ਮਹਿੰਦਰਾ ਨੇ ਥਾਰ ਟਾਪ ਵੇਰੀਐਂਟ ਨੂੰ ਕੀਤਾ ਬੰਦ, ਨਵੇਂ ਵਰਜ਼ਨ 'ਤੇ ਕੰਮ ਸ਼ੁਰੂ
ਚੰਡੀਗੜ੍ਹ, 26 ਅਪ੍ਰੈਲ 2025: ਭਾਰਤ 'ਚ ਮਹਿੰਦਰਾ ਥਾਰ ਰੇਂਜ 'ਚ ਇੱਕ ਵੱਡਾ ਬਦਲਾਅ ਆਇਆ ਹੈ। ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ ਮਹਿੰਦਰਾ ਨੇ ਥਾਰ ਦੇ ਕੁਝ ਵੇਰੀਐਂਟ ਨੂੰ ਬੰਦ ਕਰ ਦਿੱਤਾ ਹੈ। ਇਸ 'ਚ ਥਾਰ ਦਾ ਕਨਵਰਟੀਬਲ ਟਾਪ ਵੇਰੀਐਂਟ, AX 4WD ਵੇਰੀਐਂਟ ਅਤੇ LX ਵੇਰੀਐਂਟ ਸ਼ਾਮਲ ਹਨ ਜੋ ਓਪਨ ਡਿਫਰੈਂਸ਼ੀਅਲ ਦੇ ਨਾਲ ਆਉਂਦਾ ਹੈ।
ਪਹਿਲਾਂ ਮਹਿੰਦਰਾ ਥਾਰ ਕੁੱਲ 19 ਵੇਰੀਐਂਟਸ 'ਚ ਉਪਲਬੱਧ ਸੀ। ਪਰ ਹੁਣ ਓਪਨ ਡਿਫਰੈਂਸ਼ੀਅਲ ਵਾਲੇ ਕਨਵਰਟੀਬਲ ਟਾਪ, AX 4WD ਅਤੇ LX ਵੇਰੀਐਂਟ ਨੂੰ ਹਟਾਉਣ ਤੋਂ ਬਾਅਦ, ਇਹ ਗਿਣਤੀ ਘੱਟ ਕੇ ਸਿਰਫ਼ 11 ਰਹਿ ਗਈ ਹੈ। ਇਸ ਬਦਲਾਅ ਤੋਂ ਬਾਅਦ, ਐਂਟਰੀ-ਲੈਵਲ AX ਟ੍ਰਿਮ ਹੁਣ ਸਿਰਫ਼ RWD (ਰੀਅਰ-ਵ੍ਹੀਲ ਡਰਾਈਵ) ਵਿਕਲਪ 'ਚ ਉਪਲਬਧ ਹੋਵੇਗਾ, ਅਤੇ ਇਹ 1.5-ਲੀਟਰ ਡੀਜ਼ਲ ਇੰਜਣ ਨਾਲ ਲੈਸ ਹੋਵੇਗਾ।
ਹਾਲਾਂਕਿ, ਖਾਸ ਗੱਲ ਇਹ ਹੈ ਕਿ ਵੇਰੀਐਂਟਸ 'ਚ ਕਮੀ ਦੇ ਬਾਵਜੂਦ, ਥਾਰ ਦੀ ਕੁੱਲ ਕੀਮਤ 'ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਫਿਰ ਵੀ ਥਾਰ ਦੀ ਸ਼ੁਰੂਆਤੀ ਕੀਮਤ ਲਗਭਗ 12 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਜਦੋਂ ਕਿ ਟਾਪ ਮਾਡਲ 2.2-ਲੀਟਰ ਡੀਜ਼ਲ LX AT ਅਰਥ ਐਡੀਸ਼ਨ 4WD ਦੀ ਕੀਮਤ ਲਗਭਗ 18 ਲੱਖ ਰੁਪਏ ਹੈ।
ਜਿਵੇਂ ਕਿ ਹਾਲ ਹੀ 'ਚ ਰਿਪੋਰਟ ਕੀਤੀ ਗਈ ਸੀ, ਮਹਿੰਦਰਾ ਨੇ ਥਾਰ (ਕੋਡਨੇਮ W515) ਦੇ ਫੇਸਲਿਫਟ ਵਰਜ਼ਨ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਅੱਪਡੇਟ ਕੀਤਾ ਮਾਡਲ ਥਾਰ ਰੌਕਸ ਤੋਂ ਡਿਜ਼ਾਈਨ ਤੱਤ ਅਤੇ ਵਿਸ਼ੇਸ਼ਤਾਵਾਂ ਲਵੇਗਾ। ਨਵੀਂ ਥਾਰ 'ਚ ਹਾਰਡ-ਟਾਪ ਵੇਰੀਐਂਟ 'ਚ ਇੱਕ ਵੱਡੀ ਇਨਫੋਟੇਨਮੈਂਟ ਟੱਚਸਕ੍ਰੀਨ, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਅਤੇ ਸਨਰੂਫ ਵਰਗੀਆਂ ਵਿਸ਼ੇਸ਼ਤਾਵਾਂ ਮਿਲ ਸਕਦੀਆਂ ਹਨ।
Read More:
Mahindra discontinues thar top variant starts work on new version
