ਮਾਂ ਨੇ 10 ਮਹੀਨੇ ਪਹਿਲਾਂ ਦੱਬੀ ਸੀ ਧੀ ਦੀ ਲਾਸ਼, ਘਰ 'ਚੋਂ ਮਿਲਿਆ ਪਿੰਜਰ, ਸਾਊਦੀ 'ਚ ਰਹਿੰਦੇ ਪਿਤਾ ਦੀ ਈ-ਮੇਲ ਤੋਂ ਬਾਅਦ ਖੁੱਲ੍ਹਿਆ ਰਾਜ਼
Admin / National
ਨੈਸ਼ਨਲ ਡੈਸਕ : ਫਰੀਦਾਬਾਦ ਦੇ ਪਿੰਡ ਧੌਜ ਵਿਚ 10 ਮਹੀਨੇ ਪਹਿਲਾਂ ਘਰ ਵਿਚ ਦੱਬੀ ਲੜਕੀ ਦਾ ਪਿੰਜਰ ਪੁਲਿਸ ਨੇ ਬਰਾਮਦ ਕੀਤਾ ਹੈ। ਪੁਲਿਸ ਨੇ ਇਹ ਕਾਰਵਾਈ ਸਾਊਦੀ ਅਰਬ 'ਚ ਰਹਿ ਰਹੀ ਲੜਕੀ ਦੇ ਪਿਤਾ ਦੀ ਈ-ਮੇਲ ਸ਼ਿਕਾਇਤ ਮਿਲਣ ਤੋਂ ਬਾਅਦ ਕੀਤੀ ਹੈ। ਪੁਲਿਸ ਕਮਿਸ਼ਨਰ ਨੂੰ 7 ਜੂਨ ਨੂੰ ਮਿਲੀ ਈ-ਮੇਲ ਦੇ ਆਧਾਰ 'ਤੇ ਪੁਲਿਸ ਨੇ ਮਾਮਲੇ ਦੀ ਜਾਂਚ ਕੀਤੀ ਅਤੇ ਕਤਲ ਦੀ ਖਬਰ ਦੀ ਪੁਸ਼ਟੀ ਕਰਨ ਤੋਂ ਬਾਅਦ ਮ੍ਰਿਤਕ ਦੀ ਮਾਂ ਤੋਂ ਪੁੱਛਗਿੱਛ ਕੀਤੀ।
ਧੌਜ ਥਾਣਾ ਇੰਚਾਰਜ ਨੇ ਦੱਸਿਆ ਕਿ 7 ਜੂਨ ਨੂੰ ਸਾਊਦੀ ਅਰਬ 'ਚ ਰਹਿ ਰਹੇ ਤਾਹਿਰ ਨੇ ਆਪਣੀ ਧੀ ਬਾਰੇ ਈਮੇਲ ਸ਼ਿਕਾਇਤ ਦਿੱਤੀ ਸੀ। ਜਿਸ 'ਚ ਤਾਹਿਰ ਨੇ ਆਪਣੀ ਪਤਨੀ 'ਤੇ ਆਪਣੀ ਬੇਟੀ ਦੀ ਹੱਤਿਆ ਦਾ ਸ਼ੱਕ ਜ਼ਾਹਰ ਕੀਤਾ ਸੀ। ਤਾਹਿਰ ਨੇ ਈ-ਮੇਲ 'ਚ ਲਿਖਿਆ ਸੀ ਕਿ ਜਦੋਂ ਵੀ ਉਹ ਆਪਣੀ ਪਤਨੀ ਨੂੰ ਉਨ੍ਹਾਂ ਦੀ ਬੇਟੀ ਪ੍ਰਵੀਨਾ ਨਾਲ ਗੱਲ ਕਰਨ ਲਈ ਕਹਿੰਦਾ ਹੈ ਤਾਂ ਉਹ ਬਹਾਨਾ ਬਣਾ ਕੇ ਉਸ ਨਾਲ ਗੱਲ ਨਹੀਂ ਕਰਵਾਉਂਦੀ ਸੀ।
ਧੌਜ ਥਾਣੇ ਦੇ ਐੱਸਐੱਚਓ ਸ਼ਮਸ਼ੇਰ ਸਿੰਘ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਤਾਹਿਰ ਦੀ ਪਤਨੀ ਹਨੀਫਾ ਤੋਂ ਪੁੱਛਗਿੱਛ ਕੀਤੀ ਤਾਂ ਹਨੀਫਾ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਦੀ ਲੜਕੀ ਪਿੰਡ ਦੇ ਹੀ ਇੱਕ ਲੜਕੇ ਨਾਲ ਭੱਜ ਗਈ ਸੀ ਅਤੇ ਬਾਅਦ ਵਿਚ ਵਾਪਸ ਆ ਗਈ ਸੀ। ਪਰ ਇਸ ਤੋਂ ਬਾਅਦ ਉਹ ਸ਼ਰਮਿੰਦਗੀ ਮਹਿਸੂਸ ਕਰ ਰਹੀ ਸੀ। ਇਸ ਕਾਰਨ ਉਸ ਨੇ ਫਾਹਾ ਲੈ ਲਿਆ ਅਤੇ ਬਦਨਾਮੀ ਤੋਂ ਬਚਣ ਲਈ ਉਸ ਨੂੰ ਘਰ ਵਿਚ ਹੀ ਦਫਨਾ ਦਿੱਤਾ।
The Mother Buried Her Daughter s Body 10 Months Ago The Skeleton Was Found In The House The Secret Was Revealed After The E mail Of The Father Who Lives In Saudi
