Pakistan 'ਚ ਹਾਲਾਤ ਹੋਏ ਬਦ ਤੋਂ ਬਦਤਰ, ਅਗਸਤ 'ਚ ਹੋਏ 59 terrorist attacks, ਇਸ ਸਾਲ ਹੁਣ ਤੱਕ ਹੋ ਚੁੱਕੇ ਹਨ 325 ਹਮਲੇ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਪਾਕਿਸਤਾਨ ਵਿਚ ਅੱਤਵਾਦੀ ਹਮਲਿਆਂ ਵਿਚ ਲਗਾਤਾਰ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਅਗਸਤ 2024 ਵਿਚ ਕੁੱਲ 59 ਅੱਤਵਾਦੀ ਹਮਲੇ ਹੋਏ ਸਨ, ਜਿਨ੍ਹਾਂ ਵਿਚ 84 ਲੋਕਾਂ ਦੀ ਜਾਨ ਚਲੀ ਗਈ ਸੀ, ਜਦਕਿ ਪਿਛਲੇ ਮਹੀਨੇ ਯਾਨੀ ਜੁਲਾਈ ਵਿਚ ਅਜਿਹੇ 38 ਹਮਲੇ ਹੋਏ ਸਨ। ਇਹ ਜਾਣਕਾਰੀ ਮੰਗਲਵਾਰ ਨੂੰ ਇਕ ਖਬਰ 'ਚ ਦਿੱਤੀ ਗਈ।
ਇਸਲਾਮਾਬਾਦ ਸਥਿਤ ਥਿੰਕ-ਟੈਂਕ ਪਾਕ ਇੰਸਟੀਚਿਊਟ ਫਾਰ ਪੀਸ ਸਟੱਡੀਜ਼ (ਪੀਆਈਪੀਐਸ) ਦੇ ਅੰਕੜਿਆਂ ਅਨੁਸਾਰ ਅਗਸਤ ਵਿਚ 59 ਹਮਲਿਆਂ ਨਾਲ 2024 ਵਿਚ ਕੁੱਲ ਹਮਲਿਆਂ ਦੀ ਗਿਣਤੀ 325 ਹੋ ਗਈ ਹੈ।
'ਦਿ ਡਾਨ' ਅਖਬਾਰ ਦੀ ਖਬਰ ਵਿਚ ਦਿੱਤੇ ਗਏ ਪੀਆਈਪੀਐੱਸ ਦੇ ਅੰਕੜਿਆਂ ਅਨੁਸਾਰ ਸਭ ਤੋਂ ਵੱਧ 29 terrorist attacks ਖੈਬਰ ਪਖਤੂਨਖਵਾ ਵਿੱਚ ਹੋਏ, ਇਸ ਤੋਂ ਬਾਅਦ ਬਲੋਚਿਸਤਾਨ ਵਿਚ 28 ਅਤੇ ਪੰਜਾਬ ਵਿਚ ਦੋ ਹਮਲੇ ਹੋਏ, ਜਿਨ੍ਹਾਂ ਵਿਚ 84 ਲੋਕਾਂ ਦੀ ਜਾਨ ਚਲੀ ਗਈ ਅਤੇ 166 ਹੋਰ ਜ਼ਖਮੀ ਹੋਏ।
2006 ਤੋਂ ਲੈ ਕੇ ਹੁਣ ਤੱਕ 17,846 ਅੱਤਵਾਦੀ ਹਮਲੇ ਹੋਏ
ਪੀਆਈਪੀਐੱਸ ਦੇ ਅੰਕੜੇ ਦੱਸਦੇ ਹਨ ਕਿ 2006 ਤੋਂ ਲੈ ਕੇ ਹੁਣ ਤੱਕ 17,846 ਅੱਤਵਾਦੀ ਹਮਲੇ ਹੋਏ ਹਨ, ਜਿਨ੍ਹਾਂ ਵਿਚ 24,373 ਲੋਕਾਂ ਦੀ ਜਾਨ ਚਲੀ ਗਈ ਹੈ ਜਦਕਿ 48,085 ਲੋਕ ਜ਼ਖਮੀ ਹੋਏ ਹਨ।
ਇਸ ਦੌਰਾਨ, ਸੁਰੱਖਿਆ ਬਲਾਂ ਅਤੇ ਪੁਲਿਸ ਦੇ ਅੱਤਵਾਦ ਵਿਰੋਧੀ ਵਿਭਾਗਾਂ (ਸੀਟੀਡੀਜ਼) ਨੇ ਅਗਸਤ ਵਿਚ ਦੇਸ਼ ਵਿਚ 12 ਅੱਤਵਾਦ ਵਿਰੋਧੀ ਅਭਿਆਨ ਚਲਾਏ, ਜਦੋਂ ਕਿ ਪਿਛਲੇ ਮਹੀਨੇ ਯਾਨੀ ਜੁਲਾਈ ਵਿਚ 11 ਆਪਰੇਸ਼ਨਾਂ ਸਨ।
ਇਨ੍ਹਾਂ ਆਪਰੇਸ਼ਨਾਂ ਵਿਚ 88 ਅੱਤਵਾਦੀ ਮਾਰੇ ਗਏ ਸਨ ਅਤੇ 15 ਫੌਜ ਦੇ ਜਵਾਨ ਅਤੇ ਤਿੰਨ ਪੁਲਿਸ ਵਾਲੇ ਸ਼ਹੀਦ ਹੋ ਗਏ ਸਨ। ਇਨ੍ਹਾਂ 12 ਆਪਰੇਸ਼ਨਾਂ ਵਿਚੋਂ ਅੱਠ ਖੈਬਰ ਪਖਤੂਨਖਵਾ ਵਿਚ ਅਤੇ ਚਾਰ ਹੋਰ ਬਲੋਚਿਸਤਾਨ ਵਿਚ ਕੀਤੇ ਗਏ।
The Situation In Pakistan Has Become Worse 59 Terrorist Attacks Took Place In August
