ਵਿਦੇਸ਼ ਜਾਣ ਵਾਲਿਆਂ ਲਈ ਖੁਸ਼ਖਬਰੀ! ਹੁਣ ਘਰ ਬੈਠੇ ਇੰਝ ਪਾਓ ਵੀਜ਼ਾ
LPTV / Chandigarh
ਵਿਸ਼ਵ ਪੱਧਰੀ ਕੋਵਿਡ ਮਹਾਂਮਾਰੀ ਕਾਰਨ ਲਗਾਈਆਂ ਗਈਆਂ ਯਾਤਰਾ ਪਾਬੰਦੀਆਂ ਹੁਣ ਹੌਲੀ-ਹੌਲੀ ਘਟ ਰਹੀਆਂ ਹਨ। ਇਸ ਦੇ ਨਾਲ ਹੀ, ਲੋਕ ਹੁਣ ਵਿਦੇਸ਼ ਜਾਣ ਲਈ ਇੱਕ ਵਾਰ ਫਿਰ ਵੀਜ਼ਾ ਲਈ ਲਗਾਤਾਰ ਅਰਜ਼ੀ ਦੇ ਰਹੇ ਹਨ। ਇਸਦੇ ਲਈ ‘Visa at Your Door-Step Service’ਦੀ ਮੰਗ ਛੇ ਗੁਣਾ ਵਧ ਗਈ ਹੈ। ਖਾਸ ਕਰਕੇ ਛੋਟੇ ਸ਼ਹਿਰਾਂ ਵਿੱਚ, ਕੋਵਿਡ-19 ਤੋਂ ਸਾਵਧਾਨੀ ਕਾਰਨ ਇਸ ਸੇਵਾ ਦੀ ਮੰਗ ਜ਼ਿਆਦਾ ਹੈ। ਇਸ 'ਤੁਹਾਡੇ ਦਰਵਾਜ਼ੇ' ਤੇ ਵੀਜ਼ਾ ਸੇਵਾ’ ਤਹਿਤ, ਤੁਸੀਂ ਆਪਣੇ ਘਰ ਦੇ ਆਰਾਮ ਤੋਂ ਵੀਜ਼ਾ ਲਈ ਅਰਜ਼ੀ ਦੇ ਸਕਦੇ ਹੋ। ਇਸਦੇ ਲਈ, ਤੁਸੀਂ 'ਵੀਐਫਐਸ ਗਲੋਬਲ' ਦੀ ਅਧਿਕਾਰਤ ਵੈਬਸਾਈਟ 'ਤੇ ਜਾ ਕੇ ਇਸ ਸੇਵਾ ਦੀ ਵਰਤੋਂ ਕਰ ਸਕਦੇ ਹੋ।
ਤੁਸੀਂ ਆਪਣੀ ਸਹੂਲਤ ਅਨੁਸਾਰ ਸਮਾਂ ਅਤੇ ਮਿਤੀ ਦੀ ਚੋਣ ਕਰ ਸਕਦੇ ਹੋ ਜਿਸ ਤੋਂ ਬਾਅਦ ਵੀਐਫਐਸ ਅਧਿਕਾਰੀ ਤੁਹਾਡੇ ਦੁਆਰਾ ਤੈਅ ਮਿਤੀ ਤੇ ਸਮੇਂ ਤੇ ਤੁਹਾਡੇ ਘਰ ਆਉਣਗੇ ਤੇ ਵੀਜ਼ਾ ਬਣਾਉਣ ਦੀ ਪ੍ਰਕਿਰਿਆ ਵਿੱਚ ਤੁਹਾਡੀ ਸਹਾਇਤਾ ਕਰਨਗੇ।
ਦੱਸ ਦਈਏ ਕਿ ਇਸ ਵੇਲੇ ਤੁਹਾਨੂੰ ਬ੍ਰਿਟੇਨ, ਆਸਟਰੀਆ, ਕ੍ਰੋਏਸ਼ੀਆ, ਚੈੱਕ ਗਣਰਾਜ, ਡੈਨਮਾਰਕ, ਐਸਟੋਨੀਆ, ਫਿਨਲੈਂਡ, ਫਰਾਂਸ, ਜਰਮਨੀ, ਹੰਗਰੀ, ਆਈਸਲੈਂਡ, ਇਟਲੀ, ਲਾਤਵੀਆ, ਲਿਥੁਆਨੀਆ, ਲਕਸਮਬਰਗ, ਸਲੋਵੇਨੀਆ, ਪੁਰਤਗਾਲ, ਸਲੋਵਾਕੀਆ, ਸਵਿਟਜ਼ਰਲੈਂਡ ਤੇ ਯੂਕਰੇਨ ਜਿਹੇ ਦੇਸ਼ਾਂ ’ਚ ਜਾਣ ਲਈ ਇਸ 'ਵੀਜ਼ਾ ਐਟ ਯੂਅਰ ਡੋਰਸਟੈਪ ਸੇਵਾ’ ਮਿਲ ਰਹੀ ਹੈ।
Good news for those going abroad Now get visa at home like this
