ਮਾਲਦੀਵ 'ਚ RuPay ਕਾਰਡ ਨਾਲ Payment ਦੀ ਹੋਈ ਸ਼ੁਰੂਆਤ ; PM ਨਰਿੰਦਰ ਮੋਦੀ ਤੇ ਮੁਹੰਮਦ ਮੁਈਜ਼ੂ ਬਣੇ ਪਹਿਲੀ Transaction ਦੇ ਗਵਾਹ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਮਾਲਦੀਵ ਵਿਚ RuPay ਕਾਰਡ ਨਾਲ ਭੁਗਤਾਨ ਸ਼ੁਰੂ ਹੋ ਗਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਮਾਲਦੀਵ ਦੇ ਰਾਸ਼ਟਰਪਤੀ ਮੁਹੰਮਦ ਮੁਈਜ਼ੂ ਇਸ ਤਰ੍ਹਾਂ ਦੇ ਪਹਿਲਾ ਲੈਣ-ਦੇਣ ਦੇ ਗਵਾਹ ਬਣੇ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਕੁਝ ਦਿਨ ਪਹਿਲਾਂ ਮਾਲਦੀਵ ਵਿਚ RuPay ਕਾਰਡ ਲਾਂਚ ਕੀਤਾ ਗਿਆ। ਆਉਣ ਵਾਲੇ ਸਮੇਂ ਵਿਚ ਭਾਰਤ ਤੇ ਮਾਲਦੀਵ UPI ਰਾਹੀਂ ਜੋੜ ਜਾਣਗੇ।
ਹਨੀਮਾਧੂ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਰਨਵੇਅ ਦਾ ਉਦਘਾਟਨ
ਉਥੇ ਹੀ, ਦੋਵਾਂ ਨੇ ਮਾਲਦੀਵ ਦੇ ਹਨੀਮਾਧੂ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਰਨਵੇਅ ਦਾ ਉਦਘਾਟਨ ਕੀਤਾ। ਭਾਰਤ ਨੇ ਉਸਦੇ ਸਹਿਯੋਗ ਨਾਲ ਬਣਾਈਆਂ 700 ਤੋਂ ਵੱਧ ਸਮਾਜਿਕ ਰਿਹਾਇਸ਼ੀ ਇਕਾਈਆਂ ਵੀ ਮਾਲਦੀਵ ਨੂੰ ਸੌਂਪੀਆਂ। ਇਸ ਦੇ ਨਾਲ ਭਾਰਤ ਅਤੇ ਮਾਲਦੀਵ ਵਿਚਾਲੇ ਕਈ ਮਹੱਤਵਪੂਰਨ ਸਮਝੌਤਿਆਂ 'ਤੇ ਦਸਤਖਤ ਹੋਏ। ਸਾਰੇ ਫੈਸਲੇ, ਨੀਂਹ ਪੱਥਰ ਤੇ ਉਦਘਾਟਨ ਪੀਐਮ ਮੋਦੀ ਅਤੇ ਮੋਇਜੂ ਦੀ ਹੈਦਰਾਬਾਦ ਹਾਊਸ ਵਿਚ ਮੁਲਾਕਾਤ ਤੋਂ ਬਾਅਦ ਲਏ ਗਏ।
ਨੇਬਰਹੁੱਡ ਫਰਸਟ ਪਾਲਿਸੀ ਅਤੇ ਸਾਗਰ ਵਿਜ਼ਨ ਵਿਚ ਮਾਲਦੀਵ ਦਾ ਮਹੱਤਵਪੂਰਨ ਸਥਾਨ : ਪੀਐੱਮ ਮੋਦੀ
ਇਸ ਦੌਰਾਨ ਪੀਐੱਮ ਮੋਦੀ ਨੇ ਕਿਹਾ ਕਿ ਭਾਰਤ ਤੇ ਮਾਲਦੀਵ ਦੇ ਸਬੰਧ ਸਦੀਆਂ ਪੁਰਾਣੇ ਹਨ। ਭਾਰਤ ਮਾਲਦੀਵ ਦਾ ਸਭ ਤੋਂ ਨਜ਼ਦੀਕੀ ਗੁਆਂਢੀ ਅਤੇ ਕਰੀਬੀ ਦੋਸਤ ਹੈ। ਸਾਡੀ ਨੇਬਰਹੁੱਡ ਫਰਸਟ ਪਾਲਿਸੀ ਅਤੇ ਸਾਗਰ ਵਿਜ਼ਨ ਵਿਚ ਮਾਲਦੀਵ ਦਾ ਮਹੱਤਵਪੂਰਨ ਸਥਾਨ ਹੈ। ਅਸੀਂ ਰੱਖਿਆ ਅਤੇ ਸੁਰੱਖਿਆ ਸਹਿਯੋਗ ਦੇ ਵੱਖ-ਵੱਖ ਪਹਿਲੂਆਂ 'ਤੇ ਵਿਸਥਾਰ ਨਾਲ ਚਰਚਾ ਕੀਤੀ। ਏਕਥਾ ਹਾਰਬਰ ਪ੍ਰੋਜੈਕਟ 'ਤੇ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਅਸੀਂ ਹਿੰਦ ਮਹਾਸਾਗਰ ਖੇਤਰ ਵਿਚ ਸਥਿਰਤਾ ਅਤੇ ਖੁਸ਼ਹਾਲੀ ਲਈ ਮਿਲ ਕੇ ਕੰਮ ਕਰਾਂਗੇ। ਕੋਲੰਬੋ ਸੁਰੱਖਿਆ ਸੰਮੇਲਨ ਵਿਚ ਇਕ ਸੰਸਥਾਪਕ ਮੈਂਬਰ ਵਜੋਂ ਸ਼ਾਮਲ ਹੋਣ ਲਈ ਮਾਲਦੀਵ ਦਾ ਸਵਾਗਤ ਹੈ।
RuPay Card Payments Launched In Maldives PM Narendra Modi And Mohammad Muizu Became The First Witnesses Of The Transaction
