'AI ਨਾਲ ਬਣਾਈ ਗਈ ਫੇਕ ਕਲਿੱਪ' - Sukhbir Badal ਵੱਲੋਂ ਸ਼ੇਅਰ ਕੀਤੀ Audio Clip 'ਤੇ Patiala Police ਦਾ ਬਿਆਨ
Punjab
'AI ਨਾਲ ਬਣਾਈ ਗਈ ਫੇਕ ਕਲਿੱਪ' - Sukhbir Badal ਵੱਲੋਂ ਸ਼ੇਅਰ ਕੀਤੀ Audio Clip 'ਤੇ Patiala Police ਦਾ ਬਿਆਨ
Live Punjabi TV Bureau
ਪਟਿਆਲਾ, 4 ਦਸੰਬਰ, 2025: SAD ਦੇ ਮੁਖੀ ਸੁਖਬੀਰ ਸਿੰਘ ਬਾਦਲ ਵੱਲੋਂ ਸ਼ੇਅਰ ਕੀਤੀ ਗਈ ਕਥਿਤ ਆਡੀਓ ਕਲਿੱਪ ਨੇ ਸਿਆਸੀ ਪਾਰਾ ਚੜ੍ਹਾ ਦਿੱਤਾ ਹੈ। ਹਾਲਾਂਕਿ, ਪਟਿਆਲਾ ਪੁਲਿਸ ਨੇ ਇਸ ਮਾਮਲੇ 'ਤੇ ਪੂਰੀ ਤਰ੍ਹਾਂ ਆਪਣਾ ਸਟੈਂਡ ਸਾਫ਼ ਕਰ ਦਿੱਤਾ ਹੈ। ਪੁਲਿਸ ਦੇ ਮੁਤਾਬਕ, ਜੋ ਕਲਿੱਪ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਉਹ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਮਦਦ ਨਾਲ ਤਿਆਰ ਕੀਤੀ ਗਈ ਇੱਕ ਫਰਜ਼ੀ ਕਲਿੱਪ ਹੈ।
“ਜਨਤਾ ਨੂੰ ਭੜਕਾਉਣ ਦੀ ਕੋਸ਼ਿਸ਼” — ਪਟਿਆਲਾ ਪੁਲਿਸ
ਪੁਲਿਸ ਨੇ ਦੱਸਿਆ ਕਿ ਵਾਇਰਲ ਹੋ ਰਹੀ ਵੀਡੀਓ ਅਤੇ ਆਡੀਓ ਕਲਿੱਪ ਦਾ ਹਕੀਕਤ ਨਾਲ ਕੋਈ ਲੈਣਾ-ਦੇਣਾ ਨਹੀਂ। ਇਹ ਦੁਸ਼ਪ੍ਰਚਾਰ ਫੈਲਾਉਣ ਅਤੇ ਕਾਨੂੰਨ-ਵਿਵਸਥਾ ਨੂੰ ਡਾਮਾਡੋਲ ਕਰਨ ਦੀ ਇੱਕ ਸੋਚੀ-ਸਮਝੀ ਸਾਜ਼ਿਸ਼ ਹੈ। ਪੁਲਿਸ ਨੇ ਸਪੱਸ਼ਟ ਕੀਤਾ ਕਿ ਸਚਾਈ ਦੀ ਜਾਂਚ ਲਈ ਤਕਨੀਕੀ ਟੀਮਾਂ ਕੰਮ 'ਤੇ ਜੁਟ ਚੁੱਕੀਆਂ ਹਨ।
ਦੋਸ਼ੀਆਂ 'ਤੇ ਸਖ਼ਤ ਕਾਰਵਾਈ ਦਾ ਇਸ਼ਾਰਾ
ਪਟਿਆਲਾ ਪੁਲਿਸ ਨੇ ਜਨਤਾ ਨੂੰ ਸੰਦੇਸ਼ ਦਿੱਤਾ ਹੈ ਕਿ ਜਿਹੜੇ ਤੱਤ ਅਜਿਹੀਆਂ ਫੇਕ AI ਕਲਿੱਪਾਂ ਬਣਾ ਕੇ ਫੈਲਾ ਰਹੇ ਹਨ, ਉਨ੍ਹਾਂ ਖ਼ਿਲਾਫ਼ ਸਖ਼ਤ ਧਾਰਾਵਾਂ ਤਹਿਤ ਕਾਰਵਾਈ ਕੀਤੀ ਜਾਵੇਗੀ। ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਬਿਨਾਂ ਸੱਚਾਈ ਦੀ ਜਾਂਚ ਕੀਤੇ ਕਿਸੇ ਵੀ ਸੁਨੇਹੇ ਜਾਂ ਵੀਡੀਓ 'ਤੇ ਭਰੋਸਾ ਨਾ ਕਰਨ।
Fake Clip Created With AI Patiala Police s Statement On Audio Clip Shared By Sukhbir Badal
