40 ਕੁੱਤਿਆਂ ਦਾ ਰੇਪ ਤੇ ਹੱਤਿਆ ਕੀਤੀ ; ਸ਼ੋਸ਼ਣ ਕਰਨ ਲਈ ਘਰ 'ਚ ਬਣਾਇਆ ਸੀ ‘ਟੌਰਚਰ ਰੂਮ’, ਜੀਵ-ਵਿਗਿਆਨੀ ਨੂੰ 249 ਸਾਲ ਦੀ ਸਜ਼ਾ
Admin / International
ਇੰਟਰਨੈਸ਼ਨਲ ਡੈਸਕ: ਆਸਟ੍ਰੇਲੀਆ ਵਿਚ ਇਕ ਜੀਵ ਵਿਗਿਆਨੀ ਦੁਆਰਾ ਖਤਰਨਾਕ ਅਤੇ ਦਿਲ ਦਹਿਲਾ ਦੇਣ ਵਾਲੇ ਅਪਰਾਧ ਦਾ ਇਕ ਬਹੁਤ ਹੀ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੋਂ ਦੀ ਅਦਾਲਤ ਨੇ ਕੁੱਤਿਆਂ ਨਾਲ ਰੇਪ ਕਰਨ ਅਤੇ ਉਨ੍ਹਾਂ ਨੂੰ ਮਾਰਨ ਦੇ ਮਾਮਲੇ ਵਿੱਚ ਬ੍ਰਿਟਿਸ਼ ਜੀਵ ਵਿਗਿਆਨ ਮਾਹਿਰ (ਜ਼ੂਆਲੋਜਿਸਟ) ਐਡਮ ਬ੍ਰਿਟਨ ਨੂੰ 249 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। 52 ਸਾਲਾ ਐਡਮ ਮਗਰਮੱਛਾਂ ਦਾ ਮਾਹਿਰ ਹੈ। ਪਿਛਲੇ ਸਾਲ, ਉਸਨੇ ਜਾਨਵਰਾਂ ਨਾਲ ਬੇਰਹਿਮੀ ਨਾਲ ਜੁੜੇ 60 ਦੋਸ਼ਾਂ ਨੂੰ ਸਵੀਕਾਰ ਕੀਤਾ ਸੀ, ਆਸਟ੍ਰੇਲੀਆਈ ਮੀਡੀਆ ਰਿਪੋਰਟਾਂ ਅਨੁਸਾਰ, ਐਡਮ ਆਸਟ੍ਰੇਲੀਆ ਦੇ ਡਾਰਵਿਨ ਵਿਚ ਆਪਣੇ ਘਰ ਵਿਚ ਕੁੱਤਿਆਂ ਨੂੰ ਤਸੀਹੇ ਦਿੰਦਾ ਸੀ। ਉਨ੍ਹਾਂ ਨਾਲ ਰੇਪ ਕਰਨ ਤੋਂ ਬਾਅਦ ਕਤਲ ਕਰ ਦਿੰਦਾ ਸੀ। ਇਸ ਤੋਂ ਇਲਾਵਾ ਉਹ ਇਹ ਸਭ ਰਿਕਾਰਡ ਵੀ ਕਰਦਾ ਸੀ।
ਐਡਮ ਨੇ ਕੁੱਤਿਆਂ ਨਾਲ ਰੇਪ ਕਰਨ ਲਈ ‘ਟੌਰਚਰ ਰੂਮ’ ਵੀ ਬਣਾਇਆ ਹੋਇਆ ਸੀ। ਐਡਮ ਨੇ ਗੁਮਟਰੀ ਆਸਟ੍ਰੇਲੀਆ ਨਾਂ ਦੀ ਵੈੱਬਸਾਈਟ ਰਾਹੀਂ 42 ਕੁੱਤੇ ਖਰੀਦੇ ਸੀ। ਉਸ ਨੇ ਕਿਹਾ ਸੀ ਕਿ ਉਹ ਇਨ੍ਹਾਂ ਕੁੱਤਿਆਂ ਨੂੰ ਨਵਾਂ ਘਰ ਦੇਵੇਗਾ। ਇਸ ਤੋਂ ਬਾਅਦ ਉਸ ਨੇ ਇਨ੍ਹਾਂ ਕੁੱਤਿਆਂ ਨੂੰ ਇੱਕ ਸ਼ਿਪਿੰਗ ਕੰਟੇਨਰ ਵਿੱਚ ਰੱਖਿਆ। ਰਿਪੋਰਟ ਮੁਤਾਬਕ 2020 ਤੋਂ 2022 ਦਰਮਿਆਨ ਐਡਮ ਨੇ 39 ਕੁੱਤਿਆਂ ਨਾਲ ਰੇਪ ਕੀਤਾ। ਬ੍ਰਿਟੇਨ ਦੇ ਵੈਸਟ ਯੌਰਕਸ਼ਾਇਰ ਵਿਚ ਪੈਦਾ ਹੋਏ ਐਡਮ ਬ੍ਰਿਟਨ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਮਗਰਮੱਛ ਮਾਹਿਰ ਵਜੋਂ ਮਾਨਤਾ ਪ੍ਰਾਪਤ ਹੈ। ਉਸਨੇ ਬੀਬੀਸੀ ਅਤੇ ਨੈਸ਼ਨਲ ਜੀਓਗ੍ਰਾਫਿਕ ਦੇ ਸਹਿਯੋਗ ਨਾਲ ਕਈ ਪ੍ਰੋਜੈਕਟਾਂ 'ਤੇ ਕੰਮ ਕੀਤਾ ਹੈ। ਐਡਮ ਨੂੰ ਡਿਸਕਵਰੀ ਚੈਨਲ ਅਤੇ ਐਨੀਮਲ ਪਲੈਨੇਟ ਦੇ ਪ੍ਰੋਗਰਾਮ 'ਐਨੀਮਲ ਫੇਸ-ਆਫ' ਵਿੱਚ ਵੀ ਦੇਖਿਆ ਗਿਆ ਸੀ। ਉਸ ਨੇ ਰੇਪ ਦੀਆਂ ਜੋ ਵੀਡੀਓ ਬਣਾਈਆਂ ਸਨ, ਉਹ ਵੀ ਉਸ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਸਨ। ਇਸ ਦੌਰਾਨ ਉਹ 'ਮੌਨਸਟਰ' ਨਾਮ ਨਾਲ ਬਣਾਈ ਗਈ ਪ੍ਰੋਫਾਈਲ ਦੀ ਵਰਤੋਂ ਕਰਦਾ ਸੀ, ਤਾਂ ਜੋ ਕੋਈ ਉਸ ਨੂੰ ਪਛਾਣ ਨਾ ਸਕੇ।
ਬ੍ਰਿਟਿਸ਼ ਮੀਡੀਆ ਮਿਰਰ ਮੁਤਾਬਕ 2022 'ਚ ਇਕ ਵਿਅਕਤੀ ਨੇ ਐਡਮ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਤੋਂ ਬਾਅਦ ਪੁਲਿਸ ਨੇ ਡਾਰਵਿਨ ਸਥਿਤ ਉਸਦੇ ਘਰ 'ਤੇ ਛਾਪਾ ਮਾਰਿਆ, ਜਿੱਥੇ ਜਾਨਵਰਾਂ ਦੇ ਸ਼ੋਸ਼ਣ ਨਾਲ ਜੁੜੇ ਕਈ ਸਬੂਤ ਮਿਲੇ ਹਨ। ਪੁਲਿਸ ਨੇ ਅਪ੍ਰੈਲ 2022 ਵਿਚ ਐਡਮ ਨੂੰ ਗ੍ਰਿਫਤਾਰ ਕੀਤਾ ਸੀ ਅਤੇ 11 ਜੁਲਾਈ ਨੂੰ ਅਦਾਲਤ ਵਿਚ ਸੁਣਵਾਈ ਦੌਰਾਨ ਐਡਮ ਦੇ ਵਕੀਲ ਨੇ ਉਸਦੀ ਮਾਨਸਿਕ ਸਥਿਤੀ ਦਾ ਹਵਾਲਾ ਦਿੰਦੇ ਹੋਏ ਘੱਟ ਸਜ਼ਾ ਦੀ ਅਪੀਲ ਕੀਤੀ ਸੀ।
ਮੈਡੀਕਲ ਰਿਪੋਰਟ ਪੇਸ਼ ਕਰਦੇ ਹੋਏ ਵਕੀਲ ਨੇ ਕਿਹਾ ਸੀ ਕਿ ਐਡਮ ਨੂੰ 'ਪੈਰਾਫਿਲੀਆ' ਨਾਂ ਦੀ ਬਿਮਾਰੀ ਹੈ। ਇਸ ਵਿਚ ਪੀੜਤ ਬਿਨਾਂ ਇਜਾਜ਼ਤ ਕਿਸੇ ਨਾਲ ਸਰੀਰਕ ਸਬੰਧ ਬਣਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਪੀੜਤ ਜ਼ਿਆਦਾਤਰ ਬੱਚਿਆਂ ਨੂੰ ਨਿਸ਼ਾਨਾ ਬਣਾਉਂਦੇ ਹਨ। ਵਕੀਲ ਦੀ ਰਿਪੋਰਟ ਮੁਤਾਬਕ ਗ੍ਰਿਫਤਾਰ ਕੀਤੇ ਜਾਣ ਤੋਂ ਬਾਅਦ ਐਡਮ ਨੂੰ 30 ਘੰਟੇ ਦਾ ਮਨੋਵਿਗਿਆਨਕ ਇਲਾਜ ਵੀ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਹ ਆਪਣੇ ਗੁਨਾਹ 'ਤੇ ਪਛਤਾ ਰਿਹਾ ਹੈ। ਜੀਵ-ਵਿਗਿਆਨੀ ਐਡਮ ਸ਼ਾਦੀਸ਼ੁਦਾ ਹੈ ਅਤੇ ਉਸਦੀ ਪਤਨੀ ਏਰਿਨ ਨੂੰ ਉਸਦੇ ਅਪਰਾਧਾਂ ਦੀ ਕੋਈ ਜਾਣਕਾਰੀ ਨਹੀਂ ਸੀ।
40 Dogs Were Raped And Killed The Biologist Was Sentenced To 249 Years
