ਕ੍ਰਿਕਟ ਜਗਤ 'ਚ ਸੋਗ ਦਾ ਮਾਹੌਲ, ਇਸ ਖਿਡਾਰੀ ਨੇ 20 ਸਾਲ ਦੀ ਉਮਰ 'ਚ ਦੁਨੀਆ ਨੂੰ ਕਿਹਾ ਅਲਵਿਦਾ
Admin / National
ਸਪੋਰਟਸ ਡੈਸਕ : ਕ੍ਰਿਕਟ ਜਗਤ ਤੋਂ ਇੱਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। 20 ਸਾਲ ਦੀ ਉਮਰ 'ਚ ਇਕ ਨੌਜਵਾਨ ਖਿਡਾਰੀ ਦੁਨੀਆ ਨੂੰ ਅਲਵਿਦਾ ਕਹਿ ਗਿਆ ਹੈ। ਇਸ ਖਿਡਾਰੀ ਨੇ ਆਪਣੀ ਮੌਤ ਤੋਂ ਇੱਕ ਦਿਨ ਪਹਿਲਾਂ ਤੱਕ ਕ੍ਰਿਕਟ ਦੇ ਮੈਦਾਨ ਵਿੱਚ ਆਪਣੀ ਚਮਕ ਫੈਲਾਈ ਸੀ। ਇਸ ਖਿਡਾਰੀ ਦੀ ਮੌਤ ਨਾਲ ਪੂਰੇ ਕ੍ਰਿਕਟ ਜਗਤ 'ਚ ਸੋਗ ਦੀ ਲਹਿਰ ਹੈ। ਇਸ ਖਿਡਾਰੀ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਇਸ ਖਿਡਾਰੀ ਨੇ ਆਪਣੀ ਮੌਤ ਤੋਂ ਇੱਕ ਦਿਨ ਪਹਿਲਾਂ ਖੇਡਦੇ ਹੋਏ 3 ਵਿਕਟਾਂ ਲਈਆਂ ਸਨ।
ਇੰਗਲੈਂਡ ਦੇ ਨੌਜਵਾਨ ਕ੍ਰਿਕਟ ਖਿਡਾਰੀ ਜੋਸ ਬੇਕਰ ਦੀ ਮੌਤ ਹੋ ਗਈ ਹੈ। ਇਕ ਦਿਨ ਪਹਿਲਾਂ ਮੈਦਾਨ 'ਤੇ ਵਿਕਟਾਂ ਲੈਣ ਵਾਲੇ ਕ੍ਰਿਕਟਰ 20 ਸਾਲਾ ਜੋਸ ਬੇਕਰ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਜੋਸ ਬੇਕਰ ਵਰਸੇਸਟਰਸ਼ਾਇਰ ਟੀਮ ਲਈ ਖੇਡਿਆ। ਉਹ ਸਪਿਨ ਗੇਂਦਬਾਜ਼ ਸੀ। ਇਸ ਖੱਬੇ ਹੱਥ ਦੇ ਸਪਿਨਰ ਨੇ ਸਾਲ 2021 ਵਿੱਚ ਸਿਰਫ਼ 17 ਸਾਲ ਦੀ ਉਮਰ ਵਿੱਚ ਆਪਣਾ ਪਹਿਲਾ ਕਰਾਰ ਕੀਤਾ ਸੀ।
ਵਰਸੇਸਟਰਸ਼ਾਇਰ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਵਿੱਚ ਜੌਸ ਬੇਕਰ ਦੀ ਮੌਤ ਦੀ ਘੋਸ਼ਣਾ ਕੀਤੀ। ਵਰਸੇਸਟਰਸ਼ਾਇਰ ਦੇ ਮੁੱਖ ਕਾਰਜਕਾਰੀ ਐਸ਼ਲੇ ਗਾਈਲਸ ਨੇ ਕਿਹਾ: “ਅਸੀਂ ਸਾਰੇ ਉਸਦੀ ਮੌਤ ਨਾਲ ਤਬਾਹ ਹੋ ਗਏ ਹਾਂ। ਐਸ਼ਲੇ ਗਾਈਲਸ ਨੇ ਕਿਹਾ ਕਿ ਸਾਡੇ ਲਈ ਉਹ ਇਕ ਖਿਡਾਰੀ ਤੋਂ ਵੱਧ ਸੀ। ਉਹ ਸਾਡੇ ਕ੍ਰਿਕਟ ਪਰਿਵਾਰ ਦਾ ਅਹਿਮ ਮੈਂਬਰ ਸੀ। ਅਸੀਂ ਉਸਨੂੰ ਬਹੁਤ ਯਾਦ ਕਰਾਂਗੇ। ਗਾਈਲਸ ਨੇ ਅੱਗੇ ਕਿਹਾ ਕਿ ਸਾਡੀ ਡੂੰਘੀ ਹਮਦਰਦੀ ਜੋਸ ਦੇ ਪਰਿਵਾਰ ਅਤੇ ਉਸਦੇ ਦੋਸਤਾਂ ਨਾਲ ਹੈ। ਜੋਸ ਬੇਕਰ ਨੇ ਆਪਣੇ ਛੋਟੇ ਕਰੀਅਰ ਵਿੱਚ 22 ਪਹਿਲੇ ਦਰਜੇ ਦੇ ਮੈਚ ਅਤੇ 25 ਵਾਈਟ ਬਾਲ ਮੈਚ ਖੇਡੇ। ਉਹ ਇੰਗਲੈਂਡ ਦੀ ਅੰਡਰ-19 ਟੀਮ ਦਾ ਵੀ ਹਿੱਸਾ ਸੀ। ਜੋਸ ਬੇਕਰ ਨੇ ਆਪਣੇ ਪਹਿਲੇ ਦਰਜੇ ਦੇ ਕਰੀਅਰ ਵਿੱਚ 43 ਵਿਕਟਾਂ ਲਈਆਂ ਅਤੇ 411 ਦੌੜਾਂ ਵੀ ਬਣਾਈਆਂ, ਜਿਸ ਵਿੱਚ 2 ਅਰਧ ਸੈਂਕੜੇ ਸ਼ਾਮਲ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲਿਸਟ ਏ ਕ੍ਰਿਕਟ 'ਚ 24 ਵਿਕਟਾਂ ਹਾਸਲ ਕੀਤੀਆਂ ਸਨ। ਉਹ 8 ਟੀ-20 ਮੈਚਾਂ 'ਚ 3 ਵਿਕਟਾਂ ਲੈਣ 'ਚ ਵੀ ਸਫਲ ਰਿਹਾ।
Josh Baker Dies Cricket Player The Atmosphere Of Mourning In The Cricket World
