Migrants Drowned into Sea- ਮੌਰੀਤਾਨੀਆ 'ਚ ਸਮੁੰਦਰ 'ਚ ਕਿਸ਼ਤੀ ਪਲਟਣ ਕਾਰਨ 89 ਲੋਕਾਂ ਦੀ ਮੌਤ, 70 ਲਾਪਤਾ
Admin / International
ਇੰਟਰਨੈਸ਼ਨਲ ਡੈਸਕ : ਅਫ਼ਰੀਕੀ ਦੇਸ਼ ਮੌਰੀਤਾਨੀਆ ਵਿਚ ਇਕ ਭਿਆਨਕ ਹਾਦਸਾ ਵਾਪਰਿਆ ਹੈ। ਪਰਵਾਸੀ ਮਛੇਰਿਆਂ ਨਾਲ ਭਰੀ ਇੱਕ ਕਿਸ਼ਤੀ ਅਟਲਾਂਟਿਕ ਮਹਾਸਾਗਰ ਵਿਚ ਪਲਟ ਗਈ। ਇਸ ਹਾਦਸੇ ਵਿਚ ਹੁਣ ਤੱਕ 89 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜਲ ਸੈਨਾ ਦੇ ਜਵਾਨਾਂ ਨੇ ਸਾਰੇ 89 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਹਨ। 5 ਸਾਲ ਦੀ ਬੱਚੀ ਸਮੇਤ 9 ਲੋਕਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ 6 ਦਿਨ ਪਹਿਲਾਂ ਕਰੀਬ 170 ਲੋਕ ਇਕ ਕਿਸ਼ਤੀ ਵਿਚ ਮੱਛੀਆਂ ਫੜਨ ਲਈ ਸਮੁੰਦਰ ਵਿਚ ਗਏ ਸਨ। ਉਹ ਸੇਨੇਗਲ-ਗਾਂਬੀਆ ਸਰਹੱਦ ਰਾਹੀਂ ਯੂਰਪ ਜਾ ਰਹੇ ਸੀ, ਪਰ ਅਟਲਾਂਟਿਕ ਮਹਾਸਾਗਰ ਵਿਚ ਇਕ ਪਾਣੀ ਦੇ ਤੂਫਾਨ ਵਿਚ ਫਸ ਗਏ। ਉਨ੍ਹਾਂ ਦੀ ਕਿਸ਼ਤੀ ਬੀਚ ਤੋਂ ਕਰੀਬ 4 ਕਿਲੋਮੀਟਰ ਦੂਰ ਫਸ ਗਈ ਸੀ। ਖਤਰੇ ਦਾ ਸੰਕੇਤ ਮਿਲਦੇ ਹੀ ਜਲ ਸੈਨਾ ਦੇ ਜਵਾਨ ਮੌਕੇ 'ਤੇ ਪਹੁੰਚ ਗਏ ਪਰ ਉਦੋਂ ਤੱਕ 89 ਲੋਕਾਂ ਦੀ ਡੁੱਬਣ ਕਾਰਨ ਮੌਤ ਹੋ ਚੁੱਕੀ ਸੀ। ਬਚਾਏ ਗਏ ਲੋਕਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। 70 ਤੋਂ ਵੱਧ ਲੋਕ ਲਾਪਤਾ ਦੱਸੇ ਜਾ ਰਹੇ ਹਨ, ਜਿਨ੍ਹਾਂ ਲਈ ਵੱਡੇ ਪੱਧਰ 'ਤੇ ਬਚਾਅ ਮੁਹਿੰਮ ਚੱਲ ਰਹੀ ਹੈ।
Migrants Drowned Into Sea 89 People Died 70 Are Missing Due To The Capsizing Of The Boat In The Sea In Mauritania
