ਪਾਕਿਸਤਾਨ ਜਾ ਕੇ ਨਿਕਾਹ ਕਰਵਾਉਣ ਵਾਲੀ ਸਰਬਜੀਤ ਕੌਰ ਬੁਰੀ ਫਸੀ! ਹੁਣ ਲਾਹੌਰ ਕੋਰਟ 'ਚ ਹੋ ਗਿਆ ਇਹ ਵੱਡਾ ਕੰਮ
Punjab
ਪਾਕਿਸਤਾਨ ਜਾ ਕੇ ਨਿਕਾਹ ਕਰਵਾਉਣ ਵਾਲੀ ਸਰਬਜੀਤ ਕੌਰ ਬੁਰੀ ਫਸੀ! ਹੁਣ ਲਾਹੌਰ ਕੋਰਟ 'ਚ ਹੋ ਗਿਆ ਇਹ ਵੱਡਾ ਕੰਮ
Live Punjabi TV Bureau
ਲਾਹੌਰ: ਪਾਕਿਸਤਾਨ ਜਾ ਕੇ ਧਰਮ ਬਦਲਣ ਅਤੇ ਨਿਕਾਹ ਕਰਵਾਉਣ ਵਾਲੀ ਭਾਰਤੀ ਔਰਤ ਸਰਬਜੀਤ ਕੌਰ (ਹੁਣ ਨੂਰ) ਦਾ ਮਾਮਲਾ ਸ਼ਾਂਤ ਹੋਣ ਦਾ ਨਾਮ ਨਹੀਂ ਲੈ ਰਿਹਾ। ਹੁਣ ਇਸ ਕਹਾਣੀ ਵਿੱਚ ਇੱਕ ਅਜਿਹਾ ਨਵਾਂ ਮੋੜ ਆਇਆ ਹੈ ਜਿਸਨੇ ਨਵੇਂ ਵਿਆਹੇ ਜੋੜੇ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਲਾਹੌਰ ਦੀ ਸੈਸ਼ਨ ਅਦਾਲਤ ਵਿੱਚ ਸਰਬਜੀਤ ਕੌਰ ਅਤੇ ਉਸਦੇ ਪਾਕਿਸਤਾਨੀ ਪਤੀ ਨਾਸਿਰ ਹੁਸੈਨ ਖਿਲਾਫ਼ ਐਫਆਈਆਰ (FIR) ਦਰਜ ਕਰਨ ਲਈ ਪਟੀਸ਼ਨ ਪਾਈ ਗਈ ਹੈ।
ਇਹ ਪਟੀਸ਼ਨ 20 ਜਨਵਰੀ 2026 ਨੂੰ ਪਾਕਿਸਤਾਨ ਸਿੱਖ ਸੰਗਠਨ ਦੇ ਆਗੂ ਮਹਿੰਦਰ ਪਾਲ ਸਿੰਘ ਵੱਲੋਂ ਦਾਇਰ ਕੀਤੀ ਗਈ ਹੈ। ਉਨ੍ਹਾਂ ਦੇ ਵਕੀਲ ਅਲੀ ਚੰਗੇਜੀ ਸੰਧੂ ਨੇ ਅਦਾਲਤ ਨੂੰ ਦੱਸਿਆ ਕਿ ਪਹਿਲਾਂ ਦਸੰਬਰ 2025 ਵਿੱਚ ਐਫਆਈਏ (FIA) ਨੂੰ ਸ਼ਿਕਾਇਤ ਦਿੱਤੀ ਗਈ ਸੀ, ਪਰ ਕੋਈ ਕਾਰਵਾਈ ਨਹੀਂ ਹੋਈ। ਇਸ ਲਈ ਹੁਣ ਮਜਬੂਰਨ ਅਦਾਲਤ ਦਾ ਰੁਖ ਕਰਨਾ ਪਿਆ ਹੈ। ਪਟੀਸ਼ਨ ਵਿੱਚ ਮੰਗ ਕੀਤੀ ਗਈ ਹੈ ਕਿ ਪਾਕਿਸਤਾਨੀ ਕਾਨੂੰਨ ਦੀ ਧਾਰਾ 22-ਏ ਅਤੇ 22-ਬੀ ਤਹਿਤ ਦੋਵਾਂ ਖਿਲਾਫ਼ ਪਰਚਾ ਦਰਜ ਕੀਤਾ ਜਾਵੇ।
ਵੀਜ਼ਾ ਖਤਮ, ਫਿਰ ਵੀ ਪਾਕਿਸਤਾਨ 'ਚ ਕਿਵੇਂ?
ਅਦਾਲਤ ਵਿੱਚ ਦਾਇਰ ਅਰਜ਼ੀ ਵਿੱਚ ਗੰਭੀਰ ਇਲਜ਼ਾਮ ਲਗਾਏ ਗਏ ਹਨ ਕਿ ਸਰਬਜੀਤ ਕੌਰ ਨੇ 'ਪਾਕਿਸਤਾਨ ਫੌਰਨਰਸ ਐਕਟ 1946' ਦੀਆਂ ਧੱਜੀਆਂ ਉਡਾਈਆਂ ਹਨ। ਵਕੀਲ ਮੁਤਾਬਕ, ਸਰਬਜੀਤ ਦਾ ਵੀਜ਼ਾ 13 ਨਵੰਬਰ 2025 ਨੂੰ ਹੀ ਖਤਮ ਹੋ ਚੁੱਕਾ ਸੀ। ਇਸ ਦੇ ਬਾਵਜੂਦ ਉਹ ਗੈਰ-ਕਾਨੂੰਨੀ ਢੰਗ ਨਾਲ ਪਾਕਿਸਤਾਨ ਵਿੱਚ ਰਹਿ ਰਹੀ ਹੈ। ਇਲਜ਼ਾਮ ਹੈ ਕਿ ਉਸਨੇ ਸਿੱਖ ਸ਼ਰਧਾਲੂ ਵੀਜ਼ੇ ਦੀ ਦੁਰਵਰਤੋਂ ਕੀਤੀ ਹੈ, ਕਿਉਂਕਿ ਉਹ ਧਾਰਮਿਕ ਯਾਤਰਾ ਲਈ ਆਈ ਸੀ ਪਰ ਉੱਥੇ ਹੀ ਰੁਕ ਗਈ।
ਪਤੀ ਨਾਸਿਰ ਹੁਸੈਨ 'ਤੇ ਵੀ ਲੱਗੇ ਵੱਡੇ ਦੋਸ਼
ਸਰਬਜੀਤ ਦੇ ਨਾਲ-ਨਾਲ ਉਸਦੇ ਸ਼ੌਹਰ ਨਾਸਿਰ ਹੁਸੈਨ 'ਤੇ ਵੀ ਕਾਨੂੰਨ ਦਾ ਸ਼ਿਕੰਜਾ ਕੱਸਿਆ ਜਾ ਰਿਹਾ ਹੈ। ਪਟੀਸ਼ਨਕਰਤਾ ਦਾ ਕਹਿਣਾ ਹੈ ਕਿ ਨਾਸਿਰ ਨੇ ਇੱਕ ਗੈਰ-ਕਾਨੂੰਨੀ ਵਿਦੇਸ਼ੀ ਨਾਗਰਿਕ ਨੂੰ ਪਨਾਹ ਦੇ ਕੇ ਅਪਰਾਧ ਕੀਤਾ ਹੈ। ਦੋਸ਼ ਹੈ ਕਿ 4-5 ਨਵੰਬਰ ਦੀ ਦਰਮਿਆਨੀ ਰਾਤ ਨੂੰ ਸਰਬਜੀਤ ਗੁਰਦੁਆਰਾ ਨਨਕਾਣਾ ਸਾਹਿਬ ਤੋਂ ਨਾਸਿਰ ਨਾਲ ਫਰਾਰ ਹੋ ਗਈ ਸੀ, ਜੋ ਕਿ ਵੀਜ਼ਾ ਨਿਯਮਾਂ ਦੀ ਸਿੱਧੀ ਉਲੰਘਣਾ ਹੈ। ਹੁਣ ਅਦਾਲਤ ਦੇ ਫੈਸਲੇ 'ਤੇ ਸਭ ਦੀਆਂ ਨਜ਼ਰਾਂ ਟਿਕੀਆਂ ਹਨ ਕਿ ਕੀ ਇਸ ਜੋੜੇ 'ਤੇ ਕੇਸ ਦਰਜ ਹੋਵੇਗਾ ਜਾਂ ਨਹੀਂ।
Powered by
Sarabjit kaur who went to pakistan to get married got caught in a bad situation now this big thing has been done in lahore court
