ਮੋਹਨ ਬਾਗਾਨ ਦੀ ਜਰਸੀ ਦੇ ਰੰਗ 'ਚ ਦਿਖੀ ਲਖਨਊ ਸੁਪਰ ਜਾਇੰਟਸ ਦੀ ਟੀਮ
LPTV / Chandigarh
ਸਪੋਰਸ ਡੈਸਕ : ਲਖਨਊ ਸੁਪਰ ਜਾਇੰਟਸ ਦੀ ਟੀਮ ਸ਼ਨੀਵਾਰ ਇੰਡੀਅਨ ਪ੍ਰੀਮੀਅਰ ਲੀਗ ਮੈਚ ਵਿਚ ਕੋਲਕਾਤਾ ਨਾਈਟ ਰਾਈਡਰਸ ਖਿਲਾਫ ਮੈਦਾਨ 'ਚ ਫੁੱਟਬਾਲ ਕਲੱਬ ਮੋਹਨ ਬਾਗਾਨ ਦੀ ਲਾਲ ਅਤੇ ਹਰੇ ਰੰਗ ਦੀ ਜਰਸੀ ਪਹਿਣ ਕੇ ਉਤਰੇਗੀ। ਲਖਨਊ ਸੁਪਰ ਜਾਇੰਟਸ ਨੂੰ 2022 'ਚ ਕੋਲਕਾਤਾ ਸਥਿਤ ਆਰ. ਪੀ. ਸੰਜੀਵ ਗੋਇਨਕਾ ਸਮੂਹ ਨੇ ਖਰੀਦਿਆ ਹੈ। ਇਸ ਸਮੂਹ ਨੇ 2020-21 ਸੈਸ਼ਨ ਵਿਚ ਇੰਡੀਅਨ ਸੁਪਰ ਲੀਗ ਦੀ ਟੀਮ ਮੋਹਨ ਬਾਗਾਨ ਵਿਚ ਬਹੁਮਤ ਹਿੱਸੇਦਾਰੀ ਹਾਸਲ ਕੀਤੀ ਸੀ।
ਲਖਨਊ ਸੁਪਰ ਜਾਇੰਟਸ ਟੀਮ ਦੇ ਮਾਲਿਕ ਸ਼ਾਸ਼ਵਤ ਗੋਇਨਕਾ ਨੇ ਕਿਹਾ,‘‘ਇਹ (ਮੋਹਨ ਬਾਗਾਨ) ਕੋਈ ਸੰਸਥਾ ਨਹੀਂ ਹੈ, ਇਹ ਅਸਲ ਵਿਚ ਇਕ ਭਾਵਨਾ ਹੈ। ਇਸ ਦੀ ਵਿਰਾਸਤ ਕੋਲਕਾਤਾ ਸ਼ਹਿਰ ਦੀ ਤਰਜਮਾਨੀ ਕਰਦੀ ਹੈ। ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਅਸੀਂ ਫੈਸਲਾ ਕੀਤਾ ਹੈ ਕਿ ਈਡਨ ਗਾਰਡਨਸ ਵਿਚ ਕੇ. ਕੇ. ਆਰ. ਖਿਲਾਫ ਸ਼ਨੀਵਾਰ ਦੇ ਮੈਚ ਵਿਚ ਲਖਨਊ ਦੀ ਟੀਮ ਲਾਲ ਅਤੇ ਹਰੇ ਰੰਗ ਦੀ ਧਾਰੀਦਾਰ ਜਰਸੀ ਵਿਚ ਮੈਦਾਨ ਉੱਤੇ ਉਤਰੇਗੀ।
Lucknow Super Giants team seen in the color of Mohun Bagans jersey
