ਅਹਿਮਦਾਬਾਦ ਜਹਾਜ਼ ਹਾਦਸੇ ਦਾ ਸੱਚ ਆਇਆ ਸਾਹਮਣੇ? ਅਮਰੀਕੀ ਸੰਸਦ ਵਿੱਚ ਪੇਸ਼ ਕੀਤੀ ਗਈ ਰਿਪੋਰਟ ਨੇ ਉਡਾਏ ਸਭ ਦੇ ਹੋਸ਼
Ahmedabad
ਅਹਿਮਦਾਬਾਦ ਜਹਾਜ਼ ਹਾਦਸੇ ਦਾ ਸੱਚ ਆਇਆ ਸਾਹਮਣੇ? ਅਮਰੀਕੀ ਸੰਸਦ ਵਿੱਚ ਪੇਸ਼ ਕੀਤੀ ਗਈ ਰਿਪੋਰਟ ਨੇ ਉਡਾਏ ਸਭ ਦੇ ਹੋਸ਼
Live Punjabi TV Bureau
ਅਹਿਮਦਾਬਾਦ/ਵਾਸ਼ਿੰਗਟਨ: ਗੁਜਰਾਤ ਦੇ ਅਹਿਮਦਾਬਾਦ ਵਿੱਚ 12 ਜੂਨ 2025 ਨੂੰ ਵਾਪਰੇ ਦਰਦਨਾਕ ਹਵਾਈ ਹਾਦਸੇ ਬਾਰੇ ਇੱਕ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਏਅਰ ਇੰਡੀਆ ਦਾ AI 171 ਜਹਾਜ਼, ਜੋ 242 ਯਾਤਰੀਆਂ ਨੂੰ ਲੈ ਕੇ ਉੱਡਿਆ ਸੀ ਅਤੇ ਇੱਕ ਹਸਪਤਾਲ ਦੀ ਇਮਾਰਤ ਨਾਲ ਟਕਰਾ ਗਿਆ ਸੀ, ਉਸ ਬਾਰੇ ਅਮਰੀਕੀ ਸੰਸਦ ਵਿੱਚ ਪੇਸ਼ ਕੀਤੀ ਗਈ ਇੱਕ ਰਿਪੋਰਟ ਨੇ ਵੱਡੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਫਾਊਂਡੇਸ਼ਨ ਫਾਰ ਏਵੀਏਸ਼ਨ ਸੇਫਟੀ (FAS) ਨੇ ਦਾਅਵਾ ਕੀਤਾ ਹੈ ਕਿ ਹਾਦਸੇ ਦਾ ਕਾਰਨ ਪਾਇਲਟ ਦੀ ਗਲਤੀ ਨਹੀਂ, ਸਗੋਂ ਜਹਾਜ਼ ਦੀ ਤਕਨੀਕੀ ਖਰਾਬੀ ਸੀ।
ਜਹਾਜ਼ ਵਿੱਚ ਪਹਿਲਾਂ ਤੋਂ ਸਨ ਗੰਭੀਰ ਖਰਾਬੀਆਂ
ਅਮਰੀਕੀ ਗਰੁੱਪ FAS ਨੇ 12 ਜਨਵਰੀ 2026 ਨੂੰ ਆਪਣੀ ਰਿਪੋਰਟ ਵਿੱਚ ਦੱਸਿਆ ਕਿ ਬੋਇੰਗ 787 (Boeing 787) ਜਹਾਜ਼ ਵਿੱਚ ਸ਼ੁਰੂ ਤੋਂ ਹੀ ਇੰਜੀਨੀਅਰਿੰਗ ਅਤੇ ਰੱਖ-ਰਖਾਅ ਦੀਆਂ ਕਮੀਆਂ ਸਨ। ਰਿਪੋਰਟ ਮੁਤਾਬਕ, ਏਅਰ ਇੰਡੀਆ ਦਾ ਹਿੱਸਾ ਬਣਨ ਤੋਂ ਬਾਅਦ ਹੀ ਇਸ ਜਹਾਜ਼ ਵਿੱਚ ਇਲੈਕਟ੍ਰਾਨਿਕ ਸਿਸਟਮ ਫੇਲ੍ਹ ਹੋਣਾ, ਸਾਫਟਵੇਅਰ ਦੀ ਦਿੱਕਤ, ਖਰਾਬ ਵਾਇਰਿੰਗ, ਸ਼ਾਰਟ ਸਰਕਟ ਅਤੇ ਪਾਵਰ ਸਿਸਟਮ ਦਾ ਗਰਮ ਹੋਣਾ ਵਰਗੀਆਂ ਸਮੱਸਿਆਵਾਂ ਆ ਰਹੀਆਂ ਸਨ।
2000 ਤੋਂ ਵੱਧ ਜਹਾਜ਼ਾਂ 'ਚ ਆ ਚੁੱਕੀ ਹੈ ਖਰਾਬੀ
ਰਿਪੋਰਟ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਬੋਇੰਗ 787 ਦੇ 2000 ਤੋਂ ਵੱਧ ਜਹਾਜ਼ਾਂ ਵਿੱਚ ਸਿਸਟਮ ਫੇਲੀਅਰ ਦੀਆਂ ਸ਼ਿਕਾਇਤਾਂ ਆ ਚੁੱਕੀਆਂ ਹਨ। FAS ਦਾ ਕਹਿਣਾ ਹੈ ਕਿ ਇਹ ਮਾਡਲ ਆਪਣੇ ਤੈਅ ਸਮੇਂ ਤੋਂ 3 ਸਾਲ ਪਿੱਛੇ ਚੱਲ ਰਿਹਾ ਸੀ ਅਤੇ ਇਸ ਵਿੱਚ ਕਈ ਸੁਰੱਖਿਆ ਖਾਮੀਆਂ ਸਨ। ਜ਼ਿਕਰਯੋਗ ਹੈ ਕਿ ਹਾਦਸਾਗ੍ਰਸਤ ਜਹਾਜ਼ ਨੇ 8 ਫਰਵਰੀ 2014 ਨੂੰ ਆਪਣੀ ਪਹਿਲੀ ਕਮਰਸ਼ੀਅਲ ਉਡਾਣ ਭਰੀ ਸੀ।
ਬੋਇੰਗ ਨੇ ਝਾੜਿਆ ਪੱਲਾ, ਏਅਰ ਇੰਡੀਆ ਚੁੱਪ
ਇੰਨੇ ਗੰਭੀਰ ਦੋਸ਼ਾਂ 'ਤੇ ਬੋਇੰਗ ਕੰਪਨੀ ਨੇ ਸਫ਼ਾਈ ਦਿੰਦਿਆਂ ਕਿਹਾ ਹੈ ਕਿ ਉਹ ਅੰਤਰਰਾਸ਼ਟਰੀ ਨਿਯਮਾਂ ਦਾ ਪਾਲਣ ਕਰਦੇ ਹਨ ਅਤੇ ਭਾਰਤੀ ਜਾਂਚ ਏਜੰਸੀ (AAIB) ਦੇ ਫੈਸਲੇ ਦੀ ਉਡੀਕ ਕਰਨਗੇ। ਦੂਜੇ ਪਾਸੇ, ਏਅਰ ਇੰਡੀਆ ਨੇ ਫਿਲਹਾਲ ਇਸ ਰਿਪੋਰਟ 'ਤੇ ਚੁੱਪੀ ਧਾਰੀ ਹੋਈ ਹੈ। ਪਹਿਲਾਂ ਸ਼ੱਕ ਜਤਾਇਆ ਜਾ ਰਿਹਾ ਸੀ ਕਿ ਫਿਊਲ ਸਵਿੱਚ ਬੰਦ ਹੋਣ ਕਾਰਨ ਇਹ ਹਾਦਸਾ ਵਾਪਰਿਆ, ਪਰ ਨਵੀਂ ਰਿਪੋਰਟ ਨੇ ਮਾਮਲੇ ਨੂੰ ਹੋਰ ਗੁੰਝਲਦਾਰ ਬਣਾ ਦਿੱਤਾ ਹੈ।
Has The Truth About The Ahmedabad Plane Crash Come To Light The Report Presented In The US Congress Has Blown Everyone s Minds
