Isha Ambani- ਮੁਕੇਸ਼ ਅੰਬਾਨੀ ਬਣੇ ਨਾਨੇ, ਬੇਟੀ ਈਸ਼ਾ ਨੇ ਦਿੱਤਾ ਜੁੜਵਾਂ ਬੱਚਿਆਂ ਨੂੰ ਜਨਮ
LPTV / Chandigarh
ਵੈੱਬ ਡੈਸਕ: ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੀ ਬੇਟੀ ਈਸ਼ਾ ਅੰਬਾਨੀ ਨੇ ਜੁੜਵਾਂ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਈਸ਼ਾ ਨੇ ਇਕ ਬੇਟੀ ਅਤੇ ਇਕ ਬੇਟੇ ਨੂੰ ਜਨਮ ਦਿੱਤਾ ਹੈ। ਬੇਟੀ ਦਾ ਨਾਂ ਆਦੀਆ ਅਤੇ ਪੁੱਤਰ ਦਾ ਨਾਂ ਕ੍ਰਿਸ਼ਨਾ ਹੈ। ਦੱਸ ਦੇਈਏ ਕਿ ਈਸ਼ਾ ਅੰਬਾਨੀ ਅਤੇ ਆਨੰਦ ਪੀਰਾਮਲ ਦਾ ਵਿਆਹ ਸਾਲ 2018 ਵਿੱਚ ਹੋਇਆ ਸੀ। ਭਾਰਤ ਦੇ ਦਿੱਗਜ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੇ ਘਰ ਵੱਡੀ ਖਬਰ ਆਈ ਹੈ। ਮੁਕੇਸ਼ ਅੰਬਾਨੀ ਨਾਨਾ ਬਣ ਗਏ ਹਨ। ਮੁਕੇਸ਼ ਦੀ ਬੇਟੀ ਈਸ਼ਾ ਅੰਬਾਨੀ ਨੇ 19 ਨਵੰਬਰ ਨੂੰ ਜੁੜਵਾਂ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਈਸ਼ਾ ਨੇ ਇਕ ਬੇਟੀ ਅਤੇ ਇਕ ਬੇਟੇ ਨੂੰ ਜਨਮ ਦਿੱਤਾ ਹੈ। ਬੇਟੀ ਦਾ ਨਾਂ ਆਦੀਆ ਅਤੇ ਪੁੱਤਰ ਦਾ ਨਾਂ ਕ੍ਰਿਸ਼ਨਾ ਹੈ।
ਜ਼ਿਕਰਯੋਗ ਹੈ ਕਿ 12 ਦਸੰਬਰ 2018 ਨੂੰ ਈਸ਼ਾ ਦਾ ਵਿਆਹ ਉਦਯੋਗਪਤੀ ਅਜੈ ਅਤੇ ਸਵਾਤੀ ਪੀਰਾਮਲ ਦੇ ਬੇਟੇ ਆਨੰਦ ਪੀਰਾਮਲ ਨਾਲ ਹੋਇਆ ਸੀ। ਈਸ਼ਾ ਮੁਕੇਸ਼ ਅੰਬਾਨੀ ਅਤੇ ਨੀਤਾ ਅੰਬਾਨੀ ਦੀ ਇਕਲੌਤੀ ਬੇਟੀ ਹੈ। ਸਿਰਫ਼ 23 ਸਾਲ ਦੀ ਉਮਰ ਵਿੱਚ ਈਸ਼ਾ ਨੇ ਆਪਣੇ ਪਿਤਾ ਦੀ ਮਦਦ ਲਈ ਰਿਲਾਇੰਸ ਦਾ ਕਾਰੋਬਾਰ ਸੰਭਾਲ ਲਿਆ ਸੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਅਕਤੂਬਰ 2014 ਵਿੱਚ ਰਿਲਾਇੰਸ ਰਿਟੇਲ ਅਤੇ ਰਿਲਾਇੰਸ ਜਿਓ ਦੇ ਬੋਰਡ ਵਿੱਚ ਜਗ੍ਹਾ ਦਿੱਤੀ ਗਈ ਸੀ।
ਈਸ਼ਾ ਅੰਬਾਨੀ ਦੀ ਸਿੱਖਿਆ ਅਤੇ ਕੁੱਲ ਜਾਇਦਾਦ:
ਈਸ਼ਾ ਨੇ ਸਟੈਨਫੋਰਡ ਯੂਨੀਵਰਸਿਟੀ ਤੋਂ ਬੈਚਲਰ ਦੀ ਡਿਗਰੀ ਹਾਸਲ ਕੀਤੀ ਹੈ। ਈਸ਼ਾ ਨੇ ਆਪਣੀ ਸ਼ੁਰੂਆਤੀ ਪੜ੍ਹਾਈ ਮੁੰਬਈ ਦੇ ਧੀਰੂਭਾਈ ਅੰਬਾਨੀ ਇੰਟਰਨੈਸ਼ਨਲ ਸਕੂਲ ਤੋਂ ਕੀਤੀ। ਸਾਲ 2018 ਵਿੱਚ, ਫੋਰਬਸ ਨੇ ਈਸ਼ਾ ਅੰਬਾਨੀ ਦੀ ਜਾਇਦਾਦ $ 70 ਮਿਲੀਅਨ ਦਾ ਅਨੁਮਾਨ ਲਗਾਇਆ ਸੀ। ਆਪਣੇ ਪਿਤਾ ਦੀ ਕੰਪਨੀ ਰਿਲਾਇੰਸ ਗਰੁੱਪ 'ਚ ਕੰਮ ਕਰਨ ਤੋਂ ਪਹਿਲਾਂ ਈਸ਼ਾ ਨੇ ਵੀ ਕੰਮ ਕੀਤਾ ਸੀ। ਉਸਨੇ ਕੁਝ ਸਮੇਂ ਲਈ ਨਿਊਯਾਰਕ ਵਿੱਚ ਇੱਕ ਵਪਾਰਕ ਵਿਸ਼ਲੇਸ਼ਕ ਵਜੋਂ ਕੰਮ ਕੀਤਾ।
Isha Ambani Mukesh Ambanis maternal grandfather daughter Isha gave birth to twins
