DIG ਦੀ ਕੋਠੀ ਬਾਹਰ ਲਾਵਾਰਿਸ ਬੈਗ ਨੇ ਮਚਾਈ ਹਲਚਲ, ਬੰਬ ਸਕੁਐਡ ਨੇ ਜਾਂਚ ਮਗਰੋਂ ਕੀਤਾ ਸ਼ੱਕ ਦੂਰ
Lptv Bureau / ਪਟਿਆਲਾ
ਸ਼ਨਿੱਚਰਵਾਰ ਨੂੰ ਲਾਵਾਰਿਸ ਬੈਗ ਮਿਲਣ ਨਾਲ ਕੁਝ ਸਮੇਂ ਲਈ ਇਲਾਕੇ ਵਿੱਚ ਹੜਕੰਪ ਮਚ ਗਿਆ
ਸ਼ਰਾਰਤੀ ਅਨਸਰਾਂ ਵੱਲੋਂ ਅਜਿਹੀ ਹਰਕਤ ਦੀ ਸੰਭਾਵਨਾ ਤੋਂ ਵੀ ਇਨਕਾਰ ਨਹੀਂ ਕੀਤਾ
ਪਟਿਆਲਾ ਵੱਡੀ ਬਾਰਾਂਦਰੀ ਸਥਿਤ ਡੀਆਈਜੀ ਦੀ ਸਰਕਾਰੀ ਰਿਹਾਇਸ਼ ਦੇ ਬਾਹਰ ਸ਼ਨਿੱਚਰਵਾਰ ਨੂੰ ਲਾਵਾਰਿਸ ਬੈਗ ਮਿਲਣ ਨਾਲ ਕੁਝ ਸਮੇਂ ਲਈ ਇਲਾਕੇ ਵਿੱਚ ਹੜਕੰਪ ਮਚ ਗਿਆ। ਬੈਗ ਕਾਫ਼ੀ ਦੇਰ ਤੋਂ ਉੱਥੇ ਪਿਆ ਹੋਣ ਕਾਰਨ ਲੋਕਾਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਸੁਰੱਖਿਆ ਦੇ ਮੱਦੇਨਜ਼ਰ ਪੁਲਿਸ ਅਤੇ ਬੰਬ ਸਕੁਐਡ ਨੇ ਮੌਕੇ ਤੇ ਪਹੁੰਚ ਕੇ ਜਾਂਚ ਕੀਤੀ।
ਸੂਚਨਾ ਮਿਲਦੇ ਹੀ ਡੀਐਸਪੀ ਸਿਟੀ-1 ਸੰਜੀਵ ਸਿੰਗਲਾ, ਥਾਣਾ ਲਾਹੌਰੀ ਗੇਟ ਦੇ ਇੰਚਾਰਜ ਸੌਰਵ ਸਭਰਵਾਲ ਅਤੇ ਬੰਬ ਸਕੁਐਡ ਦੀ ਟੀਮ ਮੌਕੇ ਤੇ ਪਹੁੰਚੀ।
ਕਿਸੇ ਵੀ ਸੰਭਾਵਿਤ ਖ਼ਤਰੇ ਨੂੰ ਦੇਖਦਿਆਂ ਬੈਗ ਦੀ ਜਾਂਚ ਤੱਕ ਸੜਕ ਤੇ ਆਵਾਜਾਈ ਵੀ ਕੁਝ ਸਮੇਂ ਲਈ ਰੋਕ ਦਿੱਤੀ ਗਈ। ਜਾਂਚ ਦੌਰਾਨ ਬੈਗ ਵਿੱਚ ਪੁਰਾਣੇ ਕੱਪੜੇ ਅਤੇ ਕੁਝ ਨਕਦੀ ਮਿਲੀ। ਪੁਲਿਸ ਮੁਤਾਬਕ ਬੈਗ ਵਿੱਚੋਂ ਕੋਈ ਸ਼ੱਕੀ ਜਾਂ ਇਤਰਾਜ਼ਯੋਗ ਵਸਤੂ ਬਰਾਮਦ ਨਹੀਂ ਹੋਈ। ਇਸ ਤੋਂ ਬਾਅਦ ਇਲਾਕੇ ਵਿੱਚ ਬਣੀ ਚਿੰਤਾ ਵੀ ਦੂਰ ਹੋ ਗਈ।
ਡੀਐਸਪੀ ਸੰਜੀਵ ਸਿੰਗਲਾ ਨੇ ਦੱਸਿਆ ਕਿ ਪੁਲਿਸ ਨੇ ਸੂਚਨਾ ਮਿਲਦੇ ਹੀ ਤੁਰੰਤ ਕਾਰਵਾਈ ਕੀਤੀ ਅਤੇ ਸੁਰੱਖਿਆ ਦੇ ਮੱਦੇਨਜ਼ਰ ਬੈਗ ਦੀ ਪੂਰੀ ਜਾਂਚ ਕਰਵਾਈ ਗਈ।
ਉਨ੍ਹਾਂ ਕਿਹਾ ਕਿ ਸੰਭਵ ਹੈ ਕਿ ਕੋਈ ਵਿਅਕਤੀ ਬੈਗ ਗਲਤੀ ਨਾਲ ਉੱਥੇ ਛੱਡ ਗਿਆ ਹੋਵੇ ਜਾਂ ਕਿਸੇ ਭਿਖਾਰੀ ਨੇ ਉੱਥੇ ਰੱਖਿਆ ਹੋਵੇ। ਹਾਲਾਂਕਿ ਪੁਲਿਸ ਨੇ ਸ਼ਰਾਰਤੀ ਅਨਸਰਾਂ ਵੱਲੋਂ ਅਜਿਹੀ ਹਰਕਤ ਦੀ ਸੰਭਾਵਨਾ ਤੋਂ ਵੀ ਇਨਕਾਰ ਨਹੀਂ ਕੀਤਾ। ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਵੀ ਥਾਂ ਲਾਵਾਰਿਸ ਬੈਗ ਜਾਂ ਸ਼ੱਕੀ ਵਸਤੂ ਮਿਲਣ ਤੇ ਉਸ ਨੂੰ ਖੁਦ ਨਾ ਛੂਹਣ ਜਾਂ ਖੋਲ੍ਹਣ। ਅਜਿਹੀ ਸਥਿਤੀ ਵਿੱਚ ਤੁਰੰਤ ਪੁਲਿਸ ਨੂੰ ਸੂਚਿਤ ਕਰਨਾ ਹੀ ਸੁਰੱਖਿਅਤ ਕਦਮ ਹੈ।
Unclaimed bag outside dig s residence causes a stir bomb squad clears suspicion after inspection
