MP ਅੰਮ੍ਰਿਤਪਾਲ ਸਿੰਘ ਦੇ ਹੱਕ 'ਚ ਆਏ ਰਵਨੀਤ ਬਿੱਟੂ, ਕਿਹਾ- ਪੈਰੋਲ ਅੰਮ੍ਰਿਤਪਾਲ ਦਾ ਹੱਕ..
Punjab
MP ਅੰਮ੍ਰਿਤਪਾਲ ਸਿੰਘ ਦੇ ਹੱਕ 'ਚ ਆਏ ਰਵਨੀਤ ਬਿੱਟੂ, ਕਿਹਾ- ਪੈਰੋਲ ਅੰਮ੍ਰਿਤਪਾਲ ਦਾ ਹੱਕ..
Live Punjabi TV Bureau
ਚੰਡੀਗੜ੍ਹ, 3 ਦਸੰਬਰ 2025: ਕੇਂਦਰੀ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਖਡੂਰ ਸਾਹਿਬ ਤੋਂ ਚੁਣੇ ਲੋਕ ਸਭਾ ਮੈਂਬਰ ਅੰਮ੍ਰਿਤਪਾਲ ਸਿੰਘ ਦੀ ਪੈਰੋਲ ਮੰਗ ਦਾ ਖੁੱਲ੍ਹਾ ਸਮਰਥਨ ਕੀਤਾ ਹੈ। ਬਿੱਟੂ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਇੱਕ ਸਾਂਸਦ ਨੂੰ ਹਰ ਸੈਸ਼ਨ ਦੌਰਾਨ ਪੈਰੋਲ ਮਿਲਦੀ ਆ ਰਹੀ ਹੈ, ਤਾਂ ਅੰਮ੍ਰਿਤਪਾਲ ਨੂੰ ਇਹ ਹੱਕ ਕਿਉਂ ਨਹੀਂ ਦਿੱਤਾ ਜਾ ਰਿਹਾ? ਰਵਨੀਤ ਬਿੱਟੂ ਨੇ ਕਿਹਾ ਕਿ ਅੰਮ੍ਰਿਤਪਾਲ ਸਿੰਘ ਦਾ ਮਾਮਲਾ ਵੀ ਅਜਿਹਾ ਹੈ।
“15-20 ਲੱਖ ਲੋਕਾਂ ਨੇ ਚੁਣਿਆ — ਉਹਨਾਂ ਦੀ ਆਵਾਜ਼ ਕੌਣ ਚੁੱਕੇਗਾ?” — ਬਿੱਟੂ
ਇਸ ਤੋਂ ਅੱਗੇ ਰਵਨੀਤ ਬਿੱਟੂ ਨੇ ਕਿਹਾ ਕਿ ਉਨ੍ਹਾਂ ਦੇ ਬਾਰੇ ਮੇਰੀ ਪਾਰਟੀ ਦੇ ਕੁੱਝ ਵੀ ਵਿਚਾਰ ਹੋ ਸਕਦੇ ਹਨ, ਉਹ ਵੱਖਰੀ ਚੀਜ਼ ਹੈ। ਪਰ, ਮੈਂ ਇਹ ਚੀਜ਼ ਸਾਫ਼ ਕਰਨਾ ਚਾਹੁੰਦਾ ਹਾਂ ਕਿ ਉਹ ਵੀ 15-20 ਲੱਖ ਲੋਕਾਂ ਦਾ ਚੁਣਿਆਂ ਹੋਇਆ ਲੋਕ ਸਭਾ ਮੈਂਬਰ ਹੈ। ਉਨ੍ਹਾਂ ਨੂੰ ਲੋਕਤੰਤਰ ਦੇ ਮੰਦਰ ‘ਚ ਸਪੀਕਰ ਨੇ ਸਹੁੰ ਚੁਕਾਈ। ਹਰ ਆਦਮੀ ਦਾ ਅਧਿਕਾਰ ਹੈ। ਮੈਨੂੰ ਚਿੰਤਾ ਹੈ ਕਿ ਜਿਸ ਇਲਾਕੇ ‘ਚ ਉਹ ਸਾਂਸਦ ਬਣਿਆ ਹੈ, ਉਸ ਲੋਕ ਸਭਾ ਖੇਤਰ ਦੀ ਆਵਾਜ਼ ਚੁੱਕਣ ਵਾਲਾ ਕੌਣ ਹੈ।
High Court ਵਿੱਚ ਅਗਲੀ ਸੁਣਵਾਈ ਸੋਮਵਾਰ ਨੂੰ
ਅੰਮ੍ਰਿਤਪਾਲ ਸਿੰਘ ਨੇ ਸਰਦ ਰੁੱਤ ਸੈਸ਼ਨ (1-19 ਦਸੰਬਰ) ਵਿੱਚ ਸ਼ਾਮਲ ਹੋਣ ਲਈ ਪੈਰੋਲ ਦੀ ਜ਼ਰੂਰਤ ਦੱਸੀ ਹੈ। ਉਨ੍ਹਾਂ ਦੀ ਪਟੀਸ਼ਨ ਵਿੱਚ —
ਪੰਜਾਬ ਸਰਕਾਰ
ਪੰਜਾਬ ਪੁਲਿਸ
ਤੇ ਕੇਂਦਰ ਸਰਕਾਰ
ਧਿਰ ਬਣਾਈ ਗਈ ਹੈ।
ਵਕੀਲਾਂ ਦਾ ਤਰਕ ਹੈ ਕਿ ਹੜ੍ਹਾਂ ਅਤੇ ਹੋਰ Punjab-related ਮੁੱਦਿਆਂ ‘ਤੇ ਚਰਚਾ ਲਈ ਉਨ੍ਹਾਂ ਦੀ ਸੰਸਦ ਵਿੱਚ ਮੌਜੂਦਗੀ ਲਾਜ਼ਮੀ ਹੈ।
Punjab Government ਦਾ ਇਨਕਾਰ — ਸੁਰੱਖਿਆ ਕਾਰਨਾਂ ਦਾ ਹਵਾਲਾ
ਸਰਕਾਰ ਨੇ DC ਅਤੇ SSP ਤੋਂ ਮਿਲੀਆਂ ਰਿਪੋਰਟਾਂ ਦੇ ਆਧਾਰ ‘ਤੇ ਪੈਰੋਲ ਰੋਕੀ ਹੈ। ਰਿਪੋਰਟਾਂ ਮੁਤਾਬਕ, “Amritpal ਦੀ ਹਾਜ਼ਰੀ ਨਾਲ ਕਾਨੂੰਨ-ਵਿਵਸਥਾ ‘ਚ ਖਲਲ ਪੈਣ ਦਾ ਖਦਸ਼ਾ ਹੈ।” High Court ਹੁਣ ਸਰਕਾਰ ਦੀਆਂ ਦਲੀਲਾਂ ਦਾ ਨਿਰਣਾਇਕ ਅਧਿਐਨ ਕਰੇਗੀ ਅਤੇ ਫੈਸਲਾ ਦੇਵੇਗੀ ਕਿ ਕੀ ਅੰਮ੍ਰਿਤਪਾਲ ਸੰਸਦ ਵਿੱਚ ਹਾਜ਼ਰੀ ਲਗਾ ਸਕਣਗੇ ਜਾਂ ਨਹੀਂ।
Ravneet Bittu Came In Support Of MP Amritpal Singh Said Parole Is Amritpal s Right
