ਬ੍ਰਿਟੇਨ 'ਚ ਪਹਿਲੀ ਵਾਰ ਮਿਲਿਆ ਸਵਾਈਨ ਫਲੂ ਦਾ ਮਨੁੱਖੀ ਮਰੀਜ਼, ਸਿਹਤ ਅਧਿਕਾਰੀ ਨਜ਼ਦੀਕੀ ਲੋਕਾਂ 'ਤੇ ਰੱਖ ਰਹੇ ਨਜ਼ਰ
LPTV / Chandigarh
ਵਿਦੇਸ਼ ਡੈਸਕ। ਬ੍ਰਿਟੇਨ 'ਚ ਪਹਿਲੀ ਵਾਰ ਸਵਾਈਨ ਫਲੂ ਦਾ ਮਰੀਜ਼ ਮਿਲਿਆ ਹੈ। ਇਹ ਸਵਾਈਨ ਫਲੂ ਦਾ ਇੱਕ ਨਵਾਂ ਵਾਇਰਸ ਹੈ। ਸਿਹਤ ਅਧਿਕਾਰੀਆਂ ਮੁਤਾਬਕ ਵਿਭਾਗ ਮਰੀਜ਼ ਦੇ ਕਰੀਬੀ ਰਿਸ਼ਤੇਦਾਰਾਂ 'ਤੇ ਨਜ਼ਰ ਰੱਖ ਰਿਹਾ ਹੈ, ਜੋ ਉਸ ਦੇ ਸੰਪਰਕ 'ਚ ਆਉਂਦੇ ਰਹਿੰਦੇ ਹਨ। ਬ੍ਰਿਟਿਸ਼ ਅਧਿਕਾਰੀਆਂ ਨੇ ਵਿਸ਼ਵ ਸਿਹਤ ਸੰਗਠਨ ਨੂੰ ਵੀ ਸੂਚਿਤ ਕਰ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਵਾਈਨ ਫਲੂ ਇੱਕ ਵਾਇਰਲ ਇਨਫੈਕਸ਼ਨ ਹੈ, ਜੋ ਸੂਰਾਂ ਤੋਂ ਇਨਸਾਨਾਂ ਵਿੱਚ ਫੈਲਦਾ ਹੈ।ਯੂਕੇ ਹੈਲਥ ਸਕਿਓਰਿਟੀ ਏਜੰਸੀ (ਐਚਐਸਏ) ਨੇ ਕਿਹਾ ਕਿ ਪੀੜਤ ਨੂੰ ਸਾਹ ਲੈਣ ਵਿੱਚ ਤਕਲੀਫ਼ ਹੋ ਰਹੀ ਸੀ, ਇਸ ਲਈ ਉਹ ਜਾਂਚ ਲਈ ਡਾਕਟਰ ਕੋਲ ਗਿਆ। ਇੱਥੇ ਜਾਂਚ ਦੌਰਾਨ ਪਤਾ ਲੱਗਾ ਕਿ ਉਨ੍ਹਾਂ ਵਿੱਚ ਸਵਾਈਨ ਫਲੂ ਦਾ ਨਵਾਂ ਸਟ੍ਰੇਨ ਪਾਇਆ ਗਿਆ ਹੈ। UKHSA ਦੇ ਘਟਨਾ ਨਿਰਦੇਸ਼ਕ ਡਾ: ਮੀਰਾ ਚੰਦ ਨੇ ਦੱਸਿਆ ਕਿ ਦੇਸ਼ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੈ ਕਿ ਸਾਨੂੰ ਕਿਸੇ ਵਿਅਕਤੀ ਵਿੱਚ ਸਵਾਈਨ ਫਲੂ ਪਾਇਆ ਗਿਆ ਹੈ। ਉਹ ਇਸ ਬਾਰੇ ਹਰ ਚੀਜ਼ ਦੀ ਜਾਂਚ ਕਰ ਰਹੇ ਹਨ ਕਿ ਮਰੀਜ਼ ਪਿਛਲੇ ਕੁਝ ਦਿਨਾਂ ਵਿੱਚ ਕਿਸ ਨੂੰ ਮਿਲਿਆ ਅਤੇ ਉਹ ਕਿੱਥੇ ਗਿਆ। ਅਸੀਂ ਉਸ ਦੇ ਨਜ਼ਦੀਕੀਆਂ ਦਾ ਵੀ ਪਤਾ ਲਗਾ ਰਹੇ ਹਾਂ। ਅਸੀਂ ਫਲੂ ਦੇ ਫੈਲਣ ਨੂੰ ਰੋਕਣ ਲਈ ਤੇਜ਼ੀ ਨਾਲ ਕੰਮ ਕਰ ਰਹੇ ਹਾਂ। ਅਸੀਂ ਸਾਰੇ ਕਾਰਨ ਵੀ ਲੱਭ ਰਹੇ ਹਾਂ।
Human patient of swine flu found for the first time in Britain health officials are keeping an eye on close people
