Brazil- ਸੁਪਰੀਮ ਕੋਰਟ ਦੇ ਬਾਹਰ ਬੰਬ ਧਮਾਕੇ, ਇਕ ਵਿਅਕਤੀ ਦੀ ਮੌਤ, ਦਹਿਸ਼ਤ ਦਾ ਮਾਹੌਲ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਬ੍ਰਾਜ਼ੀਲ ਤੋਂ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਸੁਪਰੀਮ ਕੋਰਟ 'ਚ ਦਾਖਲ ਹੋਣ 'ਚ ਨਾਕਾਮ ਰਹੇ ਇਕ ਵਿਅਕਤੀ ਨੇ ਇਮਾਰਤ ਦੇ ਬਾਹਰ ਖੁਦ ਨੂੰ ਵਿਸਫੋਟ ਕਰਕੇ ਖਤਮ ਕਰ ਦਿੱਤਾ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਅਧਿਕਾਰੀਆਂ ਨੇ ਦੱਸਿਆ ਕਿ ਘਟਨਾ ਤੋਂ ਬਾਅਦ ਜੱਜ ਅਤੇ ਸਟਾਫ਼ ਨੇ ਇਮਾਰਤ ਖਾਲੀ ਕਰ ਕੇ ਬਾਹਰ ਆ ਗਏ। ਬ੍ਰਾਜ਼ੀਲ ਦੀ ਸੁਪਰੀਮ ਕੋਰਟ ਨੇ ਇਕ ਬਿਆਨ 'ਚ ਕਿਹਾ ਕਿ ਸੈਸ਼ਨ ਖਤਮ ਹੋਣ ਤੋਂ ਬਾਅਦ ਬੁੱਧਵਾਰ ਸ਼ਾਮ ਕਰੀਬ 7:30 ਵਜੇ ਦੋ ਜ਼ੋਰਦਾਰ ਧਮਾਕਿਆਂ ਦੀ ਆਵਾਜ਼ ਸੁਣਾਈ ਦਿੱਤੀ। ਧਮਾਕਿਆਂ ਤੋਂ ਬਾਅਦ ਸਾਰੇ ਜੱਜ ਅਤੇ ਸਟਾਫ਼ ਇਮਾਰਤ ਤੋਂ ਸੁਰੱਖਿਅਤ ਬਾਹਰ ਕੱਢੇ ਗਏ।
ਪਹਿਲਾਂ ਵਿਸਫੋਟਕ ਸੰਸਦ ਦੀ ਪਾਰਕਿੰਗ ਵਿੱਚ ਲਾਇਆ ਗਿਆ ਸੀ
ਫਾਇਰ ਬਿ੍ਗੇਡ ਦੇ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਰਾਜਧਾਨੀ ਬ੍ਰਾਸੀਲੀਆ ਵਿਚ ਇਕ ਵਿਅਕਤੀ ਦੀ ਮੌਕੇ 'ਤੇ ਮੌਤ ਹੋ ਗਈ ਹੈ, ਹਾਲਾਂਕਿ ਪੀੜਤ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਬ੍ਰਾਜ਼ੀਲ ਦੇ ਫੈਡਰਲ ਡਿਸਟ੍ਰਿਕਟ ਦੀ ਲੈਫਟੀਨੈਂਟ ਗਵਰਨਰ ਸੇਲੀਨਾ ਲਿਓ ਨੇ ਕਿਹਾ ਕਿ ਸ਼ੱਕੀ ਨੇ ਪਹਿਲਾਂ ਸੰਸਦ ਦੀ ਪਾਰਕਿੰਗ ਵਿਚ ਇਕ ਕਾਰ ਵਿਚ ਵਿਸਫੋਟਕ ਲਗਾਇਆ ਸੀ ਜਿਸ ਨਾਲ ਕੋਈ ਜ਼ਖਮੀ ਨਹੀਂ ਹੋਇਆ। 'ਸਪੀਕਰ' ਆਰਥਰ ਲੀਰਾ ਦੇ ਅਨੁਸਾਰ, ਲੀਓ ਨੇ ਜੋਖਮਾਂ ਤੋਂ ਬਚਣ ਲਈ ਵੀਰਵਾਰ ਨੂੰ ਸੰਸਦ ਨੂੰ ਬੰਦ ਕਰਨ ਦਾ ਸੁਝਾਅ ਦਿੱਤਾ। ਬ੍ਰਾਜ਼ੀਲ ਦੀ ਸੈਨੇਟ ਨੇ ਉਸ ਦੀ ਬੇਨਤੀ 'ਤੇ ਸਹਿਮਤੀ ਜਤਾਈ ਅਤੇ ਹੇਠਲਾ ਸਦਨ ਦੁਪਹਿਰ ਤੱਕ ਬੰਦ ਰਹੇਗਾ।
20 ਸਕਿੰਟਾਂ ਦੇ ਅੰਦਰ ਹੋਏ ਧਮਾਕੇ
ਇਹ ਧਮਾਕੇ ਬ੍ਰਾਸੀਲੀਆ ਦੇ ਥ੍ਰੀ ਪਾਵਰਜ਼ ਪਲਾਜ਼ਾ ਵਿਚ ਸੁਪਰੀਮ ਕੋਰਟ ਦੇ ਬਾਹਰ ਲਗਭਗ 20 ਸਕਿੰਟਾਂ ਦੇ ਅੰਦਰ ਹੋਏ, ਜਿਸ ਵਿੱਚ ਸੁਪਰੀਮ ਕੋਰਟ, ਸੰਸਦ ਅਤੇ ਰਾਸ਼ਟਰਪਤੀ ਭਵਨ ਸਮੇਤ ਬ੍ਰਾਜ਼ੀਲ ਦੀਆਂ ਮੁੱਖ ਸਰਕਾਰੀ ਇਮਾਰਤਾਂ ਸਥਿਤ ਹਨ। ਫਿਲਹਾਲ ਪੁਲਿਸ ਨੇ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
Brazil Bomb Blasts Outside The Supreme Court
