ਅੱਤਵਾਦੀਆਂ ਦੇ ਨਾਪਾਕ ਮਨਸੂਬਿਆਂ ਨੂੰ ਫ਼ੌਜ ਨੇ ਕੀਤਾ ਨਾਕਾਮ, ਹਥਿਆਰਾਂ ਦਾ ਵੱਡਾ ਜ਼ਖ਼ੀਰਾ ਬਰਾਮਦ
Jammu Kashmir
ਅੱਤਵਾਦੀਆਂ ਦੇ ਨਾਪਾਕ ਮਨਸੂਬਿਆਂ ਨੂੰ ਫ਼ੌਜ ਨੇ ਕੀਤਾ ਨਾਕਾਮ, ਹ*ਥਿਆਰਾਂ ਦਾ ਵੱਡਾ ਜ਼ਖ਼ੀਰਾ ਬਰਾਮਦ
Live Punjabi TV Bureau
ਸ੍ਰੀਨਗਰ/ਹੰਦਵਾੜਾ, 22 ਨਵੰਬਰ 2025: ਜੰਮੂ–ਕਸ਼ਮੀਰ ਦੇ ਉੱਤਰੀ ਇਲਾਕੇ ਵਿੱਚ ਸੁਰੱਖਿਆ ਬਲਾਂ ਨੂੰ ਵੱਡੀ ਸਫ਼ਲਤਾ ਮਿਲੀ ਹੈ। ਪੁਲਿਸ ਅਤੇ ਸੈਨਾ ਦੀ ਜੋਇੰਟ ਟੀਮ ਨੇ ਹੰਦਵਾੜਾ ਦੇ ਨੌਗਾਮ ਸੈਕਟਰ ਵਿੱਚ ਲਾਈਨ ਆਫ ਕੰਟਰੋਲ ਨੇੜੇ ਇੱਕ ਅੱਤਵਾਦੀ ਠਿਕਾਣਾ ਫ਼ੜਿਆ, ਜਿੱਥੋਂ ਹਥਿਆਰਾਂ ਦਾ ਵੱਡਾ ਜ਼ਖੀਰਾ ਬਰਾਮਦ ਕੀਤਾ ਗਿਆ। ਇਸ ਕਾਰਵਾਈ ਨਾਲ ਘਾਟੀ ਵਿੱਚ ਸ਼ਾਂਤੀ ਭੰਗ ਕਰਨ ਦੀ ਇੱਕ ਵੱਡੀ ਕੋਸ਼ਿਸ਼ ਨਾਕਾਮ ਹੋ ਗਈ।
ਨੀਰੀਅਨ ਜੰਗਲ ਵਿੱਚ ਮਿਲਿਆ ਛੁਪਿਆ ਟਿਕਾਣਾ
ਖੁਫੀਆ ਸੂਚਨਾ ਤੋਂ ਬਾਅਦ ਹੰਦਵਾੜਾ ਪੁਲਿਸ ਅਤੇ ਨੌਗਾਮ ਬ੍ਰਿਗੇਡ ਨੇ ਨੀਰੀਅਨ ਦੇ ਘਣੇ ਜੰਗਲਾਂ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ। ਕਈ ਘੰਟਿਆਂ ਦੀ ਚੌਕਸੀ ਤੋਂ ਬਾਅਦ ਜੰਗਲ ਵਿਚਕਾਰ ਬਣਾਇਆ ਗਿਆ ਇਹ ਠਿਕਾਣਾ ਮਿਲਿਆ। ਸੁਰੱਖਿਆ ਬਲਾਂ ਨੇ ਹਥਿਆਰਾਂ ਦੀ ਬਰਾਮਦਗੀ ਤੋਂ ਬਾਅਦ ਇਸਨੂੰ ਨਸ਼ਟ ਕਰ ਦਿੱਤਾ।
ਉੱਚ–ਦਰਜੇ ਦੇ ਹਥਿਆਰ, ਗ੍ਰਨੇਡ ਅਤੇ ਨਕਸ਼ੇ ਵੀ ਬਰਾਮਦ
ਠਿਕਾਣੇ ਤੋਂ ਮਿਲੇ ਸਮਾਨ ਨੇ ਏਜੰਸੀਆਂ ਨੂੰ ਚੌਕਾਇਆ ਹੈ। ਬਰਾਮਦਗੀ ਵਿੱਚ ਸ਼ਾਮਲ ਹਨ—
2 ਐਮ-ਸੀਰੀਜ਼ ਅਸਾਲਟ ਰਾਈਫ਼ਲਾਂ (ਮੈਗਜ਼ੀਨਾਂ ਸਮੇਤ)
2 ਪਿਸਤੌਲ (3 ਮੈਗਜ਼ੀਨਾਂ ਨਾਲ)
2 ਹੈਂਡ ਗ੍ਰਨੇਡ
ਕਾਰਤੂਸ
ਨਕਦ ਰਕਮ
ਇਲਾਕੇ ਦੇ ਨਕਸ਼ੇ ਅਤੇ ਦਸਤਾਵੇਜ਼
ਪੁਲਿਸ ਨੇ ਕਲਾਮਾਬਾਦ ਥਾਣੇ ਵਿੱਚ FIR ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਅਫ਼ਗਾਨਿਸਤਾਨ ਤੋਂ ਆ ਰਹੇ ਹਥਿਆਰਾਂ ਦੀ ਲੜੀ ‘ਤੇ ਸ਼ੱਕ
ਸੁਰੱਖਿਆ ਏਜੰਸੀਆਂ ਦੇ ਮੁਤਾਬਕ, ਅਫ਼ਗਾਨਿਸਤਾਨ ਤੋਂ ਅਮਰੀਕੀ ਫੌਜ ਦੇ ਹਟਣ ਤੋਂ ਬਾਅਦ ਉਥੇ ਰਹਿ ਗਏ ਆਧੁਨਿਕ ਹਥਿਆਰਾਂ ਦੇ ਕਸ਼ਮੀਰ ਤੱਕ ਪਹੁੰਚਣ ਦਾ ਖਦਸ਼ਾ ਪਹਿਲਾਂ ਤੋਂ ਸੀ। ਹੁਣ ਅੱਤਵਾਦੀਆਂ ਕੋਲੋਂ ਮਲੇ ਇਹ ਉੱਚ–ਤਕਨਾਲੋਜੀ ਹਥਿਆਰ ਪਾਕਿਸਤਾਨ ਦੀ ਸ਼ਹਿ ਨਾਲ ਚੱਲਣ ਵਾਲੇ ਸਿੰਡੀਕੇਟ ਦੀ ਸ਼ਮੂਲੀਅਤ ਵੱਲ ਇਸ਼ਾਰਾ ਕਰਦੇ ਹਨ।
Army Foils Terrorists Nefarious Plans Recovers Large Cache Of Weapons
