ਪੰਜਾਬ ਵਿੱਚ ਤੇਜ਼ੀ ਨਾਲ ਵਧ ਰਹੇ ਪਰਾਲੀ ਸਾੜਨ ਦੇ ਮਾਮਲੇ — 500 ਤੋਂ ਵੱਧ ਰਿਕਾਰਡ ਤੋੜ ਕੇਸ!
Punjab
ਪੰਜਾਬ ਵਿੱਚ ਤੇਜ਼ੀ ਨਾਲ ਵਧ ਰਹੇ ਪਰਾਲੀ ਸਾੜਨ ਦੇ ਮਾਮਲੇ — 500 ਤੋਂ ਵੱਧ ਰਿਕਾਰਡ ਤੋੜ ਕੇਸ!
ਚੰਡੀਗੜ੍ਹ, 24 ਅਕਤੂਬਰ 2025 : ਸਰਕਾਰੀ ਅਪੀਲਾਂ, ਜੁਰਮਾਨਿਆਂ ਅਤੇ ਸਖ਼ਤ ਨਿਗਰਾਨੀ ਦੇ ਬਾਵਜੂਦ ਪੰਜਾਬ ਵਿੱਚ ਪਰਾਲੀ ਸਾੜਨ ਦੀ ਅੱਗ ਰੁਕਣ ਦਾ ਨਾਮ ਨਹੀਂ ਲੈ ਰਹੀ। ਹੁਣ ਤੱਕ ਦੇ ਅੰਕੜੇ ਚੰਕਾ ਦੇਣ ਵਾਲੇ ਹਨ — ਮੌਜੂਦਾ ਸੀਜ਼ਨ ਵਿੱਚ ਸੂਬੇ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ 512 ਤਕ ਪਰਾਲੀ ਸਾੜਨ ਦੇ ਨਵੇਂ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
24 ਘੰਟਿਆਂ ਵਿੱਚ 28 ਤਾਜ਼ੇ ਮਾਮਲੇ — ਅੰਮ੍ਰਿਤਸਰ ਤੇ ਤਰਨਤਾਰਨ ਫਿਰ ਸਰਤਾਜ!
ਵੀਰਵਾਰ ਨੂੰ ਇੱਕ ਹੀ ਦਿਨ ਵਿੱਚ ਕੁੱਲ 28 ਮਾਮਲੇ ਦਰਜ ਕੀਤੇ ਗਏ ਜਿਸ ਨਾਲ ਪ੍ਰਸ਼ਾਸਨ ਵੀ ਚੌਕਸ ਹੋ ਗਿਆ ਹੈ।
ਅੰਮ੍ਰਿਤਸਰ 7 ਮਾਮਲਿਆਂ ਨਾਲ ਸਭ ਤੋ ਅੱਗੇ, ਜਦਕਿ ਤਰਨਤਾਰਨ 5 ਕੇਸਾਂ ਨਾਲ ਦੂਜੇ ਸਥਾਨ ‘ਤੇ।
ਸੰਗਰੂਰ ਵਿੱਚ 4, ਜਦਕਿ ਫਿਰੋਜ਼ਪੁਰ ਅਤੇ ਮਾਨਸਾ ਵਿੱਚ ਤਿੰਨ-ਤਿੰਨ ਮਾਮਲੇ ਸਾਹਮਣੇ ਆਏ।
ਗੁਰਦਾਸਪੁਰ ਤੇ ਮੋਗਾ 2-2 ਮਾਮਲਿਆਂ ਨਾਲ ਪ੍ਰਭਾਵਿਤ ਰਹੇ, ਜਦਕਿ ਕਪੂਰਥਲਾ ਅਤੇ ਪਟਿਆਲਾ ਵਿੱਚ ਇੱਕ-ਇੱਕ ਘਟਨਾ ਦਰਜ ਹੋਈ।
ਇਹ ਤਸਵੀਰ ਸੁਬੇ ਵਿੱਚ ਵਾਤਾਵਰਣ ਪ੍ਰਬੰਧਨ ਲਈ ਵੱਡੇ ਚੁਣੌਤੀ ਭਰੇ ਸੰਕੇਤ ਦੇ ਰਹੀ ਹੈ।
PPCB ਨੇ ਕੱਢਿਆ ਐਕਸ਼ਨ — ਜੁਰਮਾਨਿਆਂ ਦੀ ਬਾਰਿਸ਼
ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ (PPCB) ਨੇ ਹੁਣ ਤੱਕ 226 ਕੇਸਾਂ ਵਿੱਚ ਕੁੱਲ ₹11.45 ਲੱਖ ਦਾ ਵਾਤਾਵਰਣ ਜੁਰਮਾਨਾ ਲਗਾਇਆ ਹੈ, ਜਿਸ ਵਿੱਚੋਂ ₹7.40 ਲੱਖ ਪਹਿਲਾਂ ਹੀ ਵਸੂਲ ਕੀਤੇ ਜਾ ਚੁੱਕੇ ਹਨ। ਬਾਕੀ ਦੇ ਰਿਕਵਰੀ ਆਰਡਰ ਜਾਰੀ ਹਨ।
ਹੁਣ ਪੁਲਿਸ ਦਾ ਸਖ਼ਤ ਰੁਖ — 184 FIR ਤੇ 187 'Red Entry'
ਜੁਰਮਾਨੇ ਹੀ ਨਹੀਂ, ਹੁਣ ਪੁਲਿਸ ਅਤੇ ਮਾਲ ਵਿਭਾਗ ਵੀ ਮੈਦਾਨ ਵਿੱਚ ਉਤਰ ਆਏ ਹਨ।
184 FIR ਹੁਣ ਤੱਕ ਦਰਜ ਹੋ ਚੁੱਕੀਆਂ ਹਨ, ਜਿਨ੍ਹਾਂ ਵਿੱਚ ਸਭ ਤੋਂ ਵੱਧ ਤਰਨਤਾਰਨ (61) ਅਤੇ ਅੰਮ੍ਰਿਤਸਰ (53) ਸ਼ਾਮਲ ਹਨ।
ਇਸ ਤੋਂ ਇਲਾਵਾ 187 ਕਿਸਾਨਾਂ ਦੇ ਜ਼ਮੀਨੀ ਰਿਕਾਰਡ ਵਿੱਚ 'Red Entry' ਦਰਜ ਹੋ ਗਈ ਹੈ — ਇਹ ਉਹ ਕਾਰਵਾਈ ਹੈ ਜਿਸ ਨਾਲ ਕਿਸਾਨ ਆਪਣੇ ਖੇਤ ਬਦਲੇ ਕੋਈ ਕਰਜ਼ਾ ਨਹੀਂ ਲੈ ਸਕਦਾ ਅਤੇ ਨਾ ਹੀ ਜ਼ਮੀਨ ਵੇਚ ਸਕਦਾ ਹੈ।
ਸਰਕਾਰ ਦਾ ਜਵਾਬ — “ਸਖ਼ਤੀ ਵੀ ਤੇ ਸਹਾਇਤਾ ਵੀ”
Entertainment/LPTV Bureau/Panjab
