RBI Repo Rate- ਪ੍ਰਚੂਨ ਮਹਿੰਗਾਈ 'ਚ ਗਿਰਾਵਟ ਦੇ ਨਾਲ ਤੀਜੀ ਵਾਰ ਰੈਪੋ ਰੇਟ 'ਚ ਕਟੌਤੀ ਦੀ ਉਮੀਦ
ਚੰਡੀਗੜ੍ਹ, 16 ਅਪ੍ਰੈਲ 2025: ਮਾਰਚ 2025 ਵਿੱ'ਚ ਪ੍ਰਚੂਨ ਮਹਿੰਗਾਈ ਛੇ ਸਾਲਾਂ ਦੇ ਹੇਠਲੇ ਪੱਧਰ 'ਤੇ ਡਿੱਗਣ ਨਾਲ, ਰੈਪੋ ਰੇਟ ਵਿੱਚ ਲਗਾਤਾਰ ਤੀਜੀ ਕਟੌਤੀ ਦੀਆਂ ਉਮੀਦਾਂ ਵਧ ਗਈਆਂ ਹਨ। ਫਰਵਰੀ 2025 ਤੋਂ ਲੈ ਕੇ ਹੁਣ ਤੱਕ, ਆਰਬੀਆਈ ਨੇ ਰੈਪੋ ਰੇਟ 'ਚ ਦੋ ਵਾਰ 0.50 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਹੈ। ਆਈਸੀਆਰਏ ਦੀ ਮੁੱਖ ਅਰਥਸ਼ਾਸਤਰੀ ਅਦਿਤੀ ਨਾਇਰ ਨੇ ਕਿਹਾ, ਖੁਰਾਕੀ ਵਸਤੂਆਂ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਕਾਰਨ ਮਾਰਚ ਵਿੱਚ ਪ੍ਰਚੂਨ ਮੁਦਰਾਸਫੀਤੀ ਵਿੱਚ ਕ੍ਰਮਵਾਰ ਆਧਾਰ 'ਤੇ ਤੇਜ਼ੀ ਨਾਲ ਗਿਰਾਵਟ ਆਈ ਹੈ।
ਦੂਜੇ ਅਗਾਊਂ ਅਨੁਮਾਨ ਦੇ ਤਹਿਤ, 2024-25 'ਚ ਰਿਕਾਰਡ ਖੇਤੀਬਾੜੀ ਉਤਪਾਦਨ ਦੀ ਉਮੀਦ ਹੈ। ਉਨ੍ਹਾਂ ਕਿਹਾ, ਸਾਡਾ ਮੰਨਣਾ ਹੈ ਕਿ ਆਰਬੀਆਈ ਦੀ ਮੁਦਰਾ ਨੀਤੀ ਕਮੇਟੀ (ਐਮਪੀਸੀ) ਦੀਆਂ ਅਗਲੀਆਂ ਤਿੰਨ ਮੀਟਿੰਗਾਂ 'ਚ ਮੁੱਖ ਨੀਤੀਗਤ ਦਰ 'ਚ 0.50 ਪ੍ਰਤੀਸ਼ਤ ਦੀ ਹੋਰ ਕਮੀ ਕੀਤੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ, ਮਾਰਚ ਦੇ ਮਹਿੰਗਾਈ ਦੇ ਅੰਕੜਿਆਂ ਨੇ ਜੂਨ 'ਚ ਹੋਣ ਵਾਲੀ MPC ਦੀ ਅਗਲੀ ਮੀਟਿੰਗ 'ਚ ਰੈਪੋ ਰੇਟ 'ਚ 0.25 ਪ੍ਰਤੀਸ਼ਤ ਦੀ ਕਟੌਤੀ ਦੀ ਉਮੀਦ ਵਧਾ ਦਿੱਤੀ ਹੈ।
ਪ੍ਰਚੂਨ ਮਹਿੰਗਾਈ ਦਰ ਤੇਲੰਗਾਨਾ 'ਚ ਸਭ ਤੋਂ ਘੱਟ 1.06 ਪ੍ਰਤੀਸ਼ਤ ਅਤੇ ਕੇਰਲ 'ਚ ਸਭ ਤੋਂ ਵੱਧ 6.59 ਪ੍ਰਤੀਸ਼ਤ ਸੀ। ਇਹ ਦਿੱਲੀ 'ਚ 1.48 ਪ੍ਰਤੀਸ਼ਤ, ਉੱਤਰ ਪ੍ਰਦੇਸ਼ 'ਚ 3.01 ਪ੍ਰਤੀਸ਼ਤ, ਹਿਮਾਚਲ ਪ੍ਰਦੇਸ਼ 'ਚ 3.20 ਪ੍ਰਤੀਸ਼ਤ, ਪੰਜਾਬ 'ਚ 3.65 ਪ੍ਰਤੀਸ਼ਤ, ਉਤਰਾਖੰਡ 'ਚ 3.78 ਪ੍ਰਤੀਸ਼ਤ, ਹਰਿਆਣਾ 'ਚ 3.81 ਪ੍ਰਤੀਸ਼ਤ ਅਤੇ ਜੰਮੂ-ਕਸ਼ਮੀਰ 'ਚ 4 ਪ੍ਰਤੀਸ਼ਤ ਸੀ।
RBI Repo Rate Third Repo Rate Cut Expected As Retail Inflation Falls
