Canada Hailstorm- ਵਾਵਰੋਲੇ ਨਾਲ ਕੈਨੇਡਾ 'ਚ ਡਿੱਗੇ ਵੱਡੇ-ਵੱਡੇ ਗੜੇ', ਟੁੱਟੇ ਗੱਡੀਆਂ ਦੇ ਸ਼ੀਸ਼ੇ, ਗੱਡੀ 'ਚ ਲੁਕ ਕੇ ਬਚਾਈ ਜਾਨ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ: ਕੈਨੇਡਾ 'ਚ ਸੋਮਵਾਰ ਨੂੰ ਭਾਰੀ ਗੜੇਮਾਰੀ ਨਾਲ 10 ਤੋਂ 15 ਮਿੰਟ ਤੱਕ ਤੂਫਾਨ ਦੇ ਨਾਲ ਆਏ ਵਾਵਰੋਲੇ ਵਿਚਕਾਰ ਇਕ ਅਜੀਬੋ-ਗਰੀਬ ਘਟਨਾ ਵਾਪਰੀ। ਵੱਡੇ-ਵੱਡੇ ਅੰਗੂਰ ਦੇ ਆਕਾਰ ਦੇ ਵੱਡੇ ਗੜੇ ਅਤੇ ਬੇਸਬਾਲ ਦੇ ਆਕਾਰ ਜਿੰਨੇ ਵੱਡੇ ਗੜੇ ਡਿੱਗੇ। ਇਸ ਗੜੇਮਾਰੀ ਕਾਰਨ ਲਗਭਗ 34 ਗੱਡੀਆਂ ਦੇ ਸ਼ੀਸ਼ੇ ਚਕਨਾਚੂਰ ਹੋ ਗਏ। ਬਹੁਤ ਸਾਰੇ ਮੁਸਾਫ਼ਰ ਰਸਤੇ 'ਚ ਹੀ ਫਸੇ ਰਹਿ ਗਏ। ਲੋਕ ਇੰਨੇ ਵੱਡੇ-ਵੱਡੇ ਗੜੇ ਦੇਖ ਕੇ ਹੈਰਾਨ ਰਹਿ ਗਏ। ਲੋਕਾਂ ਨੇ ਇਸ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ।
ਸੀਬੀਸੀ ਨਿਊਜ਼ ਮੁਤਾਬਕ ਕੈਨੇਡਾ ਦੇ ਪੱਛਮੀ ਸੂਬੇ ਅਲਬਰਟਾ 'ਚ ਤੂਫ਼ਾਨ ਤੋਂ ਬਾਅਦ ਭਾਰੀ ਗੜੇਮਾਰੀ ਹੋਈ। ਰਾਇਲ ਕੈਨੇਡੀਅਨ ਮਾਉਂਟਿਡ ਪੁਲਿਸ ਨੇ ਕਿਹਾ ਕਿ ਤੂਫ਼ਾਨ ਲਗਭਗ 10 ਤੋਂ 15 ਮਿੰਟ ਤੱਕ ਚੱਲਿਆ ਅਤੇ ਲਗਪਗ 34 ਗੱਡੀਆਂ ਨੂੰ ਨੁਕਸਾਨ ਪਹੁੰਚਿਆ। ਕਈ ਲੋਕਾਂ ਨੂੰ ਮਾਮੂਲੀ ਸੱਟਾਂ ਵੀ ਲੱਗੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਤੂਫਾਨ ਆਇਆ ਅਤੇ ਅਚਾਨਕ ਇੱਕ ਬੇਸਬਾਲ ਦੇ ਆਕਾਰ ਜਿੰਨੇ ਵੱਡੇ ਗੜੇ ਡਿੱਗਣੇ ਸ਼ੁਰੂ ਹੋ ਗਏ। ਇੰਨੇ ਵੱਡੇ ਗੜਿਆਂ ਨੂੰ ਦੇਖ ਕੇ ਲੋਕ ਡਰ ਗਏ ਅਤੇ ਕਈ ਵਾਹਨ ਆਪਸ 'ਚ ਟਕਰਾ ਗਏ।
ਸੋਸ਼ਲ ਮੀਡੀਆ 'ਤੇ ਕਈ ਲੋਕਾਂ ਨੇ ਤੂਫਾਨ ਤੋਂ ਬਾਅਦ ਆਪਣੀਆਂ ਕਾਰਾਂ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ 'ਚ ਵਿੰਡਸ਼ੀਲਡਾਂ ਅਤੇ ਨੁਕਸਾਨੇ ਗਏ ਵਾਹਨਾਂ ਨੂੰ ਦਿਖਾਇਆ ਗਿਆ ਹੈ। ਇੱਕ ਯੂਜਰ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ, ਜਿਸ 'ਚ ਉਸ ਦੀ ਕਾਰ ਦੀ ਵਿੰਡਸ਼ੀਲਡ ਤੋਂ ਗੜੇ ਡਿੱਗਦੇ ਹੋਏ ਦਿਖਾਈ ਦੇ ਰਹੇ ਸਨ, ਜਦਕਿ ਕਾਰ ਅੰਦਰ ਬੈਠੇ ਲੋਕਾਂ ਨੇ ਆਪਣੇ ਸਿਰਾਂ ਨੂੰ ਆਪਣੇ ਹੱਥਾਂ ਨਾਲ ਢੱਕਿਆ ਹੋਇਆ ਸੀ। ਵੀਡੀਓ ਸ਼ੇਅਰ ਕਰਦੇ ਹੋਏ ਯੂਜ਼ਰ ਨੇ ਲਿਖਿਆ, "ਪਿਛਲੀ ਰਾਤ ਗੈਸੋਲੀਨ ਸਟ੍ਰੀਟ ਤੋਂ 5 ਕਿਲੋਮੀਟਰ ਦੱਖਣ 'ਚ 17 ਮਿੰਟ ਤੱਕ ਭਿਆਨਕ ਗੜੇਮਾਰੀ ਹੋਈ।"
Canada Hailstorm Huge hailstones fell in Canada with the storm broken car windows saved lives by hiding in the car
