Lunar Eclipse 2025 - ਮਾਰਚ ਦੀ ਇਸ ਤਰੀਕ ਨੂੰ ਅਸਮਾਨ 'ਚ ਦਿਖਾਈ ਦੇਵੇਗਾ 'Red Moon', ਜਾਣੋ ਕਿਥੇ ਕਿਥੇ ਦਿਸੇਗਾ ਚੰਦਰ ਗ੍ਰਹਿਣ
Admin / International
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਸਾਲ 2025 ਦਾ ਪਹਿਲਾ ਗ੍ਰਹਿਣ 'ਪੂਰਨ ਚੰਦਰਗ੍ਰਹਿਣ' ਹੋਵੇਗਾ, ਜੋ ਬਹੁਤ ਖਾਸ ਹੋਣ ਵਾਲਾ ਹੈ ਕਿਉਂਕਿ ਇਸ ਦੇ ਨਾਲ ਇਕ ਅਨੋਖੀ ਖਗੋਲੀ ਘਟਨਾ ਦੇਖਣ ਨੂੰ ਮਿਲੇਗੀ, ਜਿਸ ਨੂੰ 'ਬਲੱਡ ਮੂਨ' ਕਿਹਾ ਜਾਂਦਾ ਹੈ। ਦਰਅਸਲ, ਪੂਰਨ ਚੰਦਰ ਗ੍ਰਹਿਣ ਦੌਰਾਨ, ਧਰਤੀ ਚੰਦਰਮਾ ਅਤੇ ਸੂਰਜ ਦੇ ਵਿਚਕਾਰ ਆ ਜਾਂਦੀ ਹੈ। ਇਹ ਚੰਦ ਨੂੰ ਸੂਰਜ ਦੀ ਰੌਸ਼ਨੀ ਤੋਂ ਲੁਕਾ ਲੈਂਦੀ ਹੈ। ਜਦੋਂ ਅਜਿਹਾ ਹੁੰਦਾ ਹੈ, ਤਾਂ ਚੰਦਰਮਾ ਦੀ ਸਤ੍ਹਾ ਤੱਕ ਪਹੁੰਚਣ ਵਾਲੀ ਇੱਕੋ ਇੱਕ ਰੋਸ਼ਨੀ ਧਰਤੀ ਦੇ ਵਾਯੂਮੰਡਲ ਦੇ ਕਿਨਾਰਿਆਂ ਤੋਂ ਹੁੰਦੀ ਹੈ। ਇਸ ਸਮੇਂ, ਵਾਯੂਮੰਡਲ ਤੋਂ ਹਵਾ ਦੇ ਅਣੂ ਜ਼ਿਆਦਾਤਰ ਨੀਲੀ ਰੋਸ਼ਨੀ ਨੂੰ ਬਿਖੇਰ ਦਿੰਦੇ ਹਨ। ਬਾਕੀ ਬਚੀ ਰੋਸ਼ਨੀ ਲਾਲ ਚਮਕ ਵਿਚ ਬਦਲ ਜਾਂਦੀ ਹੈ ਅਤੇ ਚੰਦਰਮਾ ਦੀ ਸਤ੍ਹਾ 'ਤੇ ਬਿਖਰ ਜਾਂਦੀ ਹੈ, ਜਿਸ ਕਾਰਨ ਚੰਦਰਮਾ 'ਲਾਲ' ਦਿਖਾਈ ਦਿੰਦਾ ਹੈ, ਜਿਸ ਨੂੰ 'ਬਲੱਡ ਮੂਨ' ਕਿਹਾ ਜਾਂਦਾ ਹੈ।
ਇਸ ਸਾਲ ਇਹ ਅਨੋਖੀ ਘਟਨਾ 13-14 ਮਾਰਚ ਦੀ ਰਾਤ ਨੂੰ ਅਸਮਾਨ ਵਿਚ ਦੇਖਣ ਨੂੰ ਮਿਲੇਗੀ। ਜਿਸ ਦਾ ਮੁੱਖ ਕੇਂਦਰ ਉੱਤਰੀ ਅਮਰੀਕਾ ਹੋਵੇਗਾ, ਜਿੱਥੇ ਲੋਕ 'ਬਲੱਡ ਮੂਨ' ਨੂੰ ਸਾਫ ਦੇਖ ਸਕਣਗੇ।
ਕਿੱਥੇ-ਕਿੱਥੇ ਦਿਖਾਈ ਦੇਵੇਗਾ ਬਲੱਡ ਮੂਨ-2025
ਇਸ ਤੋਂ ਇਲਾਵਾ ਸਾਲ ਦਾ ਪਹਿਲਾ ਚੰਦਰ ਗ੍ਰਹਿਣ 'ਬਲੱਡ ਮੂਨ' ਪੱਛਮੀ ਯੂਰਪ, ਪੱਛਮੀ ਅਫਰੀਕਾ ਅਤੇ ਅਮਰੀਕਾ ਦੇ ਕੁਝ ਹਿੱਸਿਆਂ 'ਚ ਵੀ ਦੇਖਿਆ ਜਾ ਸਕਦਾ ਹੈ। ਪਰ ਇਹ ਦੁਰਲੱਭ ਆਕਾਸ਼ੀ ਨਜ਼ਾਰਾ ਭਾਰਤ ਵਿਚ ਨਹੀਂ ਦੇਖਣ ਨੂੰ ਮਿਲੇਗਾ ਕਿਉਂਕਿ ਚੰਦਰ ਗ੍ਰਹਿਣ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 11:56 ਵਜੇ ਸ਼ੁਰੂ ਹੋਵੇਗਾ। ਭਾਵ ਇਸ ਸਮੇਂ ਭਾਰਤ ਵਿੱਚ ਦਿਨ ਹੋਵੇਗਾ। ਜਿਸ ਕਾਰਨ ਪੂਰਨ ਚੰਦ ਗ੍ਰਹਿਣ ਨਹੀਂ ਦਿਖਾਈ ਦੇਵੇਗਾ। ਪਰ ਭਾਰਤੀਆਂ ਨੂੰ ਨਿਰਾਸ਼ ਹੋਣ ਦੀ ਲੋੜ ਨਹੀਂ ਹੈ। ਤੁਸੀਂ ਆਨਲਾਈਨ ਸਟ੍ਰੀਮਿੰਗ ਰਾਹੀਂ ਸਾਲ ਦਾ ਪਹਿਲਾ ਚੰਦਰ ਗ੍ਰਹਿਣ ਦੇਖ ਸਕਦੇ ਹੋ।
ਸਾਲ 2025 ਦਾ ਦੂਜਾ ਚੰਦ ਗ੍ਰਹਿਣ ਕਦੋਂ ਲੱਗੇਗਾ?
ਸਾਲ ਦਾ ਦੂਜਾ ਚੰਦ ਗ੍ਰਹਿਣ 7-8 ਸਤੰਬਰ ਨੂੰ ਲੱਗੇਗਾ। ਇਹ ਯੂਰਪ, ਏਸ਼ੀਆ, ਆਸਟ੍ਰੇਲੀਆ, ਅਫਰੀਕਾ, ਪੱਛਮੀ ਉੱਤਰੀ ਅਮਰੀਕਾ, ਪੂਰਬੀ ਦੱਖਣੀ ਅਮਰੀਕਾ, ਪ੍ਰਸ਼ਾਂਤ ਮਹਾਸਾਗਰ, ਅਟਲਾਂਟਿਕ ਮਹਾਂਸਾਗਰ, ਹਿੰਦ ਮਹਾਸਾਗਰ, ਆਰਕਟਿਕ ਅਤੇ ਅੰਟਾਰਕਟਿਕਾ ਵਿੱਚ ਦਿਖਾਈ ਦੇਵੇਗਾ।
Lunar Eclipse 2025 Red Moon Will Be Visible In The Sky On This Date In March Know Where The Lunar Eclipse Will Be Visible
