Asia Cup- ਭਾਰਤ-ਪਾਕਿ ਦੇ ਮੈਚ 'ਤੇ ਮੁੜ ਛਾਏ ਬੱਦਲ, 70 ਫੀਸਦੀ ਬਾਰਿਸ਼ ਪੈਣ ਦੇ ਆਸਾਰ
LPTV / Chandigarh
ਸਪੋਰਟਸ ਡੈਸਕ: ਏਸ਼ੀਆ ਕੱਪ 2023 ਦੇ ਸੁਪਰ 4 ਦੀਆਂ ਸਾਰੀਆਂ ਚਾਰ ਟੀਮਾਂ ਫਾਈਨਲ ਹੋ ਗਈਆਂ ਹਨ। ਭਾਰਤ ਅਤੇ ਪਾਕਿਸਤਾਨ ਦੇ ਨਾਲ-ਨਾਲ ਬੰਗਲਾਦੇਸ਼ ਫਿਰ ਸ਼੍ਰੀਲੰਕਾ ਨੇ ਆਖ਼ਰਕਾਰ ਆਪਣੀ ਜਗ੍ਹਾ ਪੱਕੀ ਕੀਤੀ। ਸੁਪਰ 4 ਦਾ ਪਹਿਲਾ ਮੈਚ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡਿਆ ਜਾਵੇਗਾ। ਪਾਕਿਸਤਾਨ ਇਸ ਮੈਚ ਦੀ ਮੇਜ਼ਬਾਨੀ ਕਰੇਗਾ। ਇਸ ਤੋਂ ਬਾਅਦ ਸੁਪਰ 4 ਮੈਚ ਸ਼੍ਰੀਲੰਕਾ ਦੇ ਕੋਲੰਬੋ 'ਚ ਖੇਡੇ ਜਾਣਗੇ। ਇਸ ਮੈਚ 'ਚ ਸਭ ਤੋਂ ਅਹਿਮ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਣ ਵਾਲਾ ਮੈਚ ਹੈ, ਜਿਸ ਦੇ ਮੀਂਹ ਕਾਰਨ ਇਕ ਵਾਰ ਫਿਰ ਬੇ-ਅਨਤੀਜਾ ਹੋਣ ਦੀ ਉਮੀਦ ਹੈ। ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਸੁਪਰ 4 ਦਾ ਮੈਚ 10 ਸਤੰਬਰ ਐਤਵਾਰ ਨੂੰ ਖੇਡਿਆ ਜਾਣਾ ਹੈ। ਇਸ ਮੈਚ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਕਾਫੀ ਉਤਸੁਕਤਾ ਹੈ ਕਿਉਂਕਿ ਪਹਿਲਾ ਮੈਚ ਪੂਰੀ ਤਰ੍ਹਾਂ ਨਾਲ ਨਹੀਂ ਖੇਡਿਆ ਜਾ ਸਕਿਆ ਸੀ। ਕੋਲੰਬੋ ਦੇ ਮੌਸਮ ਕਾਰਨ ਪ੍ਰਸ਼ੰਸਕ ਡਰੇ ਹੋਏ ਹਨ। ਇਹ ਡਰ ਵੀ ਸਹੀ ਹੈ ਕਿਉਂਕਿ ਇਸ ਮੈਚ ਦੌਰਾਨ 70 ਫੀਸਦੀ ਮੀਂਹ ਪੈਣ ਦੀ ਸੰਭਾਵਨਾ ਹੈ।
Asia Cup India Pakistan match again covered with clouds 70 percent chance of rain
