੇ ਨਿਊਜ਼ੀਲੈਂਜ ਬਣ ਕੇ ਸੂਬੇ ਤੇ ਦੇਸ਼ ਦਾ ਨਾਮ ਰੋਸ਼ਨ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਮੋਰਿੰਡਾ ਵਾਸੀ ਤੇ ਸੁਤੰਤਰਤਾ ਸੈਨਾਨੀ ਬਲਦੇਵ ਸਹਾਇ ਦਾ ਪੋਤਰਾ ਸਾਗਰ ਬੱਤਾ ਨਿਊਜ਼ੀਲੈਂਡ ’ਚ ਵਕੀਲ ਬਣਿਆ ਹੈ। ਇਸ ਸਬੰਧੀ ਪ੍ਰਵੀਨ ਕੁਮਾਰ ਸੰਤ ਨੇ ਦੱਸਿਆ ਕਿ ਉਨ੍ਹਾਂ ਦਾ ਬੇਟਾ ਕੁੱਝ ਸਾਲ ਪਹਿਲਾਂ ਨਿਊਜ਼ੀਲੈਂਡ ਵਿਖੇ ਪੜ੍ਹਾਈ ਕਰਨ ਗਿਆ ਸੀ। ਉਸ ਤੋਂ ਬਾਅਦ ਉਸ ਨੇ ਉੱਥੇ ਉਚੇਰੀ ਸਿੱਖਿਆ ਪ੍ਰਾਪਤ ਕਰਨੀ ਜਾਰੀ ਰੱਖੀ ਤੇ ਉੱਥੇ ਹੀ ਉਹ ਵਕੀਲ ਬਣਨ ’ਚ ਸਫਲ ਹੋਇਆ ਹੈ।
ਇਸ ਸਬੰਧੀ ਵੱਖ-ਵੱਖ ਸ਼ਹਿਰ ਨਿਵਾਸੀਆਂ, ਸਾਬਕਾ ਕੌਂਸਲਰ, ਨੰਬਰਦਾਰ ਜਗਵਿੰਦਰ ਸਿੰਘ ਪੰਮੀ, ਸੰਗਤ ਸਿੰਘ ਭਾਮੀਆ, ਹਰਪਾਲ ਸਿੰਘ ਦਾਤਾਰਪੁਰ ਸਾਬਕਾ ਐੱਮਡੀ ਸਹਿਕਾਰੀ ਬੈਂਕ ਰੂਪਨਗਰ ਆਦਿ ਨੇ ਸਾਗਰ ਬੱਤਾ ਦੀ ਇਸ ਪ੍ਰਾਪਤੀ ’ਤੇ ਪਰਿਵਾਰ ਨੂੰ ਵਧਾਈਆਂ ਦਿੱਤੀਆਂ ਹਨ।
Sagar Batta Became A Lawyer In New Zealand
