ਚੰਡੀਗੜ੍ਹ ਗੈਸਟ ਹਾਊਸ ਚ ਨਕਲੀ ਪੀ ਸੀ ਐਸ ਅਫਸਰ ਦਾ ਹਾਈਵੋਲਟੇਜ ਡਰਾਮਾ, ਗੰਨਮੈਨ ਨੂੰ ਕਿਹਾ—ਗੱਡੀ ਤਿਆਰ ਕਰੋ, ਰੇਡ ’ਤੇ ਜਾਣਾ
Lptv Bureau / Chandigarh
ਪ੍ਰਾਈਵੇਟ ਇਨੋਵਾ ਤੇ ਗਵਰਨਮੈਂਟ ਆਫ ਪੰਜਾਬ ਦਾ ਸਟੀਕਰ ਤੇ ਲਾਲਬੱਤੀ 5 ਹਜ਼ਾਰ ਉਧਾਰ ਮੰਗਣ ਤੇ ਕਰਮਚਾਰੀਆਂ ਨੂੰ ਹੋਇਆ ਸ਼ੱਕ
ਪਾਂਡੇ ਪ੍ਰਾਈਵੇਟ ਇਨੋਵਾ ਤੇ ਗਵਰਨਮੈਂਟ ਆਫ ਪੰਜਾਬ ਲਿਖਵਾ ਕੇ ਅਤੇ ਲਾਲਬੱਤੀ ਲਗਾ ਕੇ ਘੁੰਮ ਰਿਹਾ ਸੀ
ਪ੍ਰਾਈਵੇਟ ਇਨੋਵਾ ਤੇ ਗਵਰਨਮੈਂਟ ਆਫ ਪੰਜਾਬ ਦਾ ਸਟੀਕਰ ਤੇ ਲਾਲਬੱਤੀ 5 ਹਜ਼ਾਰ ਉਧਾਰ ਮੰਗਣ ਤੇ ਕਰਮਚਾਰੀਆਂ ਨੂੰ ਹੋਇਆ ਸ਼ੱਕ
ਚੰਡੀਗੜ੍ਹ, 28 ਅਗਸਤ — ਗੁਰਵਿੰਦਰ ਸਿੰਘ
ਚੰਡੀਗੜ੍ਹ ਦੇ ਸੈਕਟਰ-6 ਸਥਿਤ ਯੂਟੀ ਗੈਸਟ ਹਾਊਸ ਵਿੱਚ ਖੁਦ ਨੂੰ ਪੰਜਾਬ ਤੋਂ ਡੈਪੂਟੇਸ਼ਨ ਤੇ ਆਇਆ PCS ਅਫਸਰ ਦੱਸਣ ਵਾਲੇ ਕੇਡੀ ਪਾਂਡੇ ਨੂੰ ਲੈ ਕੇ ਉਸ ਵੇਲੇ ਹੰਗਾਮਾ ਹੋ ਗਿਆ, ਜਦੋਂ ਗੈਸਟ ਹਾਊਸ ਕਰਮਚਾਰੀਆਂ ਨੂੰ ਉਸ ਦੀ ਪਛਾਣ ਤੇ ਸ਼ੱਕ ਹੋਇਆ।
ਪਾਂਡੇ ਨਾਲ ਇੱਕ ਵਿਅਕਤੀ ਗਨਮੈਨ ਵਜੋਂ ਮੌਜੂਦ ਸੀ।
ਪਾਂਡੇ ਪ੍ਰਾਈਵੇਟ ਇਨੋਵਾ ਤੇ ਗਵਰਨਮੈਂਟ ਆਫ ਪੰਜਾਬ ਲਿਖਵਾ ਕੇ ਅਤੇ ਲਾਲਬੱਤੀ ਲਗਾ ਕੇ ਘੁੰਮ ਰਿਹਾ ਸੀ। ਉਸ ਨੇ ਗੈਸਟ ਹਾਊਸ ਕਰਮਚਾਰੀਆਂ ਤੋਂ ਕਰੀਬ 5 ਹਜ਼ਾਰ ਰੁਪਏ ਉਧਾਰ ਵੀ ਮੰਗੇ। ਸ਼ੱਕ ਵਧਣ ਤੇ ਜਦੋਂ ਉਸ ਤੋਂ ਅਹੁਦੇ ਅਤੇ ਡਿਊਟੀ ਬਾਰੇ ਪੁੱਛਗਿੱਛ ਹੋਈ ਤਾਂ ਉਸ ਨੇ ਗਨਮੈਨ ਨੂੰ ਫੋਨ ਕਰਕੇ ਕਿਹਾ—“ਜਲਦੀ ਆਓ, ਗੱਡੀ ਤਿਆਰ ਕਰੋ, ਰੇਡ ਤੇ ਜਾਣਾ ਹੈ।”
ਪੁਲਿਸ ਮੁਤਾਬਕ, ਪਾਂਡੇ ਕੋਲ PCS ਅਫਸਰ ਹੋਣ ਦਾ ਕੋਈ ਪਛਾਣ ਪੱਤਰ ਜਾਂ ਦਸਤਾਵੇਜ਼ ਨਹੀਂ ਮਿਲਿਆ। ਉਸ ਕੋਲੋਂ ਪੰਜਾਬ ਕੋਆਪਰੇਟਿਵ ਸੋਸਾਇਟੀ ਨਾਲ ਸਬੰਧਤ ਕਾਰਡ ਮਿਲਿਆ। ਉਸ ਨੇ ਆਪਣੇ ਪਿਤਾ ਜੀਡੀ ਪਾਂਡੇ ਨੂੰ ਪੰਜਾਬ ਪੁਲਿਸ ਦਾ ਰਿਟਾਇਰਡ DGP ਦੱਸਿਆ ਅਤੇ ਨਾਲ ਮੌਜੂਦ ਵਿਅਕਤੀ ਨੂੰ ਪਿਤਾ ਦਾ ਗਨਮੈਨ ਦੱਸਿਆ।
ਜਾਂਚ ਵਿੱਚ ਇਨੋਵਾ ਵੀ ਸਰਕਾਰੀ ਗੱਡੀ ਨਹੀਂ, ਸਗੋਂ ਉਸ ਦੀ ਮਾਂ ਦੇ ਨਾਂ ਤੇ ਰਜਿਸਟਰਡ ਪ੍ਰਾਈਵੇਟ ਵਾਹਨ ਨਿਕਲੀ। ਪੁਲਿਸ ਨੇ ਲਾਲਬੱਤੀ ਅਤੇ ਗਵਰਨਮੈਂਟ ਆਫ ਪੰਜਾਬ ਸਟੀਕਰ ਹਟਵਾ ਕੇ ਕ੍ਰਮਵਾਰ 1,000 ਅਤੇ 500 ਰੁਪਏ ਦੇ ਚਲਾਨ ਕੀਤੇ।
ਮਾਮਲੇ ਵਿੱਚ ਡੀਡੀਆਰ ਦਰਜ ਕੀਤੀ ਗਈ। ਪੁਲਿਸ ਅਨੁਸਾਰ ਪਾਂਡੇ ਨੂੰ ਚੇਤਾਵਨੀ ਦੇ ਕੇ ਛੱਡ ਦਿੱਤਾ ਗਿਆ।
chandigarh fakepcsofficer kdpandey utguesthouse punjabpolice fakegovernmentvehicle punjabnews
