Punjab 'ਚ Bus Strike ਨੂੰ ਲੈ ਆਈ ਵੱਡੀ ਖ਼ਬਰ! Union ਨੇ ਕੀਤਾ ਅਹਿਮ ਐਲਾਨ
Punjab
Punjab 'ਚ Bus Strike ਨੂੰ ਲੈ ਆਈ ਵੱਡੀ ਖ਼ਬਰ! Union ਨੇ ਕੀਤਾ ਅਹਿਮ ਐਲਾਨ
ਚੰਡੀਗੜ੍ਹ/ਜਲੰਧਰ, 2 ਦਸੰਬਰ 2025 : ਪੰਜਾਬ ਵਿੱਚ ਪਿਛਲੇ ਕਈ ਦਿਨਾਂ ਤੋਂ ਜਾਰੀ ਸਰਕਾਰੀ ਬੱਸ ਕਰਮਚਾਰੀਆਂ ਦੀ ਹੜਤਾਲ ਖਤਮ ਹੋ ਗਈ ਹੈ। ਪੀਆਰਟੀਸੀ (PRTC), ਪਨਬੱਸ (PUNBUS) ਅਤੇ ਪੰਜਾਬ ਰੋਡਵੇਜ਼ (Punjab Roadways) ਦੇ ਠੇਕਾ ਕਰਮਚਾਰੀਆਂ ਨੇ ਮੰਗਲਵਾਰ ਨੂੰ ਅਧਿਕਾਰਕ ਤੌਰ 'ਤੇ ਅਪਣਾ ਸੰਘਰਸ਼ ਵਾਪਸ ਲੈਣ ਦਾ ਐਲਾਨ ਕੀਤਾ। ਸਰਕਾਰ ਅਤੇ ਯੂਨੀਅਨ ਪ੍ਰਤੀਨਿਧੀਆਂ ਵਿਚਾਲੇ ਕਈ ਘੰਟਿਆਂ ਚੱਲੀਆਂ ਗੱਲਬਾਤਾਂ ਮਗਰੋਂ ਦੋਵੇਂ ਪਾਸਿਆਂ ਵਿੱਚ ਸਹਿਮਤੀ ਬਣੀ, ਜਿਸ ਨਾਲ ਬੱਸ ਸੇਵਾਵਾਂ ਤੁਰੰਤ ਪ੍ਰਭਾਵ ਨਾਲ ਬਹਾਲ ਹੋਣ ਜਾ ਰਹੀਆਂ ਹਨ।
ਗ੍ਰਿਫ਼ਤਾਰ ਸਾਥੀਆਂ ਦੀ ਰਿਹਾਈ ’ਤੇ ਬਣੀ ਰਜਾਮੰਦੀ
ਯੂਨੀਅਨ ਨੇ ਦੱਸਿਆ ਕਿ ਹੜਤਾਲ ਖ਼ਤਮ ਕਰਨ ਦਾ ਸਭ ਤੋਂ ਵੱਡਾ ਕਾਰਨ ਉਹ ਭਰੋਸਾ ਹੈ ਜੋ ਸਰਕਾਰ ਨੇ ਉਨ੍ਹਾਂ ਨੂੰ ਦਿੱਤਾ ਹੈ। ਪੁਲਿਸ ਵੱਲੋਂ ਹਿਰਾਸਤ ਵਿੱਚ ਲਏ ਗਏ ਕਰਮਚਾਰੀਆਂ ਦੀ ਰਿਹਾਈ ਅਤੇ ਲੰਬੇ ਸਮੇਂ ਤੋਂ ਲਟਕ ਰਹੀਆਂ ਹੋਰ ਮੰਗਾਂ 'ਤੇ ਸਕਾਰਾਤਮਕ ਵਿਚਾਰ ਕਰਨ ਦੀ ਗਰੰਟੀ ਮਿਲੀ ਹੈ। ਯੂਨੀਅਨਾਂ ਨੇ ਕਿਹਾ ਕਿ ਆਮ ਜਨਤਾ ਨੂੰ ਹੋ ਰਹੀ ਪਰੇਸ਼ਾਨੀ ਨੂੰ ਦੇਖਦੇ ਹੋਏ ਉਹ ਅਪਣਾ ਅੰਦੋਲਨ ਵਾਪਸ ਖਿੱਚ ਰਹੇ ਹਨ।
ਬਾਕੀ ਮੰਗਾਂ ਲਈ ਜਲਦ ਸਰਕਾਰ ਨਾਲ ਉੱਚ-ਪੱਧਰੀ ਮੀਟਿੰਗ
ਹੜਤਾਲ ਮੁਲਤਵੀ ਹੋਣ ਨਾਲ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲਣ ਜਾ ਰਹੀ ਹੈ। ਯੂਨੀਅਨ ਨੇ ਕਿਹਾ ਕਿ ਬਾਕੀ ਰਹਿੰਦੇ ਮਸਲਿਆਂ ਨੂੰ ਸੁਲਝਾਉਣ ਲਈ ਜਲਦ ਹੀ ਸਰਕਾਰੀ ਅਧਿਕਾਰੀਆਂ ਨਾਲ ਮੀਟਿੰਗ ਹੋਵੇਗੀ।
ਪਿਛਲੇ 5 ਦਿਨਾਂ ਵਿੱਚ ਹੜਤਾਲ ਦੇ ਕਾਰਨ ਟਰਾਂਸਪੋਰਟ ਸੇਵਾਵਾਂ ਪੂਰੀ ਤਰ੍ਹਾਂ ਬਾਧਿਤ ਸਨ ਅਤੇ ਲੋਕਾਂ ਨੂੰ ਗੰਭੀਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਸੀ, ਪਰ ਹੁਣ ਬੱਸਾਂ ਦੀ ਚਾਲ ਮੁੜ ਪਟੜੀ 'ਤੇ ਆਉਣ ਜਾ ਰਹੀ ਹੈ।
Big News Brought About A Bus Strike In Punjab Union Makes An Important Announcement
