ਚੀਨ ਨੂੰ ਲੱਗਾ 7 ਅਰਬ ਡਾਲਰ ਦਾ ਝਟਕਾ, ਸ੍ਰੀਲੰਕਾ ਨਾਲ ਜੁੜਿਆ ਹੈ ਇਹ ਮਾਮਲਾ, ਜਾਣੋ ਕੀ ਹੈ ਮਾਮਲਾ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਗੁਆਂਢੀ ਦੇਸ਼ ਚੀਨ ਨੂੰ ਸ੍ਰੀਲੰਕਾ ਦੇ ਬਾਹਰੀ ਕਰਜ਼ ਪੁਨਰਗਠਨ ਕਾਰਨ 7 ਅਰਬ ਅਮਰੀਕੀ ਡਾਲਰ ਦਾ ਨੁਕਸਾਨ ਹੋਇਆ ਹੈ। ਇਕ ਸਰਕਾਰੀ ਅਖਬਾਰ ਨੇ ਕੋਲੰਬੋ ਵਿਚ ਚੀਨ ਦੇ ਰਾਜਦੂਤ ਕਿਊ ਝੇਨਹੋਂਗ ਦੇ ਹਵਾਲੇ ਨਾਲ ਇਹ ਖਬਰ ਦਿੱਤੀ ਹੈ। ਇਸ ਵਿਚ ਝੇਨਹੋਂਗ ਨੇ ਕਿਹਾ ਕਿ ਚੀਨ ਅਕਤੂਬਰ 2023 ਵਿਚ ਪੁਨਰਗਠਨ ਸਮਝੌਤਾ ਕਰਨ ਵਾਲਾ ਸ੍ਰੀਲੰਕਾ ਦਾ ਪਹਿਲਾ ਦੁਵੱਲਾ ਰਿਣਦਾਤਾ ਸੀ। ਝੇਨਹੋਂਗ ਨੇ ਕਿਹਾ ਕਿ ਹਾਲਾਂਕਿ, ਜਨਤਾ ਨੂੰ ਇਹਨਾਂ ਵੇਰਵਿਆਂ ਬਾਰੇ ਪਤਾ ਨਹੀਂ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਅਸੀਂ ਸ੍ਰੀਲੰਕਾ ਨੂੰ ਦਿੱਤੇ ਜਾਣ ਵਾਲੀ ਸਹਾਇਤਾ ਦੇ ਬਾਰੇ ਵਿਚ (ਜਨਤਕ ਤੌਰ 'ਤੇ) ਜਾਣਕਾਰੀ ਨਹੀਂ ਦਿੰਦੇ ਹਾਂ।
ਖਬਰਾਂ ਦੇ ਅਨੁਸਾਰ, ਸ੍ਰੀਲੰਕਾ ਨੇ 2022 ਦੇ ਆਰਥਿਕ ਸੰਕਟ ਵਿਚ ਆਪਣੇ ਪਹਿਲੇ ਡਿਫਾਲਟ ਦਾ ਐਲਾਨ ਕਰਨ ਤੋਂ ਬਾਅਦ 46 ਅਰਬ ਅਮਰੀਕੀ ਡਾਲਰ ਦੇ ਬਾਹਰੀ ਕਰਜ਼ੇ ਦਾ ਪੁਨਰਗਠਨ ਕੀਤਾ ਸੀ। ਰਾਜਦੂਤ ਨੇ ਇਹ ਵੀ ਉਮੀਦ ਜ਼ਾਹਰ ਕੀਤੀ ਕਿ ਚੀਨ ਅਤੇ ਭਾਰਤ ਭਵਿੱਖ ਵਿਚ ਸ਼੍ਰੀਲੰਕਾ ਦੇ ਉੱਤਰੀ ਸੂਬੇ ਦੇ ਵਿਕਾਸ ਲਈ ਸਾਂਝੇ ਤੌਰ 'ਤੇ ਕੰਮ ਕਰਨਗੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਚੀਨ ਦਾ ਭਾਰਤ ਨਾਲ ਕੋਈ ਵਿਵਾਦ ਨਹੀਂ ਹੈ ਕਿਉਂਕਿ ਦੋਵੇਂ ਦੇਸ਼ਾਂ ਨੇ ਤੇਜ਼ੀ ਨਾਲ ਤਰੱਕੀ ਕੀਤੀ ਹੈ ਅਤੇ ਉਨ੍ਹਾਂ ਨੂੰ ਸਾਂਝੇ ਟੀਚਿਆਂ ਨੂੰ ਹਾਸਲ ਕਰਨ ਲਈ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ। ਰਾਜਦੂਤ ਨੇ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਚੀਨ, ਭਾਰਤ ਅਤੇ ਸ੍ਰੀਲੰਕਾ ਇੱਕ ਦਿਨ ਇੱਥੇ ਇੱਕ ਵਿਹਾਰਕ ਪ੍ਰੋਜੈਕਟ ਨੂੰ ਲਾਗੂ ਕਰਨ ਲਈ ਮਿਲ ਕੇ ਕੰਮ ਕਰ ਸਕਦੇ ਹਨ।
China Suffered A Setback Of 7 Billion Dollars This Matter Is Related To Sri Lanka Know What Is The Matter
