Paris Olympics 2024 - ਟੈਨਿਸ 'ਚ ਭਾਰਤੀ ਚੁਣੌਤੀ ਸਮਾਪਤ, ਸੁਮਿਤ ਨਾਗਲ ਤੋਂ ਬਾਅਦ ਬੋਪੰਨਾ-ਬਾਲਾਜੀ ਦੀ ਜੋੜੀ ਪਹਿਲੇ ਦੌਰ 'ਚ ਹਾਰੀ
Admin / Sports
ਸਪੋਰਟਸ ਡੈਸਕ : ਰੋਹਨ ਬੋਪੰਨਾ ਤੇ ਐੱਨ ਸ਼੍ਰੀਰਾਮ ਬਾਲਾਜੀ ਦੀ ਭਾਰਤੀ ਜੋੜੀ ਨੂੰ ਪੈਰਿਸ 2024 ਓਲੰਪਿਕ ਦੇ ਪੁਰਸ਼ ਡਬਲਜ਼ ਦੇ ਪਹਿਲੇ ਦੌਰ ਵਿਚ ਗੇਲ ਮੋਨਫਿਲਸ ਅਤੇ ਐਡਵਰਡ ਰੋਜਰ-ਵੈਸਲਿਨ ਦੀ ਫਰਾਂਸੀਸੀ ਜੋੜੀ ਤੋਂ ਰੋਲੈਂਡ-ਗੈਰੋਸ ਦੇ ਕੋਰਟ ਵਿਚ ਐਤਵਾਰ ਨੂੰ ਸਿੱਧੇ ਸੈੱਟਾਂ ਵਿਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਵੇਸਲਿਨ ਨੇ ਬਾਲਾਜੀ ਨੂੰ ਇਕ ਘੰਟੇ 16 ਮਿੰਟ ਵਿਚ 7-5, 6-2 ਨਾਲ ਹਰਾ ਕੇ ਦੂਜੇ ਦੌਰ ਵਿਚ ਪ੍ਰਵੇਸ਼ ਕੀਤਾ, ਜਿੱਥੇ ਉਸ ਦਾ ਸਾਹਮਣਾ ਟਿਮ ਪੁਏਟਜ਼ ਅਤੇ ਕੇਵਿਨ ਕ੍ਰਾਵਿਟਜ਼ ਦੀ ਦੂਜੀ ਦਰਜਾ ਪ੍ਰਾਪਤ ਜਰਮਨ ਜੋੜੀ ਨਾਲ ਹੋਵੇਗਾ।
ਭਾਰਤੀ ਜੋੜੀ ਦੀ ਸ਼ੁਰੂਆਤ ਪਹਿਲੇ ਸੈੱਟ ਵਿਚ ਚੰਗੀ ਨਹੀਂ ਰਹੀ। ਉਹ ਸ਼ੁਰੂਆਤੀ ਬ੍ਰੇਕ ਗੁਆਉਣ ਤੋਂ ਬਾਅਦ 2-4 ਨਾਲ ਪਿਛੜ ਗਏ। ਹਾਲਾਂਕਿ, ਉਨ੍ਹਾਂ ਨੇ ਬ੍ਰੇਕ ਲੈਣ ਲਈ ਵਾਪਸੀ ਕੀਤੀ ਅਤੇ ਗੇਮ ਨੂੰ 5-5 ਨਾਲ ਬਰਾਬਰ ਕਰ ਦਿੱਤਾ। ਜਦੋਂ ਅਜਿਹਾ ਲੱਗ ਰਿਹਾ ਸੀ ਕਿ ਖੇਡ ਟਾਈਬ੍ਰੇਕਰ ਤੱਕ ਜਾ ਸਕਦੀ ਹੈ, ਫਰਾਂਸੀਸੀ ਜੋੜੀ ਨੇ ਆਪਣਾ ਦੂਜਾ ਬ੍ਰੇਕ ਹਾਸਲ ਕੀਤਾ ਅਤੇ 42 ਮਿੰਟਾਂ ਵਿਚ ਪਹਿਲਾ ਸੈੱਟ ਜਿੱਤ ਲਿਆ।
ਦੂਜਾ ਸੈੱਟ ਹੋਰ ਵੀ ਇਕਤਰਫਾ ਸਾਬਤ ਹੋਇਆ। ਇੱਕ ਵਾਰ ਫਿਰ, ਬੋਪੰਨਾ ਅਤੇ ਬਾਲਾਜੀ ਨੇ ਆਪਣੀ ਸਰਵਿਸ ਜਲਦੀ ਗੁਆ ਦਿੱਤੀ, ਜਿਸ ਨਾਲ ਉਹ ਫਿਰ ਮੁਸ਼ਕਲ ਵਿਚ ਪੈ ਗਏ। ਇਸ ਵਾਰ, ਉਹ ਬੜ੍ਹਤ ਹਾਸਲ ਕਰਨ ਵਿਚ ਅਸਮਰੱਥ ਰਹੇ, ਕਿਉਂਕਿ ਮੋਨਫਿਲਸ ਅਤੇ ਰੋਜਰ-ਵੈਸਲਿਨ ਆਸਾਨੀ ਨਾਲ ਜਿੱਤ ਗਏ। ਇਸ ਤੋਂ ਪਹਿਲਾਂ ਪੁਰਸ਼ ਸਿੰਗਲਜ਼ ਵਿਚ ਭਾਰਤ ਦੇ ਇਕਲੌਤੇ ਖਿਡਾਰੀ ਸੁਮਿਤ ਨਾਗਲ ਨੂੰ ਪਹਿਲੇ ਦੌਰ ਵਿਚ ਫਰਾਂਸ ਦੇ ਕੋਰੇਂਟਿਨ ਮਾਉਟ ਤੋਂ ਤਿੰਨ ਸੈੱਟਾਂ ਦੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਹਾਰ ਨਾਲ ਪੈਰਿਸ ਓਲੰਪਿਕ 'ਚ ਟੈਨਿਸ ਵਿਚ ਭਾਰਤੀ ਚੁਣੌਤੀ ਖਤਮ ਹੋ ਗਈ ਹੈ।
Indian Challenge In Tennis Ends Bopanna Balaji Pair Lost In First Round After Sumit Nagal
